ବଲାଙ୍ଗୀର,୬ା୧୧(ବୀରେନ୍ଦ୍ର କୁମାର ଝାଙ୍କର): ବଲାଙ୍ଗୀର ଜିଲାର ଆଇନ ଶୃଙ୍ଖଳା ପରିସ୍ଥିତି ଧୀରେ ଧୀରେ ହୁଗୁଳା ହେବାରେ ଲାଗିଛି। ସହରରେ ଅସାମାଜିକ ତତ୍ତ୍ୱ, ନିଶାଖୋରଙ୍କ ଉପତ୍ାତ ବଢ଼ିବାରେ ଲାଗିଛି। ଖାଲି ସହର ନୁହେଁ ଏବେ ଗଁା ଗଁାରେ ଅଶାନ୍ତି ଓ ଉତ୍ତେଜନା ବଢ଼ିବାରେ ଲାଗିଲାଣି। ବଲାଙ୍ଗୀର ସହରରେ ଡ୍ରଗ୍ସ ଓ କଫ୍ ସିରଫ କାରବାର ବହୁ ମାତ୍ରାରେ ଚାଲିଛି। ପୋଲିସ କିଛି ସ୍ଥାନରେ ଚଢ଼ାଉ କରି ନିଶା ବେପାରୀଙ୍କୁ ଗିରଫ କରି ବିଶେଷକରି କଫ୍ ସିରଫ ଓ ଗଞ୍ଜେଇ ଜବତ କରୁଥିବା ଦେଖାଯାଉଥିଲେ ମଧ୍ୟ ଏହା ହାତୀର ଦେଖାଇବା ଦାନ୍ତ ଭଳି ଚର୍ଚ୍ଚା ହେଉଛି। ଯେତେ ମାତ୍ରାରେ କଫ୍ ସିରଫ ଏବଂ ନିଶା କାରବାର ହେଉଛି ତାର ୧୦ ପ୍ରତିଶତ ପୋଲିସ କାର୍ଯ୍ୟାନୁଷ୍ଠାନ ପରିଧିକୁ ଆସିପାରୁଥିବା ଚର୍ଚ୍ଚାର ବିଷୟ ହୋଇଛି। ମଙ୍ଗଳବାର ଦିନ ରେଲବାଇ ପୋଲିସ ଭୁବନେଶ୍ୱରରୁ ବଲାଙ୍ଗୀର ଚାଲାଣ ହେଉଥିବା ପ୍ରାୟ ୫୯୨ ବୋତଲ କପ୍ ସିରଫ ଜବତ କରିଥିଲା। ଏଥିରେ ଅଭିଯୁକ୍ତ ରାଜା ଜେନାଙ୍କୁ ଗିରଫ କରାଯାଇଥିଲା। ପ୍ରାୟ ପ୍ରତିଦିନ ସହରକୁ କଫ୍ ସିରଫ ଚାଲାଣ ହେଉଥିଲେ ମଧ୍ୟ ପୋଲିସ କେବଳ ଅଳ୍ପ ପରିମାଣର କଫ୍ ସିରଫ ଜବତ କରୁଥିବା ଅଭିଯୋଗ ହେଉଛି। କଫ୍ ସିରଫ ସେବନକାରୀମାନେ ବିଭିନ୍ନ ସମୟରେ ସହରର ବିଭିନ୍ନ ସ୍ଥାନରେ ଅଶାନ୍ତି ସୃଷ୍ଟି କରୁଥିବାରୁ ସହରର ଲୋକେ ଭୟଭୀତ ହୋଇପଡିଛନ୍ତି। ସହରରେ ସ୍ପିଡ୍ ବାଇକରଙ୍କ ଉପତ୍ାତ ବଢ଼ିବାରେ ଲାଗିଛି। ସେମାନେ ଖୋଲାଖୋଲି ଟ୍ରାଫିକ୍ ନିୟମ ଉଲ୍ଲଂଘନ କରି ଲୋକଙ୍କୁ ଅସୁବିଧାରେ ପକାଉଛନ୍ତି।
ଏହାଛଡା ଗତ କିଛି ଦିନ ହେଲା ବଲାଙ୍ଗୀର ଜିଲାର ବିଭିନ୍ନ ଗଁାରେ ଅଶାନ୍ତ ପରିସ୍ଥିତି ସାମ୍ନାକୁ ଆସିଛି। ଦେଓଗଁା ଥାନାର ଦେଓଗଁାରେ କିଛିଦିନ ହେଲା ଅଶାନ୍ତି ଲାଗି ରହିଛି। ଗତ ଅକ୍ଟୋବାର ୧୩ ତାରିଖ ଦିନ ଦେଓଗଁାରେ କେତେଜଣ ଅସାମାଜିକ ତତ୍ତ୍ୱ ବନ୍ଧୁକ ଓ ମାରଣାସ୍ତ୍ର ଧରି ବିଭିନ୍ନ ଲୋକଙ୍କୁ ଧମକ ଚମକ ଦେଇ ଭୟଭୀତ କରିଥିଲେ। ଏହାର ପ୍ରତିବାଦରେ ଦେଓଗଁାର ଲୋକେ ଦୋକାନ ବଜାର ବନ୍ଦ କରି ଅଭିଯୁକ୍ତମାନଙ୍କ ଗିରଫ ଦାବି କରିଥିଲେ। ଏହି ଘଟଣାରେ ପୋଲିସ ପଶ୍ଚିମବଙ୍ଗରୁ ଆସି ସେଠାରେ ରହି ବ୍ୟବସାୟୀ କରୁଥିବା ଜଣେ ବ୍ୟକ୍ତିଙ୍କ ସମେତ ୫ ଜଣଙ୍କୁ ଗିରଫ କରିଥିଲା । ସେମାନେ ଗତ ୨୨ ତାରିଖ ଦିନ ଜାମିନରେ ବାହାରିବା ପରେ ଉତ୍ତେଜନା ପ୍ରକାଶ ପାଇଥିଲା। ପ୍ରାୟ ୪୦ରୁ ୫୦ ଜଣ ଲୋକ ସଂଘବଦ୍ଧ ଭାବେ ଗତ ୨ ତାରିଖ ଦିନ ସମ୍ପୃକ୍ତ ପଶ୍ଚିମବଙ୍ଗ ବ୍ୟବସାୟୀଙ୍କ ଘରେ ନିଅଁା ଲଗାଇ ଦେଇଥିବା ଅଭିଯୋଗ ହୋଇଥିଲା। ଏଥିରେ ବ୍ୟବସାୟୀଙ୍କ ଘର, ବାଇକ୍ ଏବଂ କପଡା ଦୋକାନ ପୋଡି ଯାଇଥିଲା। ସେହି ଘଟଣାକୁ ନେଇ ଦେଓଗଁାରେ ଉତ୍ତେଜନାମୂଳକ ପରିସ୍ଥିିତି ଦେଖାଦେଇଛି। ପୋଲିସ ଇତିମଧ୍ୟରେ ୧୨ ଜଣଙ୍କୁ ଗିରଫ କରିଛି। ଏଥିରେ ସମ୍ପୃକ୍ତ ଥିବା ଅନେକଙ୍କୁ ଗିରଫ କରାଯିବ ବୋଲି ସଦର ଏସଡିପିଓ କହିଛନ୍ତି। ଦେଓଗଁା ଅଶାନ୍ତି ଏବେ ସାମାନ୍ୟ ଶାନ୍ତ ପଡିଥିଲେ ମଧ୍ୟ ସେଠାରେ ପରିସ୍ଥିତି ସ୍ବାଭାବିକ ହୋଇନାହିଁ। ଅନ୍ୟପକ୍ଷରେ ଗତ ୧ ତାରିଖ ଦିନ ପୁଇଁନ୍ତଲା ଥାନାର ଆଟଗଁାରେ ଗୋଷ୍ଠୀ ସଂଘର୍ଷ ଭଳି ପରିସ୍ଥିତି ସୃଷ୍ଟି ହୋଇଥିଲା। କେତେଜଣ ବ୍ୟକ୍ତି ପୋଲିସ ଗାଡିର କାଚ ଭାଙ୍ଗି ଦେଇଥିଲେ। ଏଠାରେ ଲୋକେ ଦୀର୍ଘ ସମୟ ଧରି ପୋଲିସ ଓ ଗାଡିକୁ ଅଟକାଇ ରଖିଥିଲେ। ପୋଲିସ ଉଭୟ ପକ୍ଷରୁ ମାମଲା ରୁଜୁ କରି ଶାନ୍ତି କମିଟି ଗଠନ କରି ପରିସ୍ଥିତିକୁ ଶାନ୍ତ କରିବାକୁ ଷ୍ଟୋ କରିଛି। ତେବେ ଜିଲାର ବିଭିନ୍ନ ସ୍ଥାନରେ ନିଶା କାରବାର ବୃଦ୍ଧି ଏବଂ ପୋଲିସର କ୍ରମାଗତ ଅବହେଳାରୁ ଏଭଳି ଅଶାନ୍ତି ସୃଷ୍ଟି ହେଉଥିବା ଚର୍ଚ୍ଚାର ବିଷୟ ହୋଇଛି। ଏ ଦିଗରେ ପୋଲିସ ପ୍ରଶାସନ ଏବଂ ଜିଲା ପ୍ରଶାସନ ତପତ୍ରତା ପ୍ରକାଶ କରୁ ନ ଥିବାରୁ ବୁଦ୍ଧିଜୀବୀ ମହଲରେ ଅଶାନ୍ତି ବୃଦ୍ଧି ପାଉଛି।
ଗତ କିଛି ସପ୍ତାହ ହେଲା ଶାନ୍ତିପୂର୍ଣ୍ଣ ଦେଓଗାଁରେ ଅଶାନ୍ତି ଲାଗି ରହିଥିବାରୁ ଏହାକୁ ଦୁର୍ଭାଗ୍ୟଜନକ ବୋଲି କହିବା ସହ ଘଟଣାକୁ ନିନ୍ଦା କରିଛନ୍ତି ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ନରସିଂହ ମିଶ୍ର। ଏଠାରେ ଆଇନ ଶୃଙ୍ଖଳା ପରିସ୍ଥିତି ବିଗିଡିବାରେ ଲାଗିଥିବାରୁ ପୋଲିସ ଏ କ୍ଷେତ୍ରରେ ଅଧିକ ଯନତ୍ବାନ ହେବା ଆବଶ୍ୟକ ବୋଲି କହିଛନ୍ତି। ସେଠାରେ ଯାହା କିଛି ଘଟଣା ଘଟିଯାଇଛି ତାର ନିରପେକ୍ଷ ତଦନ୍ତ କରିବା ଆବଶ୍ୟକ ଏବଂ ଏହି ଘଟଣାରେ ନିରୀହ ଲୋକଙ୍କୁ ପୋଲିସ ଗିରଫ ନ କରି ପ୍ରକୃତ ଦୋଷୀକୁ ଗିରଫ କରୁ ବୋଲି ବୁଧବାର ଏକ ପ୍ରେସ ବିବୃତିରେ କହିଛନ୍ତି।
ସେ ଆହୁରି କହିଛନ୍ତି, ସ୍ଥାନୀୟ ପୋଲିସ ଆଇଆଇସି ବିନା ତଦନ୍ତରେ ନିରୀହ ଲୋକଙ୍କୁ ଉଠାଇ ଆଣୁଥିବାରୁ ଦେଓଗାଁ ଅଞ୍ଚଳରେ ଏବେ କୋକୁଆ ଭୟ ଦେଖାଦେଇଛି। ଲୋକେ ଘରୁ ବାହାରିବାକୁ ଭୟ କରୁଛନ୍ତି ା ଏପରିକି କାର୍ତ୍ତିକ ପୂର୍ଣ୍ଣମୀ ଦିନ ମଧ୍ୟ ଲୋକେ ମନ୍ଦିର ଦର୍ଶନ କରିବାକୁ ଭୟ କରିଛନ୍ତି ା ଲୋକଙ୍କ ମନରେ ଥିବା ଭୟକୁ ଦୂର କରିବା ପାଇଁ ପୋଲିସ ଶୀଘ୍ର ପଦକ୍ଷେପ ନେଉ ବୋଲି ସେ କହିଛନ୍ତି। ଗତ ମାସ ୧୩ ତାରିଖ ଦିନ କେତେଜଣ ସଂଖ୍ୟାଲଘୁ ଯୁବକ ଦେଓଗାଁ ଅଞ୍ଚଳରେ ଖଣ୍ଡା ତଥା ମାରଣାସ୍ତ୍ର ଧରି ଲୋକଙ୍କୁ ଭୟଭୀତ କରିଥିଲେ ା ଏହା ଯେପରି ଆଗକୁ ଉଗ୍ର ରୂପ ନ ନିଏ ସେଦିଗରେ ପୋଲିସ ଯନତ୍ବାନ ହେଉ ଏବଂ ଉଚିତ୍ ପଦକ୍ଷେପ ଗ୍ରହଣ କରୁ ବୋଲି ମିଶ୍ର କହିଛନ୍ତି। ଜିଲା ଆରକ୍ଷୀ ଅଧୀକ୍ଷକ ଯେତେଶୀଘ୍ର ସମ୍ଭବ ଏହି ଘଟଣାରେ ହସ୍ତକ୍ଷେପ କରି ଦେଓଗାଁ ଅଞ୍ଚଳରେ ଶାନ୍ତି ପ୍ରତିଷ୍ଠା ପାଇଁ ଏକ ଶାନ୍ତି କମିଟି ଗଠନ କରନ୍ତୁ ବୋଲି ମିଶ୍ର ପରାମର୍ଶ ଦେଇଛନ୍ତି। ଏହାଛଡା ପୋଲିସ ଏଫଆଇଆରରେ ଯେଉଁ ଲୋକଙ୍କ ନାଁ ନାହିଁ ସେମାନଙ୍କୁ ଗିରଫ ନ କରିବାକୁ ମିଶ୍ର କହିଛନ୍ତି।
