କରୋନା ମହାମାରୀଠୁ ଦୂରରେ ରହିବା ପାଇଁ ସତର୍କତା ଜରୁରୀ। ଯେପରି ମାସ୍କ ପିନ୍ଧିବା, ହାତକୁ ବାରମ୍ବାର ଧୋଇବା, ସାମାଜିକ ଦୂରତା ରକ୍ଷା କରିବା ଆଦି ମାନିବାକୁ ପଡ଼ିଥାଏ। ବିଶେଷକରି ଜନସାଧାରଣଙ୍କ ସୁରକ୍ଷା ପାଇଁ ଏବେ ପ୍ରତ୍ୟେକ ସ୍ଥାନରେ ପ୍ରବେଶ କରିବା ପୂର୍ବରୁ ଥର୍ମାଲ ସ୍କ୍ରିନିଂ ବା ଶରୀରର ତାପମାତ୍ରା ଯାଞ୍ଚ କରାଯାଉଛି। ବିଶ୍ୱ ଏବଂ ଦେଶରେ ଥିବା ଏୟାରପୋର୍ଟ, ରେଳଷ୍ଟେଶନ, ଶପିଂ ମଲ୍, ଡାକ୍ତରଖାନା ସବୁଠି ତାପମାତ୍ରା ପରୀକ୍ଷା କରାଯାଉଛି।
ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯାହା ଦେଖିଲେ ମନ ଖୁସି ହୋଇଯିବ। ଭିଡିଓରେ ଏକ କୁନି ଝିଅ ସୁରକ୍ଷାକର୍ମୀଙ୍କ ନିକଟରେ ପହଞ୍ଚି ହାତକୁ ଥର୍ମାଲ ସ୍କ୍ରିନିଂ କରିବାକୁ ଦେଖାଉଛି। ଏଥିସହିତ ହାତରେ ଧରିଥିବା ଖେଳନାର ବି ସ୍କ୍ରିନିଂ କରିବାକୁ ଦେଖାଉଛି। ସୁରକ୍ଷାକର୍ମୀ ଜଣକ କୁନି ଝିଅର କଥା ରକ୍ଷା କରି ତା’ର ହାତ ଏବଂ ଖେଳନାକୁ ଯାଞ୍ଚ କରୁଛନ୍ତି। ଏହି ଭିଡିଓଟି ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
A responsible citizen should be like this. @hvgoenka pic.twitter.com/7phGPk4rfm
— Dinesh Joshi (@officeofdnj) November 3, 2021
ଭିଡିଓଟିକୁ ଦିନେଶ ଯୋଶୀ ନାମକ ଜଣେ ୟୁଜର ଟୁଇଟର ପେଜ୍ରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ନୈତିକ କର୍ତ୍ତବ୍ୟର ସୁନ୍ଦର ଉଦାହରଣ। ସେହିପରି ଅନ୍ୟ ୟୁଜରମାନେ ହୃଦୟକୁ ଛୁଇଁଗଲା ପରି ଭିଡିଓ ବୋଲି କହିଛନ୍ତି।
