ପୁରୀ ଅଫିସ, ୨୩ା୪: ପବିତ୍ର ଅକ୍ଷୟ ତୃତୀୟା ଅବସରରେ ରବିବାର ଭୁବନେଶ୍ୱରଠାରେ ବିଜୁ ଜନତା ଦଳ (ବିଜେଡି)ର ରାଜ୍ୟ କାର୍ଯ୍ୟାଳୟ ‘ଶଙ୍ଖଭବନ’ ଉଦ୍ଘାଟିତ ହୋଇଛି। ଚାରିମହଲା ବିଶିଷ୍ଟ ଏହି କୋଠାକୁ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଘାଟନ କରିଛନ୍ତି। ତେବେ ଏହି ଶଙ୍ଖଭବନ ଉଦ୍ଘାଟନ ପୂର୍ବରୁ ସକାଳେ ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର ପୁରୀ ଆସି ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିଥିଲେ। ସେ ପୂଜାର୍ଚ୍ଚନା କରିବା ସହ ମହାପ୍ରଭୁଙ୍କ ଶ୍ରୀଅଙ୍ଗଲାଗି ମାଳମାହାର୍ଦ୍ଦ ଧରି ଭୁବନେଶ୍ୱର ଫେରିଯାଇଥିଲେ। ମହାପ୍ରଭୁଙ୍କ ଆଶୀର୍ବାଦ ଉଦ୍ଦେଶ୍ୟରେ ଶଙ୍ଖଭବନ ଉଦ୍ଘାଟନ ଉତ୍ସବରେ ଏହି ମାଳମାହାର୍ଦ୍ଦ ଲାଗିକରାଯାଇଥିବା ଜଣାପଡ଼ିଛି।
