ରିଷିଡ଼ା,୧୭ା୭(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବିଭିନ୍ନ ସ୍ଥାନରେ ଗୁରୁବାର ରଥଯାତ୍ରା ଶାନ୍ତିପୂର୍ଣ୍ଣ ଭାବେ ପାଳିତ ହୋଇଯାଇଛି। ସେହିପରି ବ୍ଲକର ରିଷଡ଼ା, ଟକାରୁମାଲ, ରେଗଡ଼ା, ତେରେସିଙ୍ଗା, ଗଜବାହଲ, ରାଜପୁର ଆଦି ସ୍ଥାନରେ ରଥଯାତ୍ରା ଅନୁଷ୍ଠିତ ହୋଇଥିବାବେଳେ ରିଷିଡ଼ା ମାଉସୀମା’ ମନ୍ଦିରଠାରେ ମହାପ୍ରଭୁଙ୍କ ମତ୍ସ୍ୟ ଅବତାର ବେଶ ଶୁକ୍ରବାର ହୋଇଥିଲା। ଏହି ବେଶରେ ମହାପ୍ରଭୁଙ୍କୁ ଦର୍ଶନ କରିବା ପାଇଁ ଭକ୍ତଙ୍କ ପ୍ରବଳ ଭିଡ଼ ହୋଇଥିଲା। ବିଭିନ୍ନ ନୀତିକାନ୍ତିରେ ରଥଯାତ୍ରା ପରିଚାଳନା କମିଟି ସଭାପତି କରୁଣାକର ରଣା ସମ୍ପାଦକ ଧନଞ୍ଜୟ ସାହୁ (ପାର୍ଥ), ଅଶୋକ ତ୍ରିପାଠୀ, କ୍ଷୀରସାଗର ରଣା, ଦୁଃଖମଣି ସାହୁ, ପ୍ରମୋଦ ସାହୁ (ଟୁନୁ) ସୁଶାନ୍ତ ମଲ୍ଲିକ, ସଞ୍ଜୟ ରଣା, ମୁଖ୍ୟ ପୂଜକ ମଧୁ ଦାସ ପ୍ରମୁଖ ସହଯୋଗ କରୁଛନ୍ତି।