ମୁମ୍ବାଇ: ବଲିଉଡ୍ ଅଭିନେତା ମନୋଜ ବାଜପେୟୀ କରୋନାରେ ପୀଡିତ ହୋଇଥିବା ଜଣାପଡିଛି । ଦୁଇ ଦିନ ପୂର୍ବରୁ ଅଭିନେତା ରଣବୀର କପୁର ଓ ନିର୍ଦ୍ଦେଶକ ସଞ୍ଜୟ ଲିଲା ଭଂସାଲି କରୋନାରେ ପୀଡ଼ିତ ହେବା ପରେ ପୁଣି ଜଣେ ଅଭିନେତାଙ୍କ କରୋନା ରିପୋର୍ଟ ପଜିଟିଭ ଆସିବା ସମସ୍ତଙ୍କୁ ଚିନ୍ତାରେ ପକାଇ ଦେଇଛି । ମନୋଜ ଏବେ ନିଜ ଘରେ ହୋମ କ୍ୱାରାଣ୍ଟାଇନରେ ଅଛନ୍ତି । ସେ ସମସ୍ତ କୋଭିଡ ନିୟମ ପାଳନ କରି ଘରେ ରହିଥିବା ଜଣାପଡିଛି । ମନୋଜ ତାଙ୍କ ଅଗାମୀ ଫିଲ୍ମର ଶୁଟିଂରେ ବ୍ୟସ୍ତ ଥିବା ବେଳେ ତାଙ୍କର କରୋନା ରିପୋର୍ଟ ପଜିଟିଭ ଆସିବା ପରେ ଶୁଟିଂ ବନ୍ଦ କରାଯାଇଛି । ତେବେ ଫିଲ୍ମର ନିର୍ଦ୍ଦେଶକଙ୍କ କରୋନା ରିପୋର୍ଟ ପଜିଟିଭ ଆସିବା ପରେ ମନୋଜ ତାଙ୍କର କରୋନା ଟେଷ୍ଟ କରାଇଥିଲେ ଆଉ ଏବେ ତାଙ୍କ ରିପୋର୍ଟ ପଜିଟିଭ ଆସିଛି ।
