କୋଲକାତା,୧୮।୧୦ : ସମ୍ପ୍ରତି ଆମେ ପ୍ରାୟତଃ ସ୍ମାର୍ଟଫୋନ ପାଇଁ ଲୋକଙ୍କ ମଧ୍ୟରେ ଥିବା କ୍ରେଜ ଖବର ଶୁଣିଥାଉ। କିନ୍ତୁ ପଶ୍ଚିମବଙ୍ଗରେ ଯାହା ଘଟିଛି ତାହା ପ୍ରକୃତରେ ତାହା ଯେକୌଣସି ଲୋକଙ୍କୁ ନିଶ୍ଚିତ ଆଶ୍ଚର୍ଯ୍ୟ କରିବ। ଏଠାରେ ଜଣେ ୧୬ ବର୍ଷ ବୟସ୍କା ନାବାଳିକା ନିଜର ରକ୍ତ ବିକ୍ରି ପାଇଁ ଜିଲା ଡାକ୍ତରଖାନାର ବ୍ଲଡ ବ୍ୟାଙ୍କରେ ପହଞ୍ଚିଥିଲେ। ସେ ରକ୍ତ ବିକ୍ରି କରି ନିଜ ପାଇଁ ସ୍ମାର୍ଟଫୋନ କିଣିବାକୁ ଚାହୁଁଥିଲେ। ବ୍ଲଡ ବ୍ୟାଙ୍କର ଅଧିକାରୀମାନେ ଏହା ଜାଣିବା ମାତ୍ରେ ଚାଇଲ୍ଡ ଲାଇନକୁ ଏହା ବିଷୟରେ ଜଣାଇଥିଲେ। ଏହା ପରେ, ଏହି ଝିଅକୁ କାଉନସେଲିଂ କରିବା ପରେ ତାଙ୍କୁ ଜିଲା ଶିଶୁ କଲ୍ୟାଣ କମିଟି ମାଧ୍ୟମରେ ତାଙ୍କ ପିତାମାତାଙ୍କ ନିକଟକୁ ପଠାଯାଇଥିଲା।
ବାଲୁରଘାଟ ଜିଲା ଡାକ୍ତରଖାନାର ବ୍ଲଡ ବ୍ୟାଙ୍କର କାନଉସିଲର କହିଛନ୍ତି ଯେ ସୋମବାର ପୂର୍ବାହ୍ନ ପ୍ରାୟ ୧୦ ଟାରେ ନାବାଳିକା ଜଣକ ଏଠାକୁ ଆସିଥିଲେ। ପ୍ରାରମ୍ଭରେ, ଆମେ ଭାବୁଥିଲୁ ସେ ରକ୍ତ ସଂଗ୍ରହ କରିବାକୁ ଆସିଛନ୍ତି। କିନ୍ତୁ ସେ ରକ୍ତ ବିକ୍ରି କରିବାକୁ ଚାହୁଁଛନ୍ତି ବୋଲି କହିବା ମାତ୍ରେ ଆମେ ଆଶ୍ଚର୍ଯ୍ୟ ହୋଇଗଲୁ। ତା’ପରେ ଆମେ ଭାବିଲୁ ଯେ ସେ ତାଙ୍କ ଭାଇଙ୍କ ଚିକିତ୍ସା ପାଇଁ ଟଙ୍କା ସଂଗ୍ରହ କରିବାକୁ ଚାହୁଁଛନ୍ତି, ତେଣୁ ରକ୍ତ ବିକ୍ରି କରିବାକୁ ଚାହୁଁଛନ୍ତିଗ। ଆମେ ତାଙ୍କ ସହିତ କିଛି ସମୟ କଥା ହେଲୁ । ତା’ପରେ ସେ କହିଥିଲେ ଯେ ସେ ସ୍ମାର୍ଟଫୋନ କିଣିବାକୁ ଚାହୁଁଛନ୍ତି ତେଣୁ ସେ ରକ୍ତ ବିକ୍ରି କରିବାକୁ ଆସିଛନ୍ତି। ସେ କହିଥିଲେ ଯେ ସେ ନିଜ ସମ୍ପର୍କୀୟଙ୍କ ଫୋନରୁ ନିଜ ପାଇଁ ଅନଲାଇନରେ ମୋବାଇଲ ଅର୍ଡର କରିଛନ୍ତି। ବର୍ତ୍ତମାନ ଏହାକୁ କିଣିବାକୁ ଟଙ୍କା ଆବଶ୍ୟକ। କୁହାଯାଉଛି ଯେ ଏହି ନାବାଳିକା ଜଣକ ପ୍ରାୟ ୩୦ କିଲୋମିଟର ଦୂରରେ ଥିବା ତପନ ନାମକ ଏକ ସ୍ଥାନରୁ ବାଲୁରଘାଟରେ ପହଞ୍ଚିଥିଲେ। ତାଙ୍କର ବାପା ସ୍ଥାନୀୟ ବଜାରରେ ପନିପରିବା ବିକ୍ରି କରନ୍ତି ଏବଂ ମା ଜଣେ ଗୃହିଣୀ ।
ସେ ନାବାଳିକା ହୋଇଥିବାରୁ ବ୍ଲଡ ବ୍ୟାଙ୍କର ଅଧିକାରୀମାନେ ତୁରନ୍ତ ୧୦୯୮ ରେ ଚାଇଲ୍ଡ ଲାଇନକୁ ସୂଚନା ଦେଇଥିଲେ। ଏହା ପରେ କାଉନସିଲର ସେଠାରେ ପହଞ୍ଚି ତାଙ୍କ ସହିତ କଥା ହୋଇଥିଲେ। କାଉନସିଲରଙ୍କ ଅନୁଯାୟୀ ନାବାଳିକା ଜଣକ ୯ ହଜାର ଟଙ୍କାର ଫୋନ ଅର୍ଡର କରିଛନ୍ତି। ଏହି ଫୋନର ଡେଲିଭରୀ ଆସନ୍ତା ଗୁରୁବାର ହେବାକୁ ଯାଉଛି। ସୋମବାର ସେ ପାଠ ପଢ଼ିବାକୁ ଯାଉଛି ବୋଲି କହି ଘରୁ ବାହାରିଥିଲେ। ସେ ସାଇକେଲରେ ବସଷ୍ଟାଣ୍ଡରେ ପହଞ୍ଚି ସେଠାରୁ ବସରେ ବାଲୁରଘାଟ ଜିଲା ଡାକ୍ତରଖାନାରେ ପହଞ୍ଚିଥିଲେ। ଚାଇଲ୍ଡ ଲାଇନ କର୍ତ୍ତୃପକ୍ଷ ରାଜ୍ୟ ସରକାରଙ୍କ ଜିଲା ଶିଶୁ କଲ୍ୟାଣ କମିଟିକୁ ସୂଚନା ଦେଇଥିଲେ। ଏହା ପରେ କମିଟି ତାଙ୍କର ପିତାମାତାଙ୍କ ସହ ଯୋଗାଯୋଗ କରିଥିଲେ।
