ମୁମ୍ବାଇ: ବଲିଉଡ୍ ଅଭିନେତ୍ରୀ କ୍ରିତି ସାନନ ନିକଟରେ ନାସିକର ପଞ୍ଚବଟୀର ସୀତା ଗୁମ୍ଫା ମନ୍ଦିରରେ ପହଞ୍ଚି ସୀତାଙ୍କ ଆଶୀର୍ବାଦ ନେଇଛନ୍ତି। ସେଠାରେ ସେ ସୀତା ମାତାଙ୍କୁ ଆଳତି କରିଥିଲେ। ସିଙ୍ଗର ସଚେତ୍-ପରମ୍ପରାଙ୍କ ରାମ ସିୟା ରାମ ଉଚ୍ଚାରଣ କରିବା ସମୟରେ କ୍ରିତିଙ୍କୁ ଭକ୍ତିରେ ମଗ୍ନଥିବା ଦେଖିବାକୁ ମିଳିଥିଲା। ପରେ ସେ କାଲାରାମ ମନ୍ଦିର ପରିଦର୍ଶନ କରି ସେଠାରେ ଭଜନ ଓ ଆଳତି କରିଥିଲେ। ନିକଟରେ ଫିଲ୍ମ ‘ଆଦିପୁରୁଷ’ର ଶୁଟିଂ ସରିଥିବାବେଳେ ସେ ସୀତା ଗୁମ୍ଫା ମନ୍ଦିରକୁ ଦର୍ଶନ ପାଇଁ ଆସିଥିଲେ। ତେବେ ଜୁନ୍ ୬ରେ ଏହି ଚଳଚ୍ଚିତ୍ର ରିଲିଜ୍ ହେବାକୁ ଯାଉଛି। ସେଥିରେ କ୍ରିତି ସୀତାଙ୍କ ଭୂମିକାରେ ନଜରକୁ ଆସିଛନ୍ତି। ଅଭିନେତା ପ୍ରଭାସ ରାମଙ୍କ ଚରିତ୍ରରେ ନଜର ଆସିଥିବାବେଳେ ଶୈଫ ଅଲ୍ଲି ଖାନ୍ଙ୍କୁ ରାବଣ ଭୂମିକାରେ ଦେଖିବାକୁ ମିଳିଛି। ପୂର୍ବରୁ ବିବାଦରେ ଛନ୍ଦି ହୋଇଥିବା ଏହି ଫିଲ୍ମର ଟ୍ରାକ୍ ମେ’ ୨୯ରେ ରିଲିଜ୍ ହୋଇଛି। ତେବେ କ୍ରିତିଙ୍କ ତାଙ୍କ ବଲିଉଡ୍ କ୍ୟାରିୟର ୨୦୧୪ରୁ ଆରମ୍ଭ କରିଥିବାବେଳେ ଶେଷ ଥର ପାଇଁ ତାଙ୍କୁ ମୁଭି ‘ଶେହଜାଦା’ରେ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ସହ ଦେଖିବାକୁ ମିଳିଥିଲା। ଏଥିସହ ତାଙ୍କ ହାତରେ ଏବେ ଆଉ ୩ଟି ଫିଲ୍ମ ରହିଛି। ସେଥିପାଇଁ ଶୁଟିଂ ଜାରି ରହିଛି।
