ଓଭାଲ୍,୭।୯:ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ଇଂଲଣ୍ଡକୁ ୧୫୭ ରନ୍ରେ ପରାସ୍ତ କରି ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍କୁ ୨-୧ରେ ଆଗୁଆ ରହିଛି। ଏହି ବିଜୟ ଅଧିନାୟକ ବିରାଟ କୋହଲି ସେଲିବ୍ରେସନ କରୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଫଟୋରେ କୋହଲି ହାତରେ ବୀଣା ବଜାଉଥିବା ଭଳି ସେଲିବ୍ରେସନ କରୁଥିବା ଦେଖାଯାଇଛି। ପ୍ରଥମଥର ପାଇଁ ତାଙ୍କୁ ଏଭଳି ଖୁସି ମନାଉଥିବା ଦେଖାଯାଇଛି। ଏହି ମ୍ୟାଚରେ ଭାରତର ପ୍ରଥମ ଇନିଂସ ୧୯୧ ରନରେ ଅଲଆଉଟ୍ ହୋଇଯାଇଥିଲା, ଏହା ପରେ ଇଂଲଣ୍ଡ ୨୯୦ ରନ ସଂଗ୍ରହ କରି ୯୯ ରନ ଅଗ୍ରଣୀ ହାସଲ କରିଥିଲା। ଏହା ପରେ ରୋହିତ ଶର୍ମାଙ୍କ ଶତକ ସମେତ ବ୍ୟାଟ୍ସମ୍ୟାନଙ୍କ ଚମତ୍କାର ପ୍ରଦର୍ଶନ ଆଧାରରେ ଭାରତ ଦ୍ୱିତୀୟ ଇନିଂସରେ ୪୬୬ ରନ ସ୍କୋର କରିଥିଲା ଏବଂ ଜିତିବା ପାଇଁ ଇଂଲଣ୍ଡକୁ ୩୬୮ ରନର ଟାର୍ଗେଟ ଦେଇଥିଲା। ମ୍ୟାଚ୍ର ଅନ୍ତିମ ଦିନରେ ଇଂଲଣ୍ଡର ଦ୍ୱିତୀୟ ଇନିଂସ ୨୧୦ ରନ୍ରେ ଅଲଆଉଟ୍ ହୋଇଯାଇଥିଲା ଏବଂ ଭାରତ ଏକ ସ୍ମରଣୀୟ ବିଜୟ ହାସଲ କରିଥିଲା।
