Advertisement

ଅଭାବ ହେଲାଣି ଆଇସିୟୁ

କଟକ ଅଫିସ,୧୦।୮: କରୋନା ସଂକ୍ରମଣରେ ଗୁରୁତର ଆକ୍ରାନ୍ତଙ୍କ ଚିକିତ୍ସା ପାଇଁ କଟକ ଜିଲାରେ ଆଉ ଇଣ୍ଟେନ୍ସିଭ୍‌ କେୟାର୍‌ ୟୁନିଟ୍‌ (ଆଇସିୟୁ) ନାହିଁ। ସବୁ ଆଇସିୟୁ ଭର୍ତ୍ତି ହୋଇଯାଇଛି। ଜିଲାରେ ଥିବା ୩୪ଟି ଆଇସିୟୁରୁ ସବୁଥିରେ ରୋଗୀଙ୍କ ଚିକିତ୍ସା ଚାଲିଛି। ସେହିଭଳି ୨୦ଟି ଭେଣ୍ଟିଲେଟର ମଧ୍ୟରୁ ୧୫ଟି ଭର୍ତ୍ତି ରହିଛି। ଅଶ୍ୱିନୀ କୋଭିଡ୍‌ ହସ୍ପିଟାଲରେ ୧୧୫ଟି ବେଡ୍‌ ଭର୍ତ୍ତି ଥିବାବେଳେ ୩୫ଟି ଖାଲି ପଡ଼ିଛି। ଆଠଗଡ଼ସ୍ଥିତ ସ୍ବତନ୍ତ୍ର ଜିମ୍‌ସାର୍‌ କୋଭିଡ୍‌ କେୟାର ସେଣ୍ଟରରେ ୧୨୪ଟି ବେଡ୍‌ ଭର୍ତ୍ତି ଥିବାବେଳେ ୨୬ଟି ଖାଲି ପଡ଼ିଛି। ଜିଲାରେ ୮ଟି କୋଭିଡ୍‌ କେୟାର ସେଣ୍ଟରରେ ୧୨୩୦ଟି ବେଡ୍‌ ରହିଛି। ସେଥିରୁ ୭୭୨ଟି ଭର୍ତ୍ତି ଓ ୪୫୮ଟି ଖାଲି ରହିଛି। ଯେଉଁ ରୋଗୀଙ୍କୁ ଆଇସିୟୁର ଆବଶ୍ୟକତା ପଡ଼ିବ, ସେମାନଙ୍କୁ ନିକଟସ୍ଥ ଜିଲାରେ ଯେଉଁଠି ଆଇସିୟୁ ଫାଙ୍କା ଥିବ, ସେଠାରେ ଚିକିତ୍ସା କରାଯିବ ବୋଲି କଟକ ଜିଲାପାଳ ଭବାନୀ ଶଙ୍କର ଚୟନୀ ସୂଚନା ଦେଇଛନ୍ତି।
ଜିଲାରେ କରୋନା ଯୋଦ୍ଧାମାନେ କ୍ରମାଗତ ଭାବେ କରୋନାର ଶିକାର ହେବାରେ ଲାଗିଛନ୍ତି। ମୋଟ ୩୦୧ ଜଣ କରୋନା ଯୋଦ୍ଧା ସଂକ୍ରମଣର ଶିକାର ହୋଇଛନ୍ତି। ସେଥିରୁ ୬୯ ଜଣ ବର୍ତ୍ତମାନ ଚିକିତ୍ସିତ ଅଛନ୍ତି। ଆକ୍ରାନ୍ତଙ୍କ ମଧ୍ୟରେ ୧୯ ଜଣ ଡାକ୍ତର, ୩୬ ଜଣ ଷ୍ଟାଫ ନର୍ସ, ୩ ଜଣ ଆଶା ଓ ଅଙ୍ଗନୱାଡ଼ି କର୍ମୀ, ୪ ଜଣ ଫାର୍ମାସିଷ୍ଟ, ୬ଜଣ ଟେକ୍ନିସିଆନ୍‌ ଓ ୧୦୪ ଜଣ ଅନ୍ୟ କର୍ମଚାରୀ ରହିଛନ୍ତି। ସେହିଭଳି ଏନ୍‌ଡିଆର୍‌ଏଫ୍‌, ଓଡ୍ରାଫ୍‌, ପୋଲିସ ଓ ଟ୍ରାଫିକ ପୋଲିସର ୧୨୯ ଜଣ କର୍ମଚାରୀ ଆକ୍ରାନ୍ତ ହୋଇଛନ୍ତି। ସ୍ବାବ୍‌ ସଂଗ୍ରହ ପାଇଁ ଗ୍ରାମାଞ୍ଚଳରେ ୧୪ ଓ ସହରରେ ୬ଟି ଟିମ୍‌ କରାଯାଇଛି। ଏସ୍‌ସିବି ମେଡିକାଲ କଲେଜ ଓ ହସ୍ପିଟାଲରେ ମୋଟ ୧୮ଟି ଜିଲାର ଏକ ଲକ୍ଷ ୨୦ ହଜାର ନମୁନା ପରୀକ୍ଷା କରାଯାଇଛି। କେବଳ ଶନିବାର ୧୯୨୫ଟି ନମୁନା ପରୀକ୍ଷା ହୋଇଛି। ଏଥିରେ ଆର୍‌ଟିପିସିଆର୍‌ ୧୪୮୮, ଟ୍ରୁନାଟ୍‌ ୨୩ ଓ ଆଣ୍ଟିଜେନ୍‌ ୪୧୪ଟି ରହିଛି। ଅଧିକରୁ ଅଧିକ ଟେଷ୍ଟିଂ ଦିଗରେ ପଦକ୍ଷେପ ନିଆଯାଉଛି। ଜିଲାରେ ୪୪ ହଜାର ୫୯୬ ଜଣଙ୍କ କରୋନା ପରୀକ୍ଷା କରାଯାଇଛି। ସେଥିରେ ଆର୍‌ଟିପିସିଆର୍‌ ୩୭,୧୦୧ ଓ ଆଣ୍ଟିଜେନ୍‌ ୭୪୯୫ଟି ରହିଛି। ଦୈନିକ ହାରାହାରି ୮ଶହ ପରୀକ୍ଷା ପାଇଁ ଲକ୍ଷ୍ୟ ରଖାଯାଇଥିବା ବେଳେ ଏବେ ୯୮୩ଟି ପରୀକ୍ଷା ହେଉଛି। ଏସ୍‌ସିବିରେ କରୋନା ତାଲିମ୍‌କୁ ଗୁରୁତ୍ୱ ଦିଆଯାଉଛି। ୨୪୯ ଡାକ୍ତର ଓ ୨୭୩ ନର୍ସଙ୍କୁ କୋଭିଡ୍‌ ଚିକିତ୍ସା ତାଲିମ୍‌ ଦିଆଯାଇଛି। ଏସ୍‌ସିବିରେ ସ୍ବତନ୍ତ୍ର ପ୍ଲାଜ୍‌ମା ବ୍ୟାଙ୍କରେ ନିୟମିତ ପ୍ଲାଜ୍‌ମା ସଂଗ୍ରହ କରାଯାଉଛି। ୬୯ଜଣଙ୍କ ପାଖରୁ ୧୩୮ଟି ପ୍ଲାଜ୍‌ମା ୟୁନିଟ୍‌ ସଂଗ୍ରହ କରାଯାଇଛି। ରାଜ୍ୟର ବିଭିନ୍ନ କୋଭିଡ୍‌ ହସ୍ପିଟାଲକୁ ୧୦୪ ୟୁନିଟ୍‌ ପଠାଯାଇଛି। କଟକ ଜିଲାରେ ସୁସ୍ଥହାର ୬୬.୦୩ ପ୍ରତିଶତ ରହିଛି। ଅଧିକ ଆକ୍ରାନ୍ତ ସୁସ୍ଥ ହେଉଛନ୍ତି। ମୃତ୍ୟୁହାର ମାତ୍ର ୦.୦୧ ପ୍ରତିଶତ ରହିଛି ବୋଲି ଜିଲାପାଳ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଯୁବକଙ୍କୁ ପିଟିପିଟି ହତ୍ୟା ଘଟଣା: ଅଭିଯୁକ୍ତ ବାପ ପୁଅ ଗିରଫ

ଭଦ୍ରକ ଅଫିସ, ୨୬।୯ – ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ରାଉତରାଗଡିଆ ପାଟଣାରେ ବିଜୟ ବେହେରା ନାମକ ଜଣେ ଯୁବକଙ୍କୁ ପିଟିପିଟି ହତ୍ୟା ଘଟଣାରେ ପୋଲିସ...

୭ରୁ ଭିତରକନିକା ମହୋତ୍ସବ: ପ୍ରସ୍ତୁତି କାର୍ଯ୍ୟର ସ୍ଥିତି ପରଖିଲେ ଜିଲାପାଳ

ଋାଜନଗର, ୫।୨ (ଡି.ଏନ୍‌.ଏ.):ଆସନ୍ତା ୭ ତାରିଖରୁ ରାଜନଗର-ଭିତରକନିକା ମୁଖ୍ୟରାସ୍ତା ପାର୍ଶ୍ୱ ନଳିତାପାଟିଆଠାରେ ପ୍ରଥମ କରି ଭିତରକନିକା ମହୋତ୍ସବ ଅନୁଷ୍ଠିତ ହେବାକୁ ଯାଉଛି। ରାଜ୍ୟ ସରକାରଙ୍କ ସଂସ୍କୃତି...

୧୫ ଡିଗ୍ରୀ ତଳେ ୮ ସହର

ଭୁବନେଶ୍ୱର,୧୫ା୧୧(ବ୍ୟୁରେ):ରାଜ୍ୟରେ ଶୀତର ପ୍ରକୋପ ସାମାନ୍ୟ ବୃଦ୍ଧି ପାଇଛି। ଗତ ଦୁଇଦିନ ହେବ ପାରଦ ତଳମୁହାଁ ହୋଇଛି। ସର୍ବନିମ୍ନ ତାପମାତ୍ରା ୧୨ ଡିଗ୍ରୀ ତଳକୁ ଖସିଛି। ରାଜ୍ୟର...

ଯୋଜନା ଅଛି, ସୁହାଉନାହିଁ

ଜଗତ୍‌ସିଂହପୁର ଅଫିସ,୧୭ା୧: କୃଷିଭିତ୍ତିକ ଉଦ୍ୟୋଗ ସ୍ଥାପନ ସାଙ୍ଗକୁ ଖାଦ୍ୟ ପ୍ରକ୍ରିୟାକରଣ ଶିଳ୍ପର ଦ୍ରୁତ ବିକାଶକୁ ଆଖି ଆଗରେ ରଖି ରାଜ୍ୟ ସରକାର ‘ମୁଖ୍ୟମନ୍ତ୍ରୀ କୃଷି ଉଦ୍ୟୋଗ...

ଗୃହ କାର୍ଯ୍ୟାଦେଶ ଆବଣ୍ଟନ ବେଳେ ଉତ୍ତେଜନା: ସରପଞ୍ଚମାନଙ୍କ ଧାରଣା

ଆନନ୍ଦପୁର,୨୯।୬(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ବ୍ଲକ ପରିସରରେ ଥିବା ରାଜୀବ ଗାନ୍ଧୀ ସେବାକେନ୍ଦ୍ର ସଭାଗୃହରେ ଶନିବାର ପୂର୍ବାହ୍ନରେ ଗ୍ରାମାଞ୍ଚଳ ଗୃହ କାର୍ଯ୍ୟାଦେଶ ଆବଣ୍ଟନ ନିମନ୍ତେ ଏକ...

‘ଝିଅ ସହ ଦେଖି ସହିପାରିଲିନି, ରଡ୍‌ ଭୁସି ମାରିଦେଲି’

ଉଦଳା, ୪।୫ (ଡି.ଏନ.ଏ.): ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକ ଜୟପୁର ଗ୍ରାମର ଛାତ୍ର ଶୁଭାଶିଷ ବାରିକଙ୍କ ହତ୍ୟା ଘଟଣାର ରହସ୍ୟ ଉନ୍ମୋଚନ କରିଛି ପୋଲିସ।...

ମୋ ସରକାର ଯୋଜନା ରୂପାୟନ ପରଖିଲେ ଏସ୍‌ପି

ବଲାଙ୍ଗୀର ଅଫିସ, ୨୭ା୧୦ – ରାଜ୍ୟ ସରକାର ମୋ ସରକାର ଯୋଜନା ଲାଗୁ କଲାପରେ ବଲାଙ୍ଗୀର ଜିଲାରେ ଏହି ଯୋଜନା କିଭଳି ରୂପାୟନ ହେଉଛି ଅଭିଯୋଗକାରୀଙ୍କ...

ବିନା ହେଲ୍‌ମେଟ୍‌ରେ ବାଇକ୍‌ ରାଲି ଘଟଣା: ନୋଟିସ ପୂର୍ବରୁ ଦେଲେ ଜରିମାନା ୪୦ ବିଜେଡି କର୍ମୀ

ଭୁବନେଶ୍ୱର, ୭।୧(ବ୍ୟୁରୋ):ବିନା ହେଲ୍‌ମେଟ୍‌ରେ ରାଜଧାନୀରେ ବାଇକ୍‌ ରାଲି କରିଥିବା ଆଉ ୪୦ଜଣ ବିଜେଡି କର୍ମୀ ଜରିମାନା ଦେଇଛନ୍ତି। ସୋମବାର ଭୁବନେଶ୍ୱର-ମଧ୍ୟ ବିଧାୟକ ଅନନ୍ତ ନାରାୟଣ ଜେନାଙ୍କ...

Advertisement
Archives

Model This Week