ନୂଆଦିଲ୍ଲୀ,୨୦।୩: ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ଦିନିକିଆ ସିରିଜ ପାଇଁ ଭାରତୀୟ ଦଳ ଘୋଷଣା ହୋଇଛି। ଏଥିରେ କିଛି ନୂଆ ମୁହଁକୁ ଦେଖିବାକୁ ମିଳିଛି। ପ୍ରଥମ ଥର ପାଇଁ ଦିନିକିଆ ଦଳରେ ସାମିଲ ହୋଇଥିବାରୁ କ୍ରୁଣାଳ ପାଣ୍ଡ୍ୟା ଏବଂ ପ୍ରସିଦ୍ଧ କ୍ରିଷ୍ଣା, ସୂର୍ଯ୍ୟକୁମାର ଯାଦବ ବେଶ୍ ଖୁସି ଅନୁଭବ କରିଛନ୍ତି। ଏନେଇ ଜଣାପଡ଼ିବା ପରେ ପ୍ରସିଦ୍ଧ ଏବଂ କ୍ରୁଣାଳ ଟୁଇଟ୍ କରି ନିଜ ପ୍ରତିକ୍ରିୟା ରଖିଛନ୍ତି।
୨୩ରୁ ୨୮ ମାର୍ଚ୍ଚ ଯାଏ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ପୁଣେସ୍ଥିତ ମହାରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମରେ ଖେଳାଯିବ। ଏହା ପୂର୍ବରୁ ନିଜର ଆନନ୍ଦକୁ ନେଇ କ୍ରୁଣାଳ ଲେଖିଛନ୍ତି, ବହୁତ ସମ୍ମାନିତ ଅନୁଭବ କରୁଛି। ପୁଣିଥରେ ଦେଶର ପ୍ରତିନିଧିତ୍ୱ କରିବାର ସୁଯୋଗ ମିଳିଥିବାରୁ ଧନ୍ୟବାଦ ଜଣାଉଛି। ସେହିଭଳି ପ୍ରସିଦ୍ଧ ଲେଖିଛନ୍ତି, ଯେତେବେଳେ ଆପଣ ଦେଶ ପାଇଁ ଖେଳିବାର ସୁଯୋଗ ପ୍ରଥମ ଥର ପାଇଥାନ୍ତି, ସ୍ବପ୍ନ ଭଳି ଲାଗେ। ଏହା ଏକ ସ୍ବପ୍ନ ସତ ହେବା ଭଳି। ନିଜ ଭୂମିକା ନିର୍ବାହ କରିବା ଏବଂ ଦଳର ସଫଳତାରେ ଯୋଗଦାନ ଦେବା ପାଇଁ ଉତ୍ସାହିତ ଅଛି। ବିସିସିଆଇକୁ ଧନ୍ୟବାଦ। ଖେଳିବା ପାଇଁ ଅପେକ୍ଷା କରି ହେଉନାହିଁ ବୋଲି ସେ କହିଛନ୍ତି।
