ଭାରତରେ ବର୍ତ୍ତମାନ ବହୁତ ଶୀତ ପଡ଼ିଛି। ସକାଳୁ ଉଠିବାକୁ ମନ ଚାହୁଁନି। ଏପରିକି ଉଠିବାରେ ବିଳମ୍ବ ହେଉଛି ମଧ୍ୟ। ଆଲାର୍ମ ବାଜି ବାଜି ବନ୍ଦ ହୋଇଗଲେ ବି ନିଦ ସହଜରେ ଭାଙ୍ଗୁନି। ଏପରି ପରିସ୍ଥିତିରେ ଜଣେ ବ୍ୟକ୍ତି ଶୀଘ୍ର ଉଠିବେ ବୋଲି ଏକ କୁକୁଡ଼ାକୁ ବିଛଣା ନିକଟରେ ଠିଆ କରି ଦେଇଛନ୍ତି। ଯେତେବେଳେ ସକାଳୁ କୁକୁଡ଼ାଟି ବୋବାଇଛି ଏହି ବ୍ୟକ୍ତିଙ୍କ ଅବସ୍ଥା ଏପରି ହେଲା ଯେ, ଭିଡିଓ ଦେଖିଲେ ହସିହସି ଗଡ଼ିବେ।
ସକାଳ ହେବାରୁ କୁକୁଡ଼ାଟି ବ୍ୟକ୍ତଙ୍କ କାନ ପାଖରେ ଖୁବ୍ ଜୋରରେ ବୋବାଇଲା। ଫଳରେ ବ୍ୟକ୍ତିଙ୍କର ନିଦ ଭାଙ୍ଗିଗଲା। ଏହାର ସୁନ୍ଦର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି।
ଭିଡିଓଟିକୁ ଆଇଏଫ୍ଏସ୍ ଅଫିସର ପ୍ରବୀଣ ଅଙ୍ଗୁସାମୀ ଶେୟାର କରିଛନ୍ତି। ଏଥିରେ ଦେଖିବାକୁ ମିଳିଛିକ୍, ଜଣେ ବ୍ୟକ୍ତି ପ୍ରବଳ ଶୀତରୁ ରକ୍ଷା ପାଇବା ପାଇଁ ରେଜେଇ ଘୋଡ଼େଇ ହୋଇ ବିଛଣାରେ ଶୋଇଛନ୍ତି। ସକାଳ ହେବାରୁ କୁକୁଡ଼ାଟି ତାଙ୍କ ପାଖରେ ଠିଆ ହୋଇ ରଡ଼ି ଛାଡୁଛି। ଫଳରେ ବ୍ୟକ୍ତିଜଣଙ୍କ ଉଠିପଡୁଛନ୍ତି। ଭିଡିଓ ଶେୟାର କରି ଆଇଏଫ୍ଏସ୍ ଅଫିସର କ୍ୟାପଶନ ଲେଖିଛନ୍ତି, ଏ ଥଣ୍ଡାରେ ଏପରି ‘ଆଲାର୍ମ କ୍ଲକ୍’ ସମସ୍ତଙ୍କର ଆବଶ୍ୟକତା ରହିଛି।
ଭିଡିଓଟି ୭ ଡିସେମ୍ବରରେ ଶେୟାର କରାଯାଇଛି। ବର୍ତ୍ତମାନ ସୁଦ୍ଧା ଏହାକୁ ୨୦୦ରୁ ଅଧିକ ଲୋକ ଦେଖିସାରିଲେଣି। ୫୦ରୁ ଅଧିକ ଲୋକ ପସନ୍ଦ କରିବା ସହ ମନ୍ତବ୍ୟ ବି ଦେଇଛନ୍ତି।
