ସନ୍ଦେହରେ ନେତାଙ୍କ ନୀରବତା

ତାଳଚେର,୨୫ା୩ (ନି.ପ୍ର.)  ପୁରୁଣା ପ୍ଲାଣ୍ଟ ହେଲେ ମଧ୍ୟ ଏନ୍‌ଟିପିସି ପରିଚାଳନାଧୀନ ତାଳଚେର ଥର୍ମାଲ ପାଓ୍ବାର ଷ୍ଟେଶନ (ଟିଟିପିଏସ୍‌) ଲାଭରେ ଚାଲୁଥିଲା। ଶତ ପ୍ରତିଶତ ବିଦ୍ୟୁତ୍‌ ଉତ୍ପାଦନ କରି ବିଭିନ୍ନ ସମୟରେ ରେକର୍ଡ କରୁଥିଲା। ଟିଟିପିଏସ୍‌ ସଫଳତାର ଶ୍ରେୟ ଏନ୍‌ଟିପିସି ନେବା ସହ ଏଥିପାଇଁ ଏକାଧିକ ପୁରସ୍କାର ହାତେଇଥିଲା। କିନ୍ତୁ ପ୍ଲାଣ୍ଟର ପୁରୁଣା ୟୁନିଟ୍‌ଗୁଡ଼ିକ ସ୍ଥାନରେ ଷ୍ଟେଜ-୩ର ୧୩୨୦ ମେଗାୱାଟ୍‌ ବିଶିଷ୍ଟ ୨ (୬୬୦x୨) ଗୋଟି ନୂତନ ୟୁନିଟ୍‌ ସ୍ଥାପନ ଦିଗରେ ସମୟ ଥାଉ ଥାଉ ପଦକ୍ଷେପ ନିଆଗଲା ନାହିଁ। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ପରିବେଶଗତ ନିର୍ଦ୍ଦେଶକୁ ମଧ୍ୟ ପାଳନ କରାଗଲା ନାହିଁ। ବହୁ ସଂଖ୍ୟକ ଶ୍ରମିକଙ୍କ ପେଟ ପାଟଣା କଥା ଚିନ୍ତା ନ କରି ଗତ ୨୨ ତାରିଖ ରାତିରୁ ହଠାତ୍‌ ପ୍ଲାଣ୍ଟର ସମସ୍ତ ୟୁନିଟ୍‌କୁ ବନ୍ଦ କରିଦିଆଗଲା। ଏଥିରୁ ଟିଟିପିଏସ୍‌ରେ ତାଲା ପକାଇବା ଯେ ଏନ୍‌ଟିପିସିର ଏକମାତ୍ର ଲକ୍ଷ୍ୟ ଥିଲା ତାହା ବେଶ୍‌ ବାରିହୋଇପଡ଼ୁଥିବା ଶ୍ରମିକ ମହଲରେ ଆଲୋଚନା ହେଉଛି। ୨ ଦିନ ହେଲା ପ୍ଲାଣ୍ଟ ବନ୍ଦ ରହିଥିବାରୁ ସହସ୍ରାଧିକ ଶ୍ରମିକଙ୍କ ପରିବାରରେ ଭାଳେଣି ପଡ଼ିଯାଇଛି। ହେଲେ ଏ ନେଇ ରାଜନେତାଙ୍କ ନୀରବତା ଶ୍ରମିକମାନଙ୍କୁ ଆଶ୍ଚର୍ଯ୍ୟ କରିଛି।
ଶ୍ରମିକମାନଙ୍କ କହିବା ଅନୁଯାୟୀ, କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ନିର୍ଦ୍ଦେଶ ପାଳନ କରି ନ ଥିବାରୁ ମାର୍ଚ୍ଚ ୩୧ ପରେ ଟିଟିପିଏସ୍‌ ବନ୍ଦ ହେବ ବୋଲି ବହୁ ପୂର୍ବରୁ ଚର୍ଚ୍ଚା ହେଉଥିଲା। ଏନ୍‌ଟିପିସି କର୍ତ୍ତୃପକ୍ଷ ଏ ନେଇ ମୁହଁ ଖୋଲୁ ନ ଥିଲେ ମଧ୍ୟ ଭିତିରିଆ ଟିଟିପିଏସ୍‌ ବନ୍ଦ ଯୋଜନା କେବେଠାରୁ ପଦାରେ ପଡ଼ିଯାଇଥିଲା। ଠିକାଦାରଙ୍କଠାରୁ କାମ ବନ୍ଦ ନୋଟିସ ପାଇଥିବା ବହୁ ସଂଖ୍ୟକ ଶ୍ରମିକ ପ୍ରତିବାଦରେ ପ୍ଲାଣ୍ଟ ସମ୍ମୁଖରେ ଗଣଧାରଣ ଦେବା ପରେ ଏହାକୁ ନେଇ ରାଜନୀତି ଆରମ୍ଭ ହୋଇଥିଲା। ଶାସକ ବିଜେଡି ଦଳର ବହୁ ନେତାଙ୍କଠାରୁ ଆରମ୍ଭ କରି ଭାଜପା ଓ କଂଗ୍ରେସ ଦଳର ଏକାଧିକ ନେତା ସମର୍ଥନ, ସହାନୁଭୂତି ଜଣାଇବାକୁ ଧାଇଁ ଆସୁଥିଲେ। ଟିଟିପିଏସ୍‌ ବନ୍ଦ ହେଲେ ଜୋରଦାର ଆନ୍ଦୋଳନ କରାଯିବ ବୋଲି ଚେତାବନୀ ଦେଉଥିଲେ। ତାଳଚେର ଅର୍ଥନୀତି ବାଧାପ୍ରାପ୍ତ ହେବାକୁ ଦିଆଯିବ ନାହିଁ କି ଶ୍ରମିକଙ୍କ ସହ ଅନ୍ୟାୟ ସହ୍ୟ କରାଯିବ ନାହିଁ ବୋଲି କହୁଥିଲେ। କିନ୍ତୁ ୨ ଦିନ ହେଲା ପ୍ଲାଣ୍ଟରୁ ବିଦ୍ୟୁତ୍‌ ଉତ୍ପାଦନ ବନ୍ଦ ରହିଛି। ଶ୍ରମିକମାନେ କାମ ନ ପାଇ ବସି ବସି ଫେରୁଛନ୍ତି। ତଥାପି ସମ୍ପୃକ୍ତ ରାଜନେତାମାନଙ୍କ ଦେଖାଦର୍ଶନ ମିଳୁନାହିଁ। ଏପରି କି ପ୍ରତିବାଦର ସ୍ବର ମଧ୍ୟ ଶୁଭୁ ନାହିଁ। ସେମାନଙ୍କ ଏହି ନୀରବତା ପଛରେ କି ରହସ୍ୟ ରହିଛି ବୋଲି ଶ୍ରମିକ ମହଲରେ ପ୍ରଶ୍ନବାଚୀ ସୃଷ୍ଟି ହୋଇଛି।

ବୁଢ଼ା ବୟସରେ ତଡ଼ି ଦେଲେ
ଲାଭ କରୁଥିବା ପ୍ଲାଣ୍ଟ ବନ୍ଦ ହେବ ବୋଲି ଯାହା ଶୁଶୁଥିଲୁ, ତାହାକୁ ବିଶ୍ୱାସ କରୁ ନ ଥିଲୁ। କିନ୍ତୁ ଦୁଇଦିନ ହେଲା ଭିତରକୁ ପ୍ରବେଶ କରିପାରୁନୁ। ଏନ୍‌ଟିପିସି କର୍ତ୍ତୃପକ୍ଷ କାହିଁକି ପ୍ଲାଣ୍ଟ ବନ୍ଦ କଲେ ଓ ବୁଢ଼ା ବୟସରେ ଆମକୁ ତଡ଼ି ଦେଲେ ତାହା ବୁଝିପାରୁନୁ।
-ଦୁଃଶାସନ ଦାସ, ଟିଟିପିଏସ୍‌ ଶ୍ରମିକ

ଶ୍ରମିକଙ୍କୁ ମାରିବାକୁ ପ୍ରୟାସ
ଫେଜ-୩ ୟୁନିଟ୍‌ ସ୍ଥାପନ ପାଇଁ ୨୦୨୦ରୁ ରାଜ୍ୟ ସରକାର ଏଚ୍‌ଏଲ୍‌ସି ମଞ୍ଜୁରୀ ଦେଇସାରିଲେଣି। କିନ୍ତୁ ଏନ୍‌ଟିପିସି କର୍ତ୍ତୃପକ୍ଷ ଟିଟିପିଏସ୍‌ର ନବୀକରଣ ନେଇ ପଦକ୍ଷେପ ନେଲେ ନାହିଁ। ଏବେ ପ୍ଲାଣ୍ଟ ବନ୍ଦ କରି ଶ୍ରମିକମାନଙ୍କୁ ମାରିବାକୁ ପ୍ରୟାସ କରାଯାଉଛି।
-ପ୍ରଦିପ କୁମାର ରଥ, ଟିଟିପିଏସ୍‌ ଶ୍ରମିକ

ଏନ୍‌ଟିପିସି ମନମୁଖି କାମ କରୁଛି
ଏନ୍‌ଟିପିସି ମନମୁଖି ଶାସନ ଚଲାଇଛି। ନୋଟିସ୍‌ ନ ଦେଇ ଜବରଦସ୍ତି ୨ ଦିନ ହେଲା ଉତ୍ପାଦନ ବନ୍ଦ କରିଛି। ଅଫିସରମାନଙ୍କୁ ବଦଳି କରାଯିବା ସହ ଶ୍ରମିକମାନଙ୍କୁ ପ୍ଲାଣ୍ଟରେ କାମ କରିବାକୁ ଦିଆଯାଉ ନାହିଁ। ଫଳରେ ଦୁଇଦିନ ହେଲା ବସି ବସି ଫେରୁଛୁ।
-ବାବୁଲା ସାମଲ, ଟିଟିପିଏସ୍‌ ଶ୍ରମିକ

ରାଜ୍ୟ ସରକାରଙ୍କ ନିର୍ଦ୍ଦେଶକୁ ଅପେକ୍ଷା
ଟିଟିପିଏସ୍‌ ସମସ୍ୟା ନେଇ ମୁଖ୍ୟମନ୍ତ୍ରୀ କେନ୍ଦ୍ର ଶକ୍ତିମନ୍ତ୍ରୀଙ୍କୁ ଚିଠି ଲେଖି ସାରିଲେଣି। ଏହା ଉପରେ କୌଣସି ମତାମତ ଦେବା ଆଉ ଠିକ୍‌ ହେବ ନାହିଁ। ରାଜ୍ୟ ସରକାରଙ୍କ ପକ୍ଷରୁ ଯାହା ନିର୍ଦ୍ଦେଶ ଆସିବ, ପ୍ରଶାସନ ତାହାକୁ ଠିକ୍‌ ଭାବେ କାର୍ଯ୍ୟକାରୀ କରିବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଅନୁଗୋଳ ଜିଲାପାଳ


Enter your email to get our daily news in your inbox.

All Right Reserved By Dharitri.Com

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଉଦ୍‌ଘାଟନ କଲେ ପ୍ରଧାନମନ୍ତ୍ରୀ , ବିଧାୟକ କହିଲେ…

ତୁମୁଡ଼ିବନ୍ଧ,୧୫।୧୧(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡ଼ିବନ୍ଧ ବ୍ଲକ୍‌ ତୁଟୁଲୁବାଠାରେ ନୂତନ ଭାବେ ନିର୍ମିତ ହୋଇଥିବା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭାଷୀ…

ଦାଦନ ଖଟିବାକୁ ବେଙ୍ଗାଲୁରୁ ଯାଇଥିଲେ, ଘରକୁ ଫେରିବା ବେଳେ ଚାଲିଗଲା ଜୀବନ

କୋକସରା,୧୫ା୧୧(ଦୁଷ୍ମନ୍ତ କୁମାର ପାଟ୍ଟଯୋଷୀ): କାମ ଅନ୍ବେଷଣରେ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିବା କୋକସରା ଅଞ୍ଚଳର ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ମୁଷାପାଲି…

ସମ୍ଭାବ୍ୟ ବାତ୍ୟାକୁ ନେଇ ଭଞ୍ଜନଗର ପ୍ରଶାସନର ତତ୍ପରତା, ଜଳଭଣ୍ଡାରରୁ ଆଜି ରାତି ୯ଟାରୁ ଛଡ଼ାଯିବ ପାଣି

ଭଞ୍ଜନଗର,୧୫ା୧୧(ବାବୁଲା ପ୍ରଧାନ): ଆସନ୍ତା ୧୮ ଓ ୧୯ ତାରିଖରେ ଗଞ୍ଜାମ ଜିଲାରେ ପୁଣି ସମ୍ଭାବ୍ୟ ବାତ୍ୟା ଆଶଙ୍କା ଦେଖାଦେଇଛି । ଗତ ୨୯ ତାରିଖରେ ବାତ୍ୟା ଓ…

ଜାତୀୟ ତାଇକୋଣ୍ଡା ପ୍ରତିଯୋଗିତାରେ ସାଇ ସମ୍ପ୍ରତିଙ୍କ କମାଲ: ସ୍ବର୍ଣ୍ଣ ସହ ପାଇଲେ ବ୍ରୋଞ୍ଜ ପଦକ

ପାତ୍ରପୁର,୧୫।୧୧(ଉମାଚରଣ ନେପାକ): ବ୍ରହ୍ମପୁର ସ୍ଥିତ ନିଷ୍ଟ ବିଶ୍ୱ ବିଦ୍ୟାଳୟ ଇଣ୍ଡୋର ଷ୍ଟାଡିୟମରେ ଜାତୀୟ ତାଇକୋଣ୍ଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ତାଇକୋଣ୍ଡା ଏକାଡେମୀ ବ୍ରହ୍ମପୁର ଦ୍ବାରା ଆୟୋଜିତ ଏହି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?