ଲମ୍ବୁଛି ଚୋରା ମଦ ଚେର

ବଇଣ୍ଡା,୧୮ା୧୨(ପରିକ୍ଷିତ ସାହୁ) ଚୋରା ମଦ କାରବାର ରୋକିବାକୁ ସ୍ବତନ୍ତ୍ର ଅବକାରୀ ଥାନା ପ୍ରତିଷ୍ଠା ହୋଇଛି। ଅବକାରୀ ବିଭାଗ ସହ ପୋଲିସ ମିଳିତ ପଦକ୍ଷେପ ନେଉଛି। ନୂତନ କରି ଗଠନ ହୋଇଥିବା ବିବିଧ ଶୃଙ୍ଖଳା ଟିମ୍‌ ମଧ୍ୟ ଚଢ଼ାଉରେ ସାମିଲ ହେଉଛି। ହେଲେ ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ଚୋରା ଦେଶୀମଦର ଚେର ଲମ୍ବି ଚାଲିଥିବା ଅଭିଯୋଗ ହେଉଛି। ଏହି କାରଣରୁ ଆଠମଲ୍ଲିକ ଓ କିଶୋରନଗର ବ୍ଲକରେ ଆଇନଶୃଙ୍ଖଳା ବିଗିଡ଼ିବାରେ ଲାଗିଛି। ବର୍ଷକ ମଧ୍ୟରେ ମାତ୍ର ୧୯୫ଟି ମାମଲା ରୁଜୁ ସହ ୧୮୭ ଜଣଙ୍କୁ ଗିରଫ କରାଯାଇଥିବାରୁ ଅବକାରୀ ବିଭାଗର ଆନ୍ତରିକତା ଉପରେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ଆଠମଲ୍ଲିକ ଓ କିଶୋରନଗର ବ୍ଲକରେ ମୋଟ୍‌ ୪୭ଟି ପଞ୍ଚାୟତ ରହିଛି। ତେବେ ଅଧିକାଂଶ ଅଞ୍ଚଳ ପାହାଡ଼ ଓ ଜଙ୍ଗଲିଆ ହୋଇଥିବାରୁ ଏହାର ସୁଯୋଗ ନେଉଛନ୍ତି ଚୋରା ମଦ ବ୍ୟବସାୟୀ। ସେମାନେ ଜଙ୍ଗଲରେ ମଦ ରାନ୍ଧିବା ସହ ବାଇକ୍‌ ଯୋଗେ ବିଭିନ୍ନ ଗ୍ରାମକୁ ଚାଲାଣ କରୁଛନ୍ତି। ଅବକାରୀ ବିଭାଗର ନିଷ୍କ୍ରିୟତା ଯୋଗୁ ଏହି କାରବାରରେ ଅଧିକରୁ ଅଧିକ ଯୁବପିଢ଼ି ସାମିଲ ହେଉଛନ୍ତି। ଏପରି କି କେତେକ ଗ୍ରସେରି, ପାନ ଦୋକାନ ଓ ଜଳଖିଆ ଦୋକାନରେ ଚୋରା ଦେଶୀମଦ ବିକ୍ରି ହେଉଥିବା ଲୋକେ ଅଭିଯୋଗ କରୁଛନ୍ତି। ଆଠମଲ୍ଲିକ, କିଆକଟା, ଠାକୁରଗଡ଼, ହଣ୍ଡପା ଓ କିଶୋରନଗର ଥାନା ସହ ଉପଖଣ୍ଡର ଆଠମଲ୍ଲିକ ଓ ବଇଣ୍ଡାଠାରେ ଅବକାରୀ ଥାନା ପ୍ରତିଷ୍ଠା କରାଯାଇଛି। କିନ୍ତୁ ବଇଣ୍ଡା ଅବକାରୀ ଥାନା ଏଯାଏ ଉଦ୍‌ଘାଟନ ହୋଇନାହିଁ। ଏହାକୁ କାର୍ଯ୍ୟକ୍ଷମ କରାଯାଉ ନ ଥିବାରୁ ଆସବାବପତ୍ର ଚୋରି ହୋଇଯାଉଛି। ୨୦୨୦ ଜାନୁୟାରୀରୁ ଡିସେମ୍ବର ୧୫ ମଧ୍ୟରେ ଆଠମଲ୍ଲିକ ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୪୯ଟି ମାମଲା ରୁଜୁ କରାଯିବା ସହ ଚୋରା ମଦ କାରବାର ଅଭିଯୋଗରେ ୪୯ଜଣଙ୍କୁ ଗିରଫ କରାଯାଇଛି। ୪୯୦ ଲିଟର ଚୋରା ମହୁଲି ଜବତ ଓ ୧୧୦୦ କେଜି ମହୁଲ ପୋଚ ନଷ୍ଟ କରାଯାଇଛି। ଠାକୁରଗଡ଼ ଥାନାର ବିଭିନ୍ନ ଅଞ୍ଚଳରୁ ଅବକାରୀ ବିଭାଗ ୩୬ ଜଣଙ୍କୁ ଗିରଫ ସହ ୩୬ଟି ମାମଲା ରୁଜୁ କରିଛି। ୫୦୫ ଲିଟର ଦେଶୀ ମଦ ଜବତ ଓ ୯୦୦ କେଜି ମହୁଲ ପୋଚ ନଷ୍ଟ କରିଛି। କିଆକଟା ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୫ଜଣଙ୍କୁ ଗିରଫ କରାଯାଇଛି। ୫୨ ଲିଟର ମହୁଲି ଜବତ କରାଯିବା ସହ ୫ଟି ମାମଲା ରୁଜୁ କରାଯାଇଛି। କିଶୋରନଗର ବ୍ଲକ ହଣ୍ଡପା ଥାନା ଅଞ୍ଚଳରୁ ୧୦୨୪ ଲିଟର ଦେଶୀ ମହୁଲୀ, ୧୫ ଲିଟର ବିଦେଶୀ ମଦ, ୬୦ ଲିଟର ତାଡ଼ି ଜବତ ସହ ୧୨୬୦ ଲିଟର ପୋଚ ନଷ୍ଟ କରାଯାଇଛି। ଏ ନେଇ ୬୦ଟି ମାମଲାରେ ୫୨ଜଣଙ୍କୁ ଗିରଫ କରାଯାଇଛି। କିଶୋରନଗର ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢ଼ାଉ କରାଯାଇ ୭୦୫ ଲିଟର ମହୁଲି ମଦ ଜବତ ସହ ୬ଶହ ଲିଟର ପୋଚ ନଷ୍ଟ କରାଯାଇଛି। ଏ ନେଇ ୪୫ଟି ମାମଲାରେ ୪୫ ଜଣଙ୍କୁ ଗିରଫ କରାଯାଇଛି। ଏ ସମ୍ପର୍କରେ ଆଠମଲ୍ଲିକ ଅବକାରୀ ଉପନିରୀକ୍ଷକ ପ୍ରଫୁଲ୍ଲ କୁମାର ପତି କହିଛନ୍ତି, ବିଭାଗ ପକ୍ଷରୁ ବାରମ୍ବାର ଚଢ଼ାଉ କରାଯାଇ ମଦ ଜବତ କରାଯାଉଛି। ଏଥିପାଇଁ ଗଠନ କରାଯାଇଥିବା ସ୍ବତନ୍ତ୍ର ସ୍କ୍ବାଡ୍‌ ମାଧ୍ୟମରେ ଯାଞ୍ଚ ଜୋରଦାର କରାଯାଉଛି।

କୁପ୍ରଭାବ ପକାଉଛି
ଚୋରା ମଦ କାରବାର ବୃଦ୍ଧି ଯୋଗୁ ଗ୍ରାମାଞ୍ଚଳରେ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇପଡୁଛି। ଚଢ଼ାଉ ହେଉଥିଲେ ମଧ୍ୟ ଏହି ବ୍ୟବସାୟ ବନ୍ଦ ହେଉନାହିଁ। ଅଧିକରୁ ଅଧିକ ଯୁବଗୋଷ୍ଠୀ ଏଥିରେ ସାମିଲ ହେଉଥିବାରୁ ସମାଜ ଉପରେ କୁପ୍ରଭାବ ପଡ଼ୁଛି। ପୋଲିସ ଓ ଅବକାରୀ ବିଭାଗ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ।
-ଦୀପକ ଟିବୃଓ୍ବାଲା, ବଇଣ୍ଡା
ବିଭାଗ ଚିନ୍ତିତ ଥିବା ଭଳି ଲାଗୁନି
ଜାମ୍ବୁନାଳୀଠାରେ ନିର୍ମାଣ ହୋଇସାରିଥିବା ବଇଣ୍ଡା ଅବକାରୀ ଥାନା ଉଦ୍‌ଘାଟନ ହେଉନାହିଁ। ତେଣୁ ଚୋରା ମଦ ରୋକିବାକୁ ବିଭାଗ ଚିନ୍ତିତ ଥିବା ଭଳି ଲାଗୁନି। ନିଯୁକ୍ତ କର୍ମଚାରୀମାନଙ୍କୁ ଏହି ଅଞ୍ଚଳରେ ରହିବାକୁ ନିର୍ଦ୍ଦେଶ ଦିଆଯାଉ। ଉପଖଣ୍ଡରୁ ଅଣଓଡ଼ିଆ ମଦ ବ୍ୟବସାୟୀଙ୍କୁ ହଟାଯାଉ।
– ରଣଜିତ ପଟ୍ଟନାୟକ, ସାମାଜିକ କର୍ମୀ, ଲୁହାମୁଣ୍ଡା
ବହୁ ସଂସାର ଉଜୁଡ଼ିଯାଉଛି
ମାଧପୁର ଅଞ୍ଚଳରେ ଚୋରା ଦେଶୀମଦର ଅବାଧ କାରବାର ବଢ଼ିଚାଲିଛି। ବିଭାଗ ପକ୍ଷରୁ ଚଢ଼ାଉ ଜୋରଦାର କରାଯାଉ ନ ଥିବାରୁ ଅନେକ ଗରିବ ଦିନମଜୁରିଆ ଶ୍ରେଣୀର ଲୋକେ ନକଲି ପାଉଚ ମଦ ପିଇ ରୋଗାକ୍ରାନ୍ତ ହେଉଛନ୍ତି। ଏଥିପାଇଁ ବହୁ ସଂସାର ମଧ୍ୟ ଉଜୁଡ଼ିଯାଉଛି।
-ସୌମ୍ୟରଞ୍ଜନ ମହାନ୍ତି, ମାଧପୁର
ରାଜସ୍ବ ହ୍ରାସ ପାଉଛି
ଚୋରା ମଦ କାରବାର ଯୋଗୁ ଅସାଧୁ ବ୍ୟବସାୟୀ ଲାଭବାନ୍‌ ହେଉଥିବା ବେଳେ ଅବକାରୀ ରାଜସ୍ବ ହ୍ରାସ ପାଉଛି। ବିଭାଗର କେତେଜଣ ତଳିଆ କର୍ମଚାରୀଙ୍କୁ ହାତ କରି ଏହି ବ୍ୟବସାୟୀମାନେ ଚଢ଼ାଉ ପୂର୍ବରୁ ମଦ ସହ ଖସିଯାଉଛନ୍ତି। ଠିକ୍‌ ସମୟରେ ପଦକ୍ଷେପ ନିଆଯିବା ଦରକାର।
-ଉଗ୍ରସେନ ସେଠୀ, ଉପସଭାପତି, ଆଠମଲ୍ଲିକ ଓକିଲ ସଂଘ
ରୋକିବାକୁ ପଦକ୍ଷେପ ନିଆଯିବ
ଅବକାରୀ ବିଭାଗ ପକ୍ଷରୁ ଅନେକ ସମୟରେ ଚଢ଼ାଉ କରାଯାଉଛି। ତଥାପି ଚୋରା ମଦ କାରବାର କିପରି ରୋକାଯାଇପାରିବ ସେଥିପାଇଁ ନୂତନ ଭାବେ ଗଠିତ ହୋଇଥିବା ବିବିଧ ଶୃଙ୍ଖଳା ଟିମ୍‌କୁ ଚଢ଼ାଉ ପାଇଁ ନିର୍ଦ୍ଦେଶ ଦିଆଯିବ। ଚୋରା ବ୍ୟବସାୟୀଙ୍କୁ ଗିରଫ କରିବାକୁ ପଦକ୍ଷେପ ନିଆଯିବ।
-ଲଳିତମୋହନ ବେହେରା, ଉପଜିଲାପାଳ, ଆଠମଲ୍ଲିକ


Enter your email to get our daily news in your inbox.

All Right Reserved By Dharitri.Com

ମିଶନ ଶକ୍ତି ବଜାର ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୮ା୨(ଅନିଲ ଦାସ)ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ଭୁବନେଶ୍ବରରେ ମିଶନ ଶକ୍ତି ବଜାରକୁ ଉଦ୍‌ଘାଟନ କରିଛନ୍ତି। ଏହି ଅବସରରେ ସେ କହିଛନ୍ତି, ରାଜ୍ୟର ଗ୍ରାମାଞ୍ଚଳ ଏବଂ ଅର୍ଦ୍ଧ...

ଅବକାରୀ କାର୍ଯ୍ୟାଳୟରେ ଅଗ୍ନିକାଣ୍ଡ, ପାଉଁଶ ହୋଇଗଲା ମୋଟରସାଇକେଲ

କାମାକ୍ଷାନଗର,୨୭।୨: ଭୟାବହ ଅଗ୍ନିକାଣ୍ଡରେ ଜଳିପୋଡ଼ି ପାଉଁଶ ହୋଇଗଲା ପାଞ୍ଚରୁ ଅଧିକ ମୋଟରସାଇକେଲ। ଏଭଳି ଏକ ଦୁର୍ଘଟଣା ଘଟିଛି କାମାକ୍ଷାନଗର ଅବକାରୀ କାର୍ଯ୍ୟାଳୟ ପରିସରରେ। ସୂଚନାଥାଉ କି,...

ଭୁବନେଶ୍ୱର ପହଞ୍ଚିଲେ ମାଇକ୍ରୋସଫ୍ଟ ସିଇଓ ବିଲ ଗେଟ୍ସ

ଭୁବନେଶ୍ୱର,୨୭।୨: ଭୁବନେଶ୍ବରରେ ପହଞ୍ଚିଲେ ମାଇକ୍ରୋସଫ୍ଟର ପୂର୍ବତନ ସିଇଓ ବିଲ ଗେଟ୍ସ। ବୁଧବାର ଅର୍ଥାତ୍‌ କାଲି କୃଷି ଭବନ କାର୍ଯ୍ୟକ୍ରମରେ ସେ ଯୋଗଦେବେ। ଏହି ଗସ୍ତରେ ବିଲ...

୫୯ନମ୍ବର ଜାତୀୟ ରାଜପଥର ୨୭କିମି ରାସ୍ତା ପ୍ରଶସ୍ତିକରଣ ପାଇଁ ୭୧୮କୋଟି ମଞ୍ଜୁର କଲା କେନ୍ଦ୍ର

ଭୁବନେଶ୍ୱର,୨୭।୨: ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ୫୯ନମ୍ବର ଜାତୀୟ ରାଜପଥର ୨୬.୯୬କିମି ରାସ୍ତାର ପ୍ରଶସ୍ତିକରଣ ପାଇଁ ୭୧୮.୨୬କୋଟି ଟଙ୍କା ମଞ୍ଜୁର କରିଛନ୍ତି। କନ୍ଧମାଳ ଓ...

ବାପାଙ୍କୁ ହତ୍ୟା କରି ଅଖାରେ ପୋତିଦେଲେ ପୁଅ!

ସମ୍ବଲପୁର,୨୭।୨: ପାରିବାରିକ ବିବାଦରୁ ବାପାଙ୍କୁ ହତ୍ୟା କଲେ ସୈତାନ ପୁଅ। ଏପରି ବୀଭତ୍ସ ହତ୍ୟାକାଣ୍ଡ ସମ୍ବଲପୁର ଜିଲାରେ ଘଟିଛି। ହତ୍ୟା କରି ଫେରାର ହୋଇଛି ପୁଅ।...

ବରଗଡ଼ରେ ପ୍ରବଳ ବର୍ଷା

ବରଗଡ,୨୭।୨(ପ୍ରେମାନନ୍ଦ ଖମାରୀ)- ବରଗଡ଼ ସହର ସମେତ ଆଖପାଖ ଅଞ୍ଚଳରେ ମଙ୍ଗଳବାର ରାତି ପ୍ରାୟ ୮ଟା ୪୦ ମିନିଟରୁ ପ୍ରବଳ ବର୍ଷା ଲାଗି ରହିଛି । ବର୍ଷା...

ହାଇକୋର୍ଟରେ ନକଲି ଡାକ୍ତର ଚିହ୍ନଟ ମାମଲା: ‘ଜାଲ ଡାକ୍ତର ନିଯୁକ୍ତି ରୋକିବାକୁ କ’ଣ ପଦକ୍ଷେପ ନେଇଛ ଜଣାଅ’

କଟକ,୨୭ା୨ (କାର୍ତ୍ତିକ ସାହୁ) ରାଜ୍ୟରେ ରହିଥିବା ନକଲି ଡାକ୍ତରମାନଙ୍କୁ ଚିହ୍ନଟ କରାଯିବା ନେଇ ହାଇକୋର୍ଟରେ ରୁଜୁ ମାମଲାର ଶୁଣାଣି ମଙ୍ଗଳବାର ହୋଇଛି। ଓଡ଼ିଶା ରାଜ୍ୟ ଆଇନ...

ପରୀକ୍ଷା ହଲ୍‌ରେ କପି ଦେଲେ ମହିଳା ହୋମଗାର୍ଡ, ସହଯୋଗ କରି ନିଲମ୍ବିତ ହେଲେ ଶିକ୍ଷୟିତ୍ରୀ

କଟକ,୨୬ା୨ (କାର୍ତ୍ତିକ ସାହୁ): ମାଟ୍ରିକ ପରୀକ୍ଷା ହଲ୍‌ରେ ଦାୟିତ୍ୱ ଠିକ ଭାବେ ତୁଲାଇ ନ ଥିବାରୁ ନରସିଂହପୁର ବ୍ଲକ ଅନ୍ତର୍ଗତ ପତଣ୍ଡାସ୍ଥିତ ଶଙ୍କର୍ଷଣ ବିଦ୍ୟାପୀଠର ଶିକ୍ଷୟିତ୍ରୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri