ଭୋପାଳ,୩ ।୧୧: ମଧ୍ୟପ୍ରଦେଶର ୨୮ ବିଧାନସଭା ଆସନ ପାଇଁ ଉପ ନିର୍ବାଚନ ଅନୁଷ୍ଠିତ ହୋଇଛି । ମଙ୍ଗଳବାର ସକାଳୁ ବିଭିନ୍ନ ଭୋଟ ଗ୍ରହଣ କେନ୍ଦ୍ରରେ ଭୋଟରମାନେ ପହଞ୍ଚୁଥିବା ଦେଖାଯାଇଛି । ସକାଳ ୭ଟାରୁ ଏହା ଆରମ୍ଭ ହୋଇ ସନ୍ଧ୍ୟା ୬ଟା ପର୍ଯ୍ୟନ୍ତ ଚାଲିବ । ସମୟ ବଢିବା ସହ ଭୋଟଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଥିବା ଲକ୍ଷ୍ୟ କରାଯାଇଛି । ଏହି ନିର୍ବାଚନରେ ୩୫୫ ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା କରାଯିବ । କଂଗ୍ରେସ ଛାଡି ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଥିବା ସମସ୍ତ ୨୫ ଜଣ ସଦସ୍ୟଙ୍କୁ ଏଥିରେ ଟିକେଟ ମିଳିଥିବା ବେଳେ ଫଳାଫଳ ଉପରେ ଏବେଠାରୁ ସମସ୍ତଙ୍କ ନଜର । ଏହି ନିର୍ବାଚନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଓ କଂଗ୍ରେସ ଛାଡି ଭାଜପାରେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କ ପାଇଁ ଅଗ୍ନି ପରୀକ୍ଷା ବୋଲି କୁହାଯାଉଛି । କରୋନା ମହାମାରୀ ବ୍ୟାପୁଥିବାରୁ ସମସ୍ତ ପ୍ରକାର ନିୟମ ମାନି ଭୋଟ ଗ୍ରହଣ କରାଯାଉଛି । ତେମେ ମଧ୍ୟ ପ୍ରଦେଶ ଇତିହାସରେ ଏହା ସବୁଠାରୁ ବଡ ନିର୍ବାଚନ ବୋଳି କୁହାଯାଉଛି ।
