ମାଣ୍ଡିଆ ଦୋସା
12:14 pmApril 13, 2021April 13, 2021 / 09

ଆବଶ୍ୟକ ସାମଗ୍ରୀ
ମାଣ୍ଡିଆ ଚୂନା- ୧ ଚାମଚ, କଟା ପିଆଜ- ୨ ବଡ଼ ଚାମଚ, ଧନିଆ ପତ୍ର- ଅଳ୍ପ (କଟା), ଭୁର୍ସଙ୍ଗପତ୍ର- ଅଳ୍ପ (କଟା), କଞ୍ଚା ଲଙ୍କା- ୩ଟି (କଟା), ଆବଶ୍ୟକ ଅନୁସାରେ ଲୁଣ ଓ ତେଲ।
ପ୍ରସ୍ତୁତି ପ୍ରଣାଳୀ- ପ୍ରଥମେ ଏକ ପାତ୍ରରେ ମାଣ୍ଡିଆଚୂନା ସହିତ ପାଣି ମିଶାଇ ଏକ ଘୋଳ ପ୍ରସ୍ତୁତ କରନ୍ତୁ। ଘୋଳକୁ ବେଶି ବହଳିଆ କରନ୍ତୁ ନାହିଁ କିମ୍ବା ବେଶି ପତଳା ମଧ୍ୟ କରନ୍ତୁ ନାହିଁ। ଏହାପରେ ଏହି ଘୋଳରେ କଟା ପିଆଜ, କଟା ଧନିଆ ପତ୍ର, କଟା ଭୁର୍ସଙ୍ଗପତ୍ର, କଟା କଞ୍ଚା ଲଙ୍କା ଆଦି ପକାନ୍ତୁ। ସେଥିରେ ଲୁଣ ପକାଇ ଭଲଭାବେ ଗୋଳାନ୍ତୁ। ଏବେ ଗ୍ୟାସରେ ମଧ୍ୟମ ଆଞ୍ଚରେ ତାୱା ଗରମ କରି ସେଥିରେ ଅଳ୍ପ ତେଲ ଲଗାଇ ମିଶ୍ରଣକୁ ଦୋସା ଭଳି କରନ୍ତୁ। ସାଧାରଣ ଦୋସା ଭଳି ଏହି ମାଣ୍ଡିଆ ଦୋସା ଭଲଭାବେ ପତଳା ହୋଇପାରିବ ନାହିଁ। ତେଣୁ ଏହାକୁ ତାୱାରେ ଶୀଘ୍ର ଆକାର ଦେବାକୁ ହିଁ ହେବ। ଦୋସାକୁ ଓଲଟାଇ ଦୁଇପଟ ଭଲଭାବେ ସେକି ତାୱାରୁ ବାହାର କରି ଦିଅନ୍ତୁ। ମାଣ୍ଡିଆ ଦୋସାକୁ ଅଧିକ ସ୍ବାଦିଷ୍ଟ କରିବା ନିମନ୍ତେ ଏହା ଉପରେ ଘିଅ ଲଗାଇ ପାରିବେ। ଯେକୌଣସି ଚଟଣି ସହିତ ଏହି ଦୋସାକୁ ଗରମ ଗରମ ଖାଆନ୍ତୁ।