ଆବୁଧାବି,୭।୧୦: ବୁଧବାର ଖେଳାଯାଇଥିବା ଆଇପିଏଲର ଏକ ମ୍ୟାଚରେ ରୋମାଞ୍ଚକର ମ୍ୟାଚରେ ସନରାଇଜର୍ସ ହାଇଦ୍ରାବାଦ ଦଳ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ୪ ରନରେ ପରାସ୍ତ କରିଛି। ପରେ ବିରାଟ କୋହଲି ନିଜ ଦଳର ବୋଲରଙ୍କ ଉପରେ ରାଗିଥିବାର ନଜର ଆସିଛନ୍ତି। ମ୍ୟାଚର ଗୁରୁତ୍ୱପୂର୍ଣ୍ଣ ମୁହୂର୍ତ୍ତରେ ବିରାଟ କୋହଲି ମହମ୍ମଦ ସିରାଜଙ୍କ ଉପରେ ଏତେ ରାଗିଯାଇଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ହାଇଦ୍ରାବାଦର ବ୍ୟାଟିଂର ଦ୍ୱିତୀୟ ଓଭରରେ ଏହି ଘଟଣା ଘଟିଥିଲା। ହାଇଦ୍ରାବାଦ ବ୍ୟାଟ୍ସମ୍ୟାନ ଅଭିଷେକ ଶର୍ମା ଏକ ବଡ ସଟ୍ ଖେଳିବାକୁ ଚେଷ୍ଟା କରିଥିଲେ। ବାଉଣ୍ଡ୍ରି ପାଖରେ ଥିବା ମହମ୍ମଦ ସିରାଜ ବଲ୍ କ୍ୟାଚ୍ ଧରିବାକୁ ଚେଷ୍ଟା କରିଥିଲେ ସୁଦ୍ଧା ଏଥିରେ ବିଫଳ ହୋଇଥିଲେ। କୋହଲି କିନ୍ତୁ ନିଶ୍ଚିତ ଥିଲେ ଯେ, ସିରାଜ କ୍ୟାଚ ନେବେ, କିନ୍ତୁ ସେ କ୍ୟାଚ ଛାଡିବା ମାତ୍ରେ କୋହଲି ରାଗିଯାଇଥିଲେ। ଅଙ୍ଗଭଙ୍ଗୀରେ ସେ ତାଙ୍କ ଅଡକୁ ଚାହିଁ କିଛି କହୁଥିବାର ଦେଖଯାଇଥିଲା।
ଏହି ମ୍ୟାଚ୍ ଉଭୟ ଦଳ ପାଇଁ ସେତେଟା ଗୁରୁତ୍ୱ ବହନ କରୁ ନ ଥିଲା। କାରଣ ଆରସିବି ପୂର୍ବରୁ ପ୍ଲେ ଅଫ୍କୁ ଉନ୍ନୀତ ହୋଇଥିବାବେଳେ ହାଇଦ୍ରାବାଦ୍ ପ୍ଲେ ଅଫ୍ରୁ ବାଦ୍ ପଡିଛି।
— No caption needed (@jabjabavas) October 6, 2021
