ପ୍ରେମ, ଏକତାର ବାର୍ତ୍ତା ଦେଉଛନ୍ତି ଏଲ୍‌ଜିବିଟିକ୍ୟୁ+

ଜୁନ୍‌ ୧ରୁ ୩୦ ପର୍ଯ୍ୟନ୍ତ ବିଶ୍ୱବ୍ୟାପୀ ‘ପ୍ରାଇଡ୍‌ ମାସ’ ଭାବେ ପାଳନ କରାଯାଉଛି। ଏହି ସମୟରେ ବିଭିନ୍ନ ସ୍ଥାନରେ ଏଲ୍‌ଜିବିଟିକ୍ୟୁ+ କମ୍ୟୁନିଟିମାନେ ପ୍ରାଇଡ୍‌ ୱାକ୍‌, ପରେଡ୍ସ, ଆଲୋଚନା ଭଳି ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇଥାନ୍ତି। ସମାଜ ପ୍ରତି ସେମାନଙ୍କର ଥିବା ଅବଦାନ ଓ ଆବଶ୍ୟକତାକୁ ବୁଝିବା ଏବଂ ସେନେଇ ସଚେତନତା ସୃଷ୍ଟି କରିବା ପାଇଁ ଏଭଳି କାର୍ଯ୍ୟକ୍ରମ ଆୟୋଜିତ ହୋଇଥାଏ। ତେବେ ଜୁନ୍‌ ୨୮କୁ ଇଣ୍ଟରନ୍ୟାଶନାଲ୍‌ ପ୍ରାଇଡ୍‌ ଡେ’ ଭାବେ ପାଳନ କରାଯାଉଛି। ପ୍ରେମ, ଏକତା ବିଶେଷକରି ସମାଜରେ ଏକ ସମାନତାର ବାର୍ତ୍ତା ନେଇ ପ୍ରାଇଡ୍‌ ୱାକ୍‌ରେ ଏହି କମ୍ୟୁନିଟିର ବିଭିନ୍ନ ବର୍ଗର ବ୍ୟକ୍ତିତ୍ୱଙ୍କୁ ଦେଖିବାକୁ ମିଳେ। ତେବେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଏଲ୍‌ଜିବିଟିକ୍ୟୁ+ କମ୍ୟୁନିଟିର କେତେଜଣ ବ୍ୟକ୍ତିତ୍ୱଙ୍କୁ ନେଇ ପ୍ରାଇଡ୍‌ ଦିବସ ଉପଲକ୍ଷେ ଧରିତ୍ରୀର ସ୍ବତନ୍ତ୍ର ଉପସ୍ଥାପନା।

ସନିନ୍‌: ମଡେଲର ଓ ସବ୍‌ସ୍କିଲ୍‌ ଟ୍ରେନର
ଭୁବନେଶ୍ୱରରେ ରହୁଥିବା ସନିନ୍‌ ମଡେଲିଂ କରିବା ସହ ଫୁଲ୍‌ ଟାଇମ୍‌ ସବ୍‌ ସ୍କିଲ ଟ୍ରେନର। ସେ ଲୋକଙ୍କୁ ଇଂଲିଶ ଭାଷାରେ ଯୋଗାଯୋଗ କରିବାର କଳା ଶିକ୍ଷା ଦିଅନ୍ତି। ପୂର୍ବରୁ ସେ ବମ୍ବେରେ ଏଚ୍‌ଆର୍‌ ଭାବେ କାମ କରୁଥିଲେ। ତେବେ ତାଙ୍କର ଯାତ୍ରା ଓ ପ୍ଲସ୍‌ ସାଇଜ୍‌ (ମୋଟା) ମଡେଲର ହେବାର ଅନୁଭୂତି ସମ୍ପର୍କରେ ସେ କୁହନ୍ତି, ଯେତେବେଳେ ମୁଁ ମୋ ଚିହ୍ନା ପରିଚୟ ଭିତରେ କାମ ଆରମ୍ଭ କଲି, ସମସ୍ତେ ପରାମର୍ଶ ଦେଇଥିଲେ କି ତୁମେ ମଡେଲ କରିପାରିବ। ମାତ୍ର ନୂଆ ନୂଆ ଆରମ୍ଭ ସମୟରେ ପୋଷାକକୁ ନେଇ ଅନେକ କଥା ଶୁଣିବାକୁ ମିଳିଥିଲା। ଏମିତିକି ବି ଘରେ ବି ବେଳେବେଳେ କୁହନ୍ତି, ଏମିତି କ’ଣ ପିନ୍ଧୁଛ। ତେଣୁ ନିଜକୁ ସୁହାଇବା ଭଳି ଆଗକୁ ବଢ଼ିଲି। ମାତ୍ର ଧ୍ୟାନ ଦେଲି ଏଥିପାଇଁ ଯେମିତି ସମାଜରେ କେହି କଷ୍ଟ ପାଇବନି। କାରଣ ସେସବୁକୁ ମଧ୍ୟ ଆମକୁ ଧ୍ୟାନ ଦେବାକୁ ପଡ଼ିବ। ମୁଁ ବେଙ୍ଗାଲୁରୁ, ବମ୍ବେରେ ପ୍ରାଇଡ୍‌ ଆଟେଣ୍ଡ କରିଛି। ଯେଉଁମାନେ ଦିନେ ଝରକା ପାଖରୁ ଆମକୁ ଦେଖୁଥିଲେ, ଏବେ ସେମାନେ ପାଖରୁ ଦେଖି ତାଳି ମାରୁଛନ୍ତି। ତେଣୁ ଧୀରେ ଧୀରେ ଏହା ଗ୍ରହଣଯୋଗ୍ୟ ହେଉଛି।
ସିବିୟାନ୍‌: ଫ୍ୟାଶନ ଡିଜାଇନର
ସିବିୟାନ୍‌ ସାରନ୍‌ ନନ୍ଦ। ଫ୍ୟାଶନ ଡିଜାଇନର ଓ ମଡେଲ ଭାବରେ ତାଙ୍କର ଏକ ସ୍ବତନ୍ତ୍ର ପରିଚୟ ରହିଛି। ସମ୍ବଲପୁରରେ ଜନ୍ମ ହୋଇଥିବା ସିବିୟାନ୍‌ ଭୁବନେଶ୍ୱରରେ ଫ୍ୟାଶନ ଡିଜାଇନିଂ ବିଶେଷକରି ଷ୍ଟାଇଲିଂ, ଡ୍ରାପିଂ, କ୍ରାଫ୍ଟ କ୍ଷେତ୍ରରେ ସେ ନିଜର ସ୍ବତନ୍ତ୍ର ଛାପ ଛାଡ଼ିଛନ୍ତି। ବିଭିନ୍ନ ରାମ୍ପ ଶୋ’ରେ ମଧ୍ୟ ସେ କାମ କରୁଛନ୍ତି। ପୁରୁଣା କାଳରେ ସଂସ୍କୃତି ସହ ଜଡ଼ିତ ଥିବା ବିଭିନ୍ନ ଡିଜାଇନ୍‌ କାମ ତାଙ୍କ କାମରେ ଦେଖିବାକୁ ମିଳେ। ସେ କହିଛନ୍ତି, ଏକ ରକ୍ଷଣଶୀଳ ପରିବାରରେ ଜନ୍ମ ମୋର। ଯେହେତୁ ମୁଁ ଏକ ଗେ’ କମ୍ୟୁନିଟିରେ ବିଲଙ୍ଗ କରୁଛି, ତେଣୁ ଏ କ୍ଷେତ୍ରରେ ଆଗକୁ ବଢ଼ିବା ଏତେ ସହଜ ନ ଥିଲା। ଘର ଲୋକଙ୍କୁ ରାଜି କରାଇବାକୁ ସମୟ ଲାଗିଲା। କେହି ରଙ୍ଗ ତ ଆଉ କିଏ ଶରୀର ଗଠନରେ ସମସ୍ୟାର ସାମ୍ନା କରୁଛନ୍ତି। ତେଣୁ ସମସ୍ୟା ତ ଅଛି, ମାତ୍ର ଆଗକୁ ବଢ଼ିବାକୁ ପଡ଼ିବ। ତେଣୁ ମୁଁ ମୋ ହିସାବରେ ଆଗକୁ ବଢ଼ିବା ସହ ପରିବାର, ସମାଜକୁ ମଧ୍ୟ ଧ୍ୟାନ ଦେଇଥିଲି। ଏହି ଦିବସରେ ମୋର ଗୋଟିଏ ବାର୍ତ୍ତା ରହିବ, ମାନସିକ ସ୍ବାସ୍ଥ୍ୟକୁ ସମସ୍ତେ ଧ୍ୟାନ ଦେବା ଆବଶ୍ୟକ।
ମସୁଦ୍‌: ପ୍ରାଇଡ୍‌ ମଡେଲ ସହ ମେକ୍‌ଅପ୍‌ ଆର୍ଟିଷ୍ଟ
ମସୁଦ୍‌ ଖାନ୍‌ ଦୀର୍ଘ ୯ବର୍ଷ ଧରି ଭୁବନେଶ୍ୱରରେ ଜଣେ ସ୍ବାଧୀନ ମେକ୍‌ଅପ୍‌ ଆର୍ଟିଷ୍ଟ ଭାବେ କାମ କରୁଛନ୍ତି। ହୋଟେଲ ମ୍ୟାନେଜମେଣ୍ଟ କାମରେ ସେ ଓଡ଼ିଶା ଆସିଥିଲେ। ତାଙ୍କ ଘର ଆସାମରେ। ମାତ୍ର ଭୁବନେଶ୍ୱରରେ ତାଙ୍କ କମ୍ୟୁନିଟି ପ୍ରତି ଥିବା ଏକ ସୁସ୍ଥ ପରିବେଶ ଦେଖି ଏଠାରେ ସେ ତାଙ୍କ ଘର ଲୋକଙ୍କ ସହ ରହିବାକୁ ପସନ୍ଦ କଲେ। ସେଲିବ୍ରିଟି ମେକ୍‌ଅପ୍‌ ସହ ସେ ସ୍ବାଧୀନ ଭାବେ ବାହାଘର ଏବଂ ଅନେକ ଇଭେଣ୍ଟରେ ସେ କାମ କରନ୍ତି। ଏଥିସହ ଜଣେ ପ୍ରାଇଡ୍‌ ମଡେଲ ଭାବେ ମଧ୍ୟ ମଡେଲିଂରେ କାମ କରୁଛନ୍ତି। ମସୁଦ୍‌ କହିଛନ୍ତି, ବୋଧେ ଆସାମରେ ରହିଥିଲେ ମୋତେ ସେତିକି ସମ୍ମାନ କି ସୁଯୋଗ ମିଳି ନ ଥାନ୍ତା, ଯାହା ଭୁବନେଶ୍ୱରରୁ ମିଳିଛି। ସେଠି ମୋ କାମକୁ ଗ୍ରହଣ ମଧ୍ୟ କରାଯାଇ ନ ଥାନ୍ତା। ତେଣୁ ଓଡ଼ିଶା ମୋ ପାଇଁ ଏକ ବ୍ଲେସିଙ୍ଗ। ଭବିଷ୍ୟତରେ ମଧ୍ୟ ଏଠାରେ ରହି କାମ କରିବି।

-ରିପୋର୍ଟ: ଶର୍ମିଷ୍ଠା ପାଣିଗ୍ରାହୀ


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?