ଭୁବନ, ୮।୧(ଡି.ଏନ୍.ଏ.) ଭୁବନ ବ୍ଲକ ବାଲିବୋରେ ଶୁକ୍ରବାରଠାରୁ ଖରିଫ୍ ଧାନ ମଣ୍ଡି ଆରମ୍ଭ ହୋଇଛି। ସିଡିପିଓ ଦାୟିତ୍ୱରେ ଥିବା ସୁପରଭାଇଜର ନିର୍ମଳ ସେଠୀ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ମଣ୍ଡିରେ ଧାନ ବିକ୍ରି କରିବାକୁ ୫୪୭ ଚାଷୀ ନାମ ପଞ୍ଜୀକରଣ କରିଛନ୍ତି। ମୋଟ ୧୩ ହଜାର ୨୧୯ କୁଇଣ୍ଟାଲ ଧାନ କିଣାଯିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି। ସରସ୍ବତୀ ରାଇସ୍ ମିଲ୍ ୨୦ ଚାଷୀଙ୍କଠାରୁ ୫୦୦ କୁଇଣ୍ଟାଲ ଧାନ କିଣିଥିଲା। ଦିବ୍ୟ ସ୍ବୟଂ ସହାୟକ ଗୋଷ୍ଠୀ ସଭାନେତ୍ରୀ କୁନିଳ ତ୍ରିପାଠୀ, ସମ୍ପାଦିକା ମଧୁସ୍ମିତା ତ୍ରିପାଠୀ, ଡାଟା ଏଣ୍ଟ୍ରି ଅପରେଟର ମାମୁନି ସାହୁ, ଗ୍ରାମ କୃଷି ଅଧିକାରୀ ଦିବ୍ୟକାନ୍ତ ରାଉତ, ନିର୍ବାହୀ ଅଧିକାରୀ କିରଣ ତରାଇ, ବରିଷ୍ଠ ଚାଷୀ ଦୁର୍ଯ୍ୟୋଧନ ଦାଶ, ଅରବିନ୍ଦ ମହାଳିକ, ପ୍ରଭାତ ଧୀର, ସହଦେବ ତ୍ରିପାଠୀ ପ୍ରମୁଖ ପରିଚାଳନାରେ ସହଯୋଗ କରିଥିଲେ।
