ପରୀକୁ ନ୍ୟାୟ ମିଳୁ, ନିର୍ଦ୍ଦୋଷ ଦଣ୍ଡ ନ ପାଉ

ନୟାଗଡ଼ ଅଫିସ,୧୮ା୧୨: ପରୀ ନ୍ୟାୟ ପାଉ। ତେବେ ବାହାବା ନେବା ପାଇଁ ନିର୍ଦ୍ଦୋଷକୁ ଦଣ୍ଡ ଦିଆ ନ ଯାଉ। ଦୋଷର ପ୍ରମାଣ ମିଳିଲେ ହତ୍ୟାକାରୀଙ୍କୁ ଫାଶୀ ଦିଆଯାଉ। ହେଲେ ନିର୍ଦ୍ଦୋଷକୁ ଫସାଇବାକୁ ଚେଷ୍ଟା କରାଗଲେ ପ୍ରତିବାଦ କରାଯିବ। ଆମେ ରାଜରାସ୍ତାକୁ ଓହ୍ଲାଇବୁ ବୋଲି ଗୁରୁବାର ସ୍ଥାନୀୟ ଲୋକେ ଚେତାବନୀ ଦେଇଛନ୍ତି। ଗ୍ରାମବାସୀଙ୍କ ଏପରି ଧମକକୁ ଭାଜପା, କଂଗ୍ରେସ ପକ୍ଷରୁ ସମର୍ଥନ କରାଯାଇଛି।
ନୟାଗଡ଼ ଜିଲା ଯଦୁପୁରର ୫ ବର୍ଷର ଶିଶୁକନ୍ୟା ପରୀ ଅପହରଣ ଓ ହତ୍ୟା ଘଟଣାର ତଦନ୍ତ କରୁଥିବା ସ୍ପେଶାଲ ଇନ୍‌ଭେଷ୍ଟିଗେଶନ୍‌ ଟିମ୍‌(ଏସ୍‌ଆଇଟି) ବୁଧବାର ହାଇକୋର୍ଟରେ ଷ୍ଟାଟସ୍‌ ରିପୋର୍ଟ ଦାଖଲ କରିଛି। ପରୀକୁ ବଳାକତ୍ାର ପରେ ହତ୍ୟା କରାଯାଇଥିବା ଓ ବଳାତ୍କାରୀ ଯଦୁପୁର ଗାଁର ବୋଲି ଦର୍ଶାଯାଇଥିବା ଅସମର୍ଥିିତ ସୂତ୍ରରୁ ଜଣାପଡିଛି। ଯଦି ବଳକତ୍ାରୀଙ୍କୁ ଏସ୍‌ଆଇଟି ଜାଣିଛି ତେବେ ଗିରଫ କରିବାରେ ଅସୁବିଧା କେଉଁଠି ବୋଲି ଏଠାରେ ଆଲୋଚନା ଜୋର ଧରିଛି। କାରଣ ଯଦୁପୁରରେ ଏବେ ସବୁ ଲୋକ ଅଛନ୍ତି। ଗାଁଲୋକ ପୁଣି ତଦନ୍ତରେ ସହଯୋଗ କରୁଛନ୍ତି। ଅନ୍ୟପକ୍ଷେ ବନ୍ଦ ଲଫାପାରେ ଷ୍ଟାଟସ ରିପୋର୍ଟ ଏସ୍‌ଆଇଟି ହାଇକୋର୍ଟରେ ଦାଖଲ କରିଥିଲା। ତାହା କିପରି ଲିକ୍‌ ହେଲା ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ପରୀ ହତ୍ୟାକାରୀଙ୍କୁ ଧରିବାରେ ଏସ୍‌ଆଇଟିର ଆନ୍ତରିକତା ନାହିଁ। ବରଂ ସାଧାରଣ ଲୋକଙ୍କୁ ଭୟ ଓ ଲୋଭ ଦେଖାଇ ମାମଲାକୁ ବନ୍ଦ କରାଯିବାକୁ ପ୍ରୟାସ କରାଯାଉଛି ବୋଲି ଅଭିଯୋଗ ହୋଇଛି।
ଏନେଇ ଯଦୁପୁର ଗାଁ ସଭାପତି ଜୟକୃଷ୍ଣ ପରିଡା କହିଛନ୍ତି, ପରୀ ହତ୍ୟାକାରୀଙ୍କୁ ଫାଶୀ ଦିଆଯାଉ। ହେଲେ ହତ୍ୟାକାରୀ ବୋଲି ପ୍ରମାଣ କରାଯିବା ଦରକାର। ନଚେତ୍‌ ନିର୍ଦ୍ଦୋଷଙ୍କୁ ଫସାଇ ଦିଆଗଲେ ପରୀ ଆତ୍ମା ଶାନ୍ତି ପାଇବନି। ପୁଣି ଏକ ନିର୍ଦ୍ଦୋଷ ପରିବାର ଫସିଯିବ। ନିର୍ଦ୍ଦୋଷ ବ୍ୟକ୍ତି ଫସିବାର ଜଣାପଡିଲେ ଆମେ ପ୍ରତିବାଦ କରିବୁ ବୋଲି ସେ କହିଛନ୍ତି। କଂଗ୍ରେସ ନେତା ମନୋଜ ସାହୁ କହିଛନ୍ତି, ପରୀ ବଳାତ୍କାର ଯଦି ସତ୍ୟ ତେବେ ସ୍ଥାନୀୟ ପୋଲିସ କ’ଣ ପାଇଁ ନୀରବ ଥିଲା। ନିଲମ୍ବିତ ଆଇଆଇସି ଓ ବଦଳି ହୋଇଥିବା ଏସ୍‌ଡିପିଓ ହତ୍ୟାକାରୀଙ୍କ ପ୍ରମାଣକୁ ତଦନ୍ତ ଆଳରେ ନଷ୍ଟ କରିଦେଲେ। ନିଲମ୍ବନ ଓ ବଦଳି ପରେ ସେମାନଙ୍କୁ ତଦନ୍ତ ପରିସରଭୁକ୍ତ କରାଯାଉ। ମନ୍ତ୍ରୀଙ୍କ ଛତ୍ରଛାୟା ତଳେ ହତ୍ୟାକାରୀ ନିର୍ଭୟରେ ବୁଲୁଥିବାରୁ ଧରାପଡୁ ନାହାନ୍ତି। ଏଣୁ ମନ୍ତ୍ରୀ ଇସ୍ତଫା ଦେବା ଦରକାର ବୋଲି ସେ କହିଛନ୍ତି। ଭାଜପା ଯୁବନେତା ସନ୍ତୋଷ ପ୍ରଧାନ କହିଛନ୍ତି, ଅଙ୍ଗତସ୍କରିକୁ ଘଣ୍ଟ ଘୋଡାଇବା ପାଇଁ ଏବଂ ତଦନ୍ତକୁ ପଥଭ୍ରଷ୍ଟ କରିବାକୁ ସୁଚିନ୍ତିତ ଯୋଜନା ଚାଲିଛି। କେତେଜଣ ଲୋକଙ୍କୁ ସୁରକ୍ଷା ଦେବା ପାଇଁ ଢାଲ ଭାବେ କାମ କଲାଣି ଏସ୍‌ଆଇଟି। ପରୀର ଖେଳ ସାଙ୍ଗର ମା’ କାହ୍ନା ବେହେରାଙ୍କ ନାଁ କହୁଥିବାବେଳେ ଏସ୍‌ଆଇଟି ତାଙ୍କୁ ଗିରଫ କରୁନି। ବରଂ ଜଣେ କଲେଜ ଛାତ୍ରଙ୍କୁ ଫସେଇବାକୁ ଉଦ୍ୟମ ଆରମ୍ଭ କରିଛି। ଦୋଷୀ ଦଣ୍ଡ ପାଉ। ନିର୍ଦ୍ଦୋଷ ନ ଫସିବା ଦରକାର। ଏଣୁ ସିବିଆଇ ତଦନ୍ତ ଦାବିକୁ ସରକାର ମାନି ନିଅନ୍ତୁ। ମନ୍ତ୍ରୀ ଅରୁଣ ସାହୁ ଇସ୍ତଫା ଦେଇ ପରୀ ହତ୍ୟାର ଉପଯୁକ୍ତ ତଦନ୍ତ ପାଇଁ ପଦକ୍ଷେପ ନିଅନ୍ତୁ। ନଚେତ୍‌ ଆଗାମୀ ଦିନରେ ପରୀ, ସ୍ବାତୀ ପରି ଆଉ କେତେଜଣ ନିରୀହ ଶିଶୁଙ୍କ ଜୀବନ ଚାଲିଯାଇ ପାରେ ବୋଲି ସେ ଆଶଙ୍କା କରିଛନ୍ତି।

ମୋତେ ଫସେଇଲେ ଆତ୍ମାହୁତି ଦେବି: ସରୋଜ

ମୁଁ ସରୋଜ ସେଠୀ। ବୟସ ୧୮। ପରୀ ଗାଁ ଯଦୁପୁରରେ ମୋର ଘର। ମୁଁ ଯୁକ୍ତ ୩ ପ୍ରଥମ ବର୍ଷର କଳା ଛାତ୍ର। ମୁଁ ନିର୍ଦ୍ଦୋଷ। ମୋତେ ଫସାଇବାକୁ ଉଦ୍ୟମ ଚାଲିଛି। ଏସ୍‌ଆଇଟି ମୁଖ୍ୟ ଅରୁଣ ବୋଥ୍ରା ମୋତେ ବାରମ୍ବାର ଫସାଇବାକୁ ଉଦ୍ୟମ ଚଳାଇଛନ୍ତି। ଏସ୍‌ଆଇଟି ଜେରା ବେଳେ ଏକଥା ମୁଁ ଜାଣି ପାରିଛି। ମୋର ଡରିବାର ନାହିଁ। ସତ କଥା କ’ଣ ସବୁ ଲୋକେ ଜାଣନ୍ତୁ। ପରୀ ନ୍ୟାୟ ପାଉ ମୁଁ ବି ଚାହୁଁଛି। ମୁଁ ବି ତଦନ୍ତରେ ସହଯୋଗ କରୁଛି ଓ କରିବି। ମୋତେ ଫସା ନ ଯାଉ। ପ୍ରକୃତ ହତ୍ୟାକାରୀ ଚିହ୍ନଟ ହେଉ। ମୋତେ ଫସାଗଲେ ମୁଁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆତ୍ମାହୁତି ଦେବି। ଅନ୍ୟପକ୍ଷେ ମୋ ମୃତ୍ୟୁ ପାଇଁ ଏସ୍‌ଆଇଟି ମୁଖ୍ୟ ଅରୁଣ ବୋଥ୍ରା ଦାୟୀ ରହିବେ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

‘ପ୍ରବୃତ୍ତି ନୁହେଁ, ବୃତ୍ତିକୁ ଅଗ୍ରାଧିକାର ଦିଆଯାଏ’

ଜଗତ୍‌ସିଂହପୁର ଅଫିସ,୨୩ା୨: ପ୍ରବୃତ୍ତି ଅପେକ୍ଷା ବୃତ୍ତିକୁ ସର୍ବଦା ଅଗ୍ରାଧିକାର ଦିଆଯାଏ। କାରଣ କରଦାତାଙ୍କ କରରେ ସରକାରୀ କର୍ମଚାରୀ ଦରମା ପାଇଥାନ୍ତି। ତେଣୁ ସେମାନଙ୍କ ବୃତ୍ତି ପାଇଁ...

ଦ୍ୱାରଶୁଣି ଘାଟିରେ ଦୁର୍ଘଟଣା, ଟ୍ରକ ଚାଳକ ମୃତ

ବାଙ୍ଗିରିପୋଷି,୧୪ା୧୦(ଡି.ଏନ୍‌.ଏ.): ବାଙ୍ଗିରିପୋଷି ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟିରେ ରବିବାର ଟ୍ରକ ଓଲଟି ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ହେଲପର ଆହତ...

ନରହନ୍ତା ଦନ୍ତାର ଉଗ୍ରରୂପ

ପରଜଙ୍ଗ, ୧୯।୯(ଡି.ଏନ.ଏ.) – ଗଁ।ରୁ ଗଁ।କୁ ଘୂରିବୁଲୁଛି। ଯୁଆଡ଼େ ମୁହଁ।ଉଛି ସିଆଡ଼େ ଆତଙ୍କର ବାତାବରଣ ସୃଷ୍ଟି କରୁଛି। ଚାଳ ଛପର, କଂକ୍ରିଟ୍‌ କୋଠା, ପାଚେରି, ବାଡ଼ି...

ବଢୁଛି ବିଦ୍ୟୁତ୍‌ ବିଭାଗର ମନମାନି

ନୟାଗଡ଼ ଅଫିସ,୧୧।୪: ଟାଟା ବିଦ୍ୟୁତ୍‌ ବଣ୍ଟନ ଦାୟିତ୍ୱ ନେବା ପରେ ଗ୍ରାହକଙ୍କ ଉପରେ ଅତ୍ୟଧିକ ବିଦ୍ୟୁତ୍‌ ବିଲ୍‌ ଲଦି ଦିଆଯାଉଥିବା ଅଭିଯୋଗ ଆସୁଛି। ଏହି ମନମାନି...

୭୧ତମ ସାଧାରଣତନ୍ତ୍ର ଦିବସ ଧୁମ୍‌ଧାମରେ ପାଳିତ

ଜୟପୁର,୨୬।୧(ଡି.ଏନ.ଏ): କୋରାପୁଟ ଜିଲାର ଜୟପୁରରେ ୭୧ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ଜୟପୁର ଉପଜିଲାପାଳ ଲୋକନାଥ ଦଳ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପତାକା...

ଗଛରେ ଝୁଲୁଛି ଯୁବକଙ୍କ ମୃତଦେହ

ପଦ୍ମପୁର,୮ା୪(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ନାୟକାଣୀଡିହି ଥାନା ଅଧୀନ ମଲିକାଦେଇପୁର ଗ୍ରାମର ଜନୈକ ଯୁବକଙ୍କ ମୃତଦେହ ଗଛରେ ଝୁଲନ୍ତା ଅବସ୍ଥାରେ ମିଳିଛି। ସେ...

ଗଛ ଲଗାଇ ସଚେତନତା ବାର୍ତ୍ତା

ଭଦ୍ରକ ଅଫିସ, ୨୭।୮- ଗଛବୃଚ୍ଛ ନ ରହିଲେ ପରିବେଶ ଉଜୁଡ଼ି ଯିବ। ୧୯୯୯ ମହାବାତ୍ୟାରେ ବହୁ ସଂଖ୍ୟାରେ ଗଛ ଭାଙ୍ଗି ପଡ଼ିବା ପରେ ବୃକ୍ଷରୋପଣକୁ ନିଜ...

ସ୍କୁଲ ଯାତାୟାତରେ ଅସୁବିଧା : ଗେଟ୍‌ ସମ୍ମୁଖରେ ଧାରଣା ଦେଲେ ଛାତ୍ରୀଛାତ୍ର

କାଳିଆପାଣି,୧୫।୭(ଡି.ଏନ୍‌.ଏ.): ଯାଜପୁର ଜିଲା କାଳିଆପାଣି ଖଣି ଅଞ୍ଚଳରେ ସ୍କୁଲକୁ ଯାତାୟାତ କରିବାରେ ଅସୁବିଧା ଯୋଗୁ ଛାତ୍ରୀଛାତ୍ର ଇମ୍ଫା କମ୍ପାନୀ ଗେଟ୍‌ ସମ୍ମୁଖରେ ଧାରଣା ଦେଇଥିବା ଜଣାପଡ଼ିଛି।...

Advertisement
Archives

Model This Week