ନୀଳଗିରି,୩।୨(ସ୍ବ.ପ୍ର): ବାଲେଶ୍ୱର ଜିଲା ନୀଳଗିରି ବନ ବିଭାଗ ଶୁକ୍ରବାର ଚଢ଼ାଉ କରି ଚୋରାକାଠ ବୋଝେଇ ଏକ ପିକଅପ୍ ଭ୍ୟାନ ଜବତ କରିଛି। ଅଯୋଧ୍ୟାରୁ ସଜନାଗଡ଼କୁ ସଂଯୋଗ କରୁଥିବା ରାସ୍ତାର ଆନନ୍ଦପୁରଠାରେ ଏହି ଗାଡ଼ି ଜବତ କରାଯାଇଛି। ଚଢ଼ାଉ ବେଳେ ଗାଡ଼ି ଛାଡ଼ି ଡ୍ରାଇଭର ଓ ଅନ୍ୟମାନେ ଫେରାର ହୋଇଯାଇଥିଲେ। ଏହି ଗାଡ଼ିରେ ୬୦ ସିଫ୍ଟ ବାଲି ଶିଶୁ ଓ ନିମ ଗଣ୍ଡି ଥିବା ବନବିଭାଗ ପ୍ରକାଶ କରିଛି। ଚଢ଼ାଉରେ ନୀଳଗିରି ରେଞ୍ଜର ଆଇଶା ଅକତାରି ନିଶା, କୁଲଡ଼ିହା ରେଞ୍ଜର ଅନନ୍ତ କୁମାର ଜେନା, ଫରେଷ୍ଟର ରାମ ଲେଙ୍କା ଓ ସରୋଜ ପ୍ରଧାନ, ଫରେଷ୍ଟ ଗାର୍ଡ କବିତା ମହାକୁଡ଼ଙ୍କ ସମେତ ସ୍କ୍ବାଡ୍ ଏବଂ ଗଜ ସାଥୀ କର୍ମଚାରୀ ସାମିଲ୍ ଥିଲେ। ଉଲ୍ଲେଖଯୋଗ୍ୟ, ନୂତନ ରେଞ୍ଜର କାର୍ଯ୍ୟରେ ଯୋଗଦେବାର ଏକ ମାସ ମଧ୍ୟରେ ୩ କାଠ ବୋଝେଇ ଗାଡ଼ି ଜବତ କରିଛନ୍ତି।
