୩ ପ୍ରାଣୀ ଚିକିତ୍ସାଳୟରେ ଝୁଲୁଛି ତାଲା

କୁଆମରା,୨୦।୬(ଡି.ଏନ.ଏ.): ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକ ଅଧୀନ ବିଭିନ୍ନ ପ୍ରାଣୀ ଚିକିତ୍ସାଳୟରେ ଚିକିତ୍ସକ ନ ଥିବାରୁ ଗୋ-ଚିକିତ୍ସା ସେବା ବାଧାପ୍ରାପ୍ତ ହୋଇଛି। ବ୍ଲକ ପ୍ରାଣୀ ଚିକିତ୍ସାଳୟ ଅଧୀନରେ କୁଶଳଦା, ଜୟୀଦା, ପଶୁଦା, ବରଡିହି ଓ ଆରପଟାରେ ଏଲ୍‌ଆଇ ସେଣ୍ଟର କାର୍ଯ୍ୟ କରୁଛି। ବ୍ଲକରେ ୨୭ହଜାର ଗୋରୁ, ୩୦ ହଜାର ଛେଳି, ମେଣ୍ଢା ଓ ୨୫ ହଜାରରୁ ଊଦ୍ଧର୍‌ବ ଅନ୍ୟ ଗୃହପାଳିତ ପ୍ରାଣୀ ରହଥିବା ବେଳେ ଚିକିତ୍ସକ ଅଭାବରୁ ପ୍ରାଣୀ ପାଳକମାନେ ବହୁ ଅସୁବିଧାର ସମ୍ମୁଖିନ ହେଉଛନ୍ତି।
ବ୍ଲକ ଅଧୀନ ୧୩ଟି ପଞ୍ଚାୟତରେ ପ୍ରାୟ ୧ ହଜାର ଜର୍ସି ଗାଈ ବ୍ୟବସାୟ ଭିତ୍ତିରେ ପାଳନ କରାଯାଉଛି। ତେବେ ଏମାନଙ୍କ ଚିକିତ୍ସା ନିମନ୍ତେ ମୁଖ୍ୟ ଚିକିତ୍ସାଳୟରେ ବିଭିଓ (ବ୍ଲକ ଭେଟେରିନାରୀ ଅଫିସର) ପଦ ଥିବା ବେଳେ ଏହା ଦୀର୍ଘ ୬ ବର୍ଷ ଧରି ଖାଲି ପଡ଼ିଛି। ସେହିପରି କୁଶଳଦା ଓ ପୁରୁଣା ବାରିପଦାରେ ଦୁଇ ଭିଏଏସ ପଦ ମଧ୍ୟ ୪/୫ ବର୍ଷ ଧରି ଫାଙ୍କା ପଡ଼ିଛି। ଉକ୍ତ ଦୁଇଟି ସ୍ଥାନରେ ଅତିରିକ୍ତ ଭିଏଏସଙ୍କ ଦ୍ୱାରା କାର୍ଯ୍ୟ ହେଉଛି। ସେହିପରି ଜଣେ ଏଲ୍‌ଆଇ ଓ ଅନ୍ୟ ଜଣେ ଚତୁର୍ଥ କର୍ମଚାରୀ ପଦ ମଧ୍ୟ ଦୀର୍ଘ ବର୍ଷ ଧରି ପୂରଣ ହୋଇ ପାରି ନାହିଁ। ବିଭିନ୍ନ କର୍ମଚାରୀ ଏକାଧିକ ସ୍ଥାନରେ ଦାୟିତ୍ୱରେ ରହି କାର୍ଯ୍ୟ ତୁଲାଉଥିଲେ ମଧ୍ୟ ଏପର୍ଯ୍ୟନ୍ତ ନୂତନ ନିଯୁକ୍ତି ଦିଆ ଯାଉନାହିଁ। ପ୍ରାଣୀମାନଙ୍କ ଉପଯୁକ୍ତ ଚିକିତ୍ସା ଅଭାବରୁ ବର୍ଷକୁ ଶତାଧିକ ଗୋରୁ ଗାଈ ଅଜଣା ରୋଗରେ ମୃତ୍ୟୁବରଣ କରୁଛନ୍ତି। ଯେଉଁ ଚାଷୀମାନେ ଲାଭ ଆଶାରେ ଗାଈ ପାଳନ କରିଥିଲେ ସେମାନଙ୍କୁ ଏବେ କ୍ଷତି ସହିଥିବା ପଡୁଛି। ଫଳରେ ଗାଈମାନଙ୍କୁ ବିକ୍ରି କରିଦେବାକୁ ବାଧ୍ୟ ହେଉଛନ୍ତି ଚାଷୀ। ଯେଉଁମାନେ ଗୋପାଳନ ପାଇଁ ବ୍ୟାଙ୍କମାନଙ୍କରେ ଋଣ ଆଣିଥିଲେ ସେମାନଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି। ତେବେ ଉକ୍ତ ବିଭାଗର କର୍ମଚାରୀ ଅଭାବକୁ ନୂତନ ନିଯୁକ୍ତି ନ ଥିବା ଯୋଗୁ ୩ଟି ସ୍ଥାନରେ ତାଲା ଝୁଲୁଛି। ୨୦୧୧-୨୦୧୪ ମଧ୍ୟରେ ମୟୂରଭଞ୍ଜ ଜିଲାର ମୋଟ ୩୦୦ ପ୍ରାଣୀ ଚିକିତ୍ସା କେନ୍ଦ୍ରର ନୂତନ ଗୃହ ନିର୍ମାଣ ହୋଇଥିବା ବେଳେ ଏଥି ମଧ୍ୟରୁ ଗୋପବନ୍ଧୁ ନଗର ବ୍ଲକର କୁଆମରା, ସାଇଁକୁଳା ଓ ରାଣୀବନ୍ଧରେ ଗୃହ ନିର୍ମାଣ କାର୍ଯ୍ୟ ସରିଛି। ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ପକ୍ଷରୁ ରାଣୀବନ୍ଧଠାରେ ୪ଲକ୍ଷ ୨୫ହଜାର ଓ ସାଇଁକୁଳା ଏବଂ କୁଆମରାଠାରେ ୫ଲକ୍ଷ ୩୩ ହଜାର ଲେଖା ପୃଥକ ବ୍ୟୟ ଅଟକଳ ହୋଇଥିଲା। ତେବେ ବର୍ଷେ ମଧ୍ୟରେ କାର୍ଯ୍ୟ ସରିବ ଓ ସେବା ମିଳିବ ବୋଲି ଭିତ୍ତିପ୍ରସ୍ତର ସମୟରେ କୁହା ଯାଇଥିଲା। ମାତ୍ର ନିର୍ମାଣକୁ ୮ ବର୍ଷ ବିତିଯାଇଥିଲେ ମଧ୍ୟ ଖୋଲା ନ ହୋଇ ପାରି ଗୃହରେ ତାଲା ଝୁଲୁଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜାଗାବାଡ଼ିକୁ କେନ୍ଦ୍ର କରି ସାନ ଭାଇଙ୍କୁ ହାଣିଲେ ବଡ଼

ମୋରଡ଼ା,୧୬ା୬(ସ୍ମାରକ ମାଜୀ): ଜାଗାବାଡ଼ିକୁ ନେଇ ସାନ ଭାଇଙ୍କୁ ନିର୍ମମ ଭାବେ ହତ୍ୟା କରିଛନ୍ତି ବଡ଼ ଭାଇ। ଏଭଳି ହୃଦୟ ବିଦାରକ ଘଟଣା ଘଟିଛି ମୟୂରଭଞ୍ଜ ଜିଲା...

ଇଞ୍ଜିନିୟରିଂ ଚାକିରି ଛାଡ଼ିଥିଲେ ଗଣେଶ ରାମ

ବାରିପଦା,୧୩ା୬(ନୀଳାଦ୍ରି ବିହାରୀ ଦଣ୍ଡପାଟ)ମୟୂରଭଞ୍ଜ ଜିଲା ଯଶିପୁର ବିଧାନସଭା ନିର୍ବାଚନମଣ୍ଡଳୀ ବିଧାୟକ ଗଣେଶ ରାମ ସିଂ ଖୁଣ୍ଟିଆ ନବଗଠିତ ରାଜ୍ୟ ଭାଜପା ମନ୍ତ୍ରିମଣ୍ଡଳରେ ରାଷ୍ଟ୍ରମନ୍ତ୍ରୀ(ସ୍ବାଧୀନ) ଭାବେ ସ୍ଥାନ...

କୃଷ୍ଣଚନ୍ଦ୍ରଙ୍କୁ ମିଳିଲା ମନ୍ତ୍ରୀପଦ, କର୍ମୀ ମହଲରେ ଉତ୍ସାହ

ମୋରଡ଼ା,୧୨ା୬(ସ୍ମାରକ ମାଜୀ): ରାଜ୍ୟରେ ପ୍ରଥମଥର ପାଇଁ ଭାଜପା ସଂଖ୍ୟା ଗରିଷ୍ଠତା ହାସଲ କରି ଏକାକୀ ସରକାର ଗଠନ କରିଛି। ଏହି ପରିପ୍ରେକ୍ଷୀରେ ବୁଧବାର ଭୁବନେଶ୍ୱରସ୍ଥିତ ଜନତା...

ଭାଜପାକୁ ସର୍ବାଧିକ ପୋଷ୍ଟାଲ ଭୋଟ

ବାରିପଦା,୯ା୬(ନୀଳାଦ୍ରି ବିହାରୀ ଦଣ୍ଡପାଟ)ମୟୂରଭଞ୍ଜ ଜିଲାରେ ଶେଷ ହୋଇଥିବା ସାଧାରଣ ନିର୍ବାଚନରେ ଭାଜପାକୁ ଅଧିକ ପୋଷ୍ଟାଲ ଭୋଟ ମିଳିଛି। ସର୍ବାଧିକ ଭୋଟ ବ୍ୟବଧାନରେ ବିଧାୟକ ଓ ଲୋକସଭା...

କ’ଣ ହେବ ମିଶନ ଶକ୍ତି ମହିଳାଙ୍କ ଭାଗ୍ୟ

ବାରିପଦା,୭ା୬(ନୀଳାଦ୍ରି ବିହାରୀ ଦଣ୍ଡପାଟ):ଓଡ଼ିଶାରେ ଭାରତୀୟ ଜନତା ପାର୍ଟି ବହୁମତ ପାଇ ନୂଆ ସରକାର ଗଠନ କରିବାକୁ ପ୍ରସ୍ତୁତି ଜାରି ରଖିଛି। ନୂଆ ସରକାରରେ ନୂଆ ମୁଖ୍ୟମନ୍ତ୍ରୀଙ୍କ...

ରାଜନୀତିରେ ବଡ଼ ଧରଣର ପରିବର୍ତ୍ତନ: ହାରିଗଲେ ସ୍ତ୍ରୀ,ସ୍ବାମୀ

ବାରିପଦା, ୫ା୬(ନୀଳାଦ୍ରି ବିହାରୀ ଦଣ୍ଡପାଟ):ମୟୂରଭଞ୍ଜ ଜିଲା ରାଜନୀତିରେ ବଡ଼ ଧରଣର ପରିବର୍ତ୍ତନ ହୋଇଛି। ଏମ୍‌ପି ଆସନ ସମେତ ସମସ୍ତ ୯ଟି ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀଙ୍କୁ...

ରାଷ୍ଟ୍ରପତିଙ୍କ ସମ୍ମାନ ରହିଲା

ବାରିପଦା, ୫ା୬(ନୀଳାଦ୍ରି ବିହାରୀ ଦଣ୍ଡପାଟ):ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଜନ୍ମମାଟି ମୟୂରଭଞ୍ଜ ଜିଲାରେ ଭାଜପାକୁ ବିପୁଳ ଜନସମର୍ଥନ ମିଳିଛି। ଜିଲାର ୯ ବିଧାନସଭା ଓ ଲୋକସଭା ଆସନ...

ଆୟ ବହିର୍ଭୂତ ସମ୍ପତ୍ତି ଠୁଳ ମାମଲା: ପୂର୍ବତନ ନିର୍ବାହୀ ଯନ୍ତ୍ରୀଙ୍କୁ ୨ବର୍ଷ ଜେଲ

ବାରିପଦା,୩।୬(ନୀଳାଦ୍ରି ବିହାରୀ ଦଣ୍ଡପାଟ): କଟକ ସ୍ବତନ୍ତ୍ର ଦୁର୍ନୀତି ନିବାରଣ କୋର୍ଟରେ ସୋମବାର ଏକ ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାର ରାୟ ପ୍ରକାଶ ପାଇଛି। ସ୍ବତନ୍ତ୍ର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri