କର୍ମଚାରୀ ଅଭାବ, ମିଳୁନି ତ୍ୱରିତ ନ୍ୟାୟ

ବୈଶିଙ୍ଗା,୮|୮(ଡି.ଏନ.ଏ.)  ମୟୂରଭଞ୍ଜ ଜିଲା ବେତନଟୀ ବ୍ଲକ ଅନ୍ତର୍ଗତ ବୈଶିଙ୍ଗା ଥାନା ଏକ ବୃହତ ଅଞ୍ଚଳକୁ ନେଇ ଗଠିତ। ଏହି ବ୍ଲକର ୧୭ ପଞ୍ଚାୟତ ଅଧୀନ ୨୦୫ ରାଜସ୍ବ ଗ୍ରାମ ଉକ୍ତ ଥାନା ଉପରେ ନିର୍ଭରଶୀଳ। ପ୍ରାୟ ୧ଲକ୍ଷ ୪୫ ହଜାର ଜନ ସାଧାରଣଙ୍କ ଧନଜୀବନ ସୁରକ୍ଷା ଏହା ଉପରେ ନ୍ୟସ୍ତ। ତେବେ ଆବଶ୍ୟକ ସଂଖ୍ୟକ କର୍ମଚାରୀ ଅଭାବ ଯୋଗୁ ଥାନାରେ କାର୍ଯ୍ୟଭାର ବଢ଼ୁଛି। ୧୦ ଅଧିକାରୀ ପଦବୀ ମଧ୍ୟରୁ ୬ଜଣ ରହିଛନ୍ତି। ଫଳରେ ଲୋକେ ତ୍ୱରିତ ନ୍ୟାୟ ପାଇବାରୁ ବଞ୍ଚିତ ହେଉଛନ୍ତି।
କି.ମି. ବ୍ୟାସାର୍ଦ୍ଧ ପରିମିତ ଏହି ଥାନା ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣ କରିବା ଅତ୍ୟନ୍ତ ଦୁରୂହ ବ୍ୟାପାର। ଜିଲାର ସର୍ବାଧିକ ସ୍ପର୍ଶକାତର ଏବଂ ଅପରାଧ ପ୍ରବଣ ଏହି ଥାନାରେ ବର୍ଷକୁ ୩୦୦ରୁ ଅଧିକ ରେକର୍ଡ ସଂଖ୍ୟକ ମାମଲା ପଞ୍ଜିକୃତ ହୋଇଥାଏ। ବର୍ଷ ତମାମ ବିଭିନ୍ନ ସଂଗଠନମାନଙ୍କ ପକ୍ଷରୁ ଆନ୍ଦୋଳନ, ରାସ୍ତା ଅବରୋଧ, ବିକ୍ଷୋଭ ପ୍ରଦର୍ଶନ ଓ ଥାନା ଘେରାଉ ଆଦି କାର୍ଯ୍ୟକ୍ରମ ଯୋଗୁ ଥାନାରେ କାର୍ଯ୍ୟଭାର ବଢ଼ୁଛି। ଏହି ଥାନା ଅନ୍ତର୍ଗତ ବଡ଼ସାହି ବ୍ଲକର ମାଣତ୍ରିଠାରେ ଏକ ଫାଣ୍ଡି ପ୍ରତିଷ୍ଠା ହେଲା ପରେ ସନ୍ନିକଟ ୪ଟି ପଞ୍ଚାୟତରେ ଆଇନ ଶୃଙ୍ଖଳା ପରିସ୍ଥିତିରେ କିଛି ସୁଧାର ଆସିଥିବା ଲକ୍ଷ୍ୟ କରାଯାଏ। ତେବେ ଆହୁରି ଦୁଇଟି ଫାଣ୍ଡି ପ୍ରତିଷ୍ଠା ଜରୁରୀ ବୋଲି ସ୍ଥାନୀୟ ବାସିନ୍ଦା ମତ ପ୍ରକାଶ କରିଛନ୍ତି। ଗୋଟିଏ ବୈଶିଙ୍ଗା ଥାନାଠାରୁ ୧୦ କି.ମି. ଦୂର ପୁରୁଣିଆଠାରେ ଏବଂ ଅନ୍ୟଟି ଏହି ଥାନାଠାରୁ ୧୫ କି.ମି. ଦୂର ଅଁଳା ବଜାରଠାରେ। ଫଳରେ ବୈଶିଙ୍ଗା ଥାନା ଉପରେ ଅତ୍ୟଧିକ କାର୍ଯ୍ୟଭାର ହ୍ରାସ ହେବା ସଙ୍ଗସଙ୍ଗେ ଲୋକେ ପୋଲିସ ସେବା ପାଇବାରେ ସହାୟକ ହୋଇ ପାରିବେ। ପୂର୍ବରୁ ଏହି ଥାନା ଇନଚାର୍ଜ ଥିବା ତଥା ପୋଲିସ ଡିଏସ୍‌ପି ଲକ୍ଷ୍ମୀଧର ସ୍ବାଇଁ ୨୦୨୦ ସେପ୍ଟେମ୍ବରରେ ଅଧିକ ଫାଣ୍ଡି ପ୍ରତିଷ୍ଠା ଓ କର୍ମଚାରୀ ନିଯୁକ୍ତିର ଜରୁରୀ ଆବଶ୍ୟକତା ନେଇ ବିଭାଗୀୟ ଉଚ୍ଚ ଅଧିକାରୀଙ୍କୁ ଚିଠି କରିଥିଲେ ମଧ୍ୟ ଅଦ୍ୟାବଧି ଅନୁମୋଦନ ମିଳି ପାରିନାହିଁ।
ବଡ଼ସାହି ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ବୃନ୍ଦାବନ ଦାସ କୁହନ୍ତି, ଅଧିକ ଫାଣ୍ଡି ପ୍ରତିଷ୍ଠା ଏବଂ ଖାଲି ପଡ଼ିଥିବା ୪ ସବ୍‌ ଇନ୍ସପେକ୍ଟର ପଦବୀ ତୁରନ୍ତ ପୂରଣ କରାଯିବା ନିହାତି ଆବଶ୍ୟକ। ଆଇନଜୀବୀ ତଥା ବୈଶିଙ୍ଗା ଥାନା ଆମ ପୋଲିସ ସମିତିର ସଦସ୍ୟ ମନୋଜ କୁମାର ପଣ୍ଡା କୁହନ୍ତି ଏହି ଥାନା ଉଭୟ ମୟୂରଭଞ୍ଜ ଓ ବାଲେଶ୍ୱର ଜିଲାର ସୀମାନ୍ତରେ ରହିଛି। ଅପରାଧ ନିୟନ୍ତ୍ରଣ ପାଇଁ ଅଧିକ ଫାଣ୍ଡି ଓ କର୍ମଚାରୀ ମୁତୟନ ନିମନ୍ତେ ଆମ ପୋଲିସ ସମିତି ବୈଠକରେ ବହୁବାର ଦୃଷ୍ଟି ଆକର୍ଷଣ କରାଯାଇଛି ଏବଂ ପ୍ରସ୍ତାବ ମଧ୍ୟ ଗୃହୀତ ହୋଇଛି।


Enter your email to get our daily news in your inbox.

All Right Reserved By Dharitri.Com

ବସ୍‌ ଧକ୍କାରେ ସାଇକେଲ ଚାଳକଙ୍କ ମୃତ୍ୟୁ

ବେତନଟୀ,୧୨ା୮(ଡି.ଏନ୍‌.ଏ.)-ମୟୂରଭଞ୍ଜ ଜିଲା ବେତନଟୀ ଥାନା କୃଷ୍ଣଚନ୍ଦ୍ରପୁର ଫାଣ୍ଡି ଅଧୀନ ୧୮ ନଂ. ଜାତୀୟ ରାଜପଥର ରାଗଧା ଛକ ନିକଟରେ ରବିବାର ଏକ ଯାତ୍ରୀବାହୀ ବସ୍‌ ଧକ୍କାରେ...

ଦିବ୍ୟାଙ୍ଗ ଛାତ୍ରୀଛାତ୍ରଙ୍କ ଖେଳକୁଦ ପ୍ରତିଯୋଗିତା

ବାରିପଦା ଅଫିସ,୧୬ା୧୧- ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ନିର୍ଦ୍ଦେଶମତେ ଜିଲା ପ୍ରଶାସନ ତତ୍ତ୍ୱାବଧାନରେ ଲକ୍ଷ୍ମୀପୋଷିସ୍ଥିତ ସ୍ବତନ୍ତ୍ର ଅନ୍ଧ ଓ ବଧିର ବିଦ୍ୟାଳୟର...

କୂଳ ଖାଉଛି ଦୁଇମୁହାଣୀ

କୁଆମରା,୧୧।୮(ଡି.ଏନ୍‌.ଏ.)-ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକ ଦେଇ ନାହ୍ଲୁଆ ଓ ଗଙ୍ଗାହାର ନାମରେ ଦୁଇଟି ନଦୀ ପ୍ରବାହିତ ହୋଇଛି। ଉକ୍ତ ଦୁଇ ନଦୀ ଖଡ଼ିକାପଦାଠାରେ ମିଶ୍ରଣ...

କରଞ୍ଜିଆ ଆଇଟିଡିଏ କାର୍ଯ୍ୟାଳୟରେ ଭିଜିଲାନ୍ସ ଚଢ଼ାଉ

ଠାକୁରମୁଣ୍ଡା,୭ା୧(ଡ଼ି.ଏନ୍‌.ଏ.)- ମୟୂରଭଞ୍ଜ ଜିଲା କରଞ୍ଜିଆ ସମନ୍ବିତ ଆଦିବାସୀ ଉନ୍ନୟନ ସଂସ୍ଥା(ଆଇଟିଡିଏ)ରେ ସୋମବାର ବାରିପଦା ଭିଜିଲାନ୍ସ ବିଭାଗ ଚଢାଉ କରିଛି। ଉପଖଣ୍ଡର ବିଭିନ୍ନ ସ୍ଥାନରେ ରବର ଚାଷ...

ରିଂ ରୋଡ୍‌, ଆଡ଼ିବନ୍ଧ ନିର୍ମାଣ ଲାଗି ତତ୍ପରତା

ବାରିପଦା ଅଫିସ,୨୧ା୮- ବାରିପଦା ସହରକୁ ବୁଢ଼ାବଳଙ୍ଗ ନଦୀ ବନ୍ୟା ଦାଉରୁ ରକ୍ଷା କରିବା ପାଇଁ ମୟୂରଭଞ୍ଜ ଜଳସେଚନ ବିଭାଗ ପକ୍ଷରୁ ତପତ୍ରତା ପ୍ରକାଶ ପାଇଛି। ରିଂ...

ଜମି ଚିହ୍ନଟ ପାଇଁ ଜିଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ

ବାରିପଦା ଅଫିସ, ୧୧ା୨- ମୟୂରଭଞ୍ଜ ଜିଲା ଶ୍ୟାମାଖୁଣ୍ଟା ବ୍ଲକ ଅଧୀନ ଦୁଧିଆଶୋଳ ଗ୍ରାମବାସୀ ଜମି ପଟ୍ଟା ପାଇଥିବା ବେଳେ ସେମାନଙ୍କ ଜମି ଚିହ୍ନଟ ହୋଇପାରୁ ନାହିଁ।...

ମାଈ ହାତୀ ମୃତଦେହ ଠାବ

ଉଦଳା,୧୦ା୧୨(ଡି.ଏନ୍‌.ଏ.): ମୟୂରଭଞ୍ଜ ଜିଲା ଉଦଳା ବନ ବିଭାଗ ଅଧୀନ ଶିମିଳିପାଳ ଅଭାୟରଣ୍ୟର ପର୍ଯ୍ୟଟନସ୍ଥଳୀ ଦେଇ ପ୍ରବାହିତ ଦେଓ ନଦୀ କୂଳରେ ସୋମବାର ଗୋଟିଏ ମାଈ ହାତୀର...

ସ୍ବାସ୍ଥ୍ୟକେନ୍ଦ୍ର ଆଗରେ ମାରିସା ସେନାର ଧାରଣା

ବାଙ୍ଗିରିପୋଷି,୧୪ା୧୦(ଡି.ଏନ୍‌.ଏ.)- ମୟୂରଭଞ୍ଜ ଆଦିବାସୀ ରିଭୋଲ୍ୟୁସନାରୀ ୟୁଥ ଆଣ୍ଡ ଷ୍ଟୁଡେଣ୍ଟ ଆସୋସିଏସନ (ମାରିସା ସେନା) ପକ୍ଷରୁ ସୋମବାର ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ଧାରଣା ଦିଆଯାଇଥିଲା। ସେନାର...

Advertisement
Archives

Model This Week