ନୂଆଦିଲ୍ଲୀ,୨୬।୨: ବିଗତ କିଛି ବର୍ଷରେ ନିଜ ଖେଳ ଜରିଆରେ ସ୍ବତନ୍ତ୍ର ସ୍ଥାନ ସୃଷ୍ଟି କରିବାରେ ସଫଳ ହୋଇଛନ୍ତି ସୁପରଷ୍ଟାର ଉଇକେଟ କିପର ବ୍ୟାଟ୍ସମ୍ୟାନ୍ ଇଶାନ କିଶନ। ସେ ନିଜର ଆକ୍ରାମଣାତ୍ମକ ବ୍ୟାଟିଂକୁ ନେଇ ଜଣାଶୁଣା। ପ୍ରେମ ଜୀବନ ଦେଖିଲେ ଇଶାନଙ୍କ ଗର୍ଲଫ୍ରେଣ୍ଡ ଅଦିତି ହୁଣ୍ଡିଆ ଜଣେ ମଡେଲ। ଫ୍ୟାଶନ ତଥା ଗ୍ଲାମରଜଗତର ସେ ଲୋକପ୍ରିୟ ଚେହେରା। ସେ ସୋସିଆଲ ମିଡିଆରେ ମଧ୍ୟ ବେଶ ସକ୍ରିୟ। ନିକଟରେ ପୋଲାଣ୍ଡରେ ଆୟୋଜିତ ମିସ୍ ସୁପରନ୍ୟାଶନାଲ ପ୍ରତିଯୋଗିତାରେ ଭାରତକୁ ରିପ୍ରେଜେଣ୍ଟ କରିଥିଲେ ଅଦିତି। ୨୦୧୬ରେ ଏଲିଟ୍ ମିସ୍ ରାଜସ୍ଥାନର ସେ ରନର୍ସ ଅପ୍ ଥିଲେ। ପରେ ୨୦୧୭ରେ ଫେମିନା ମିସ୍ ଇଣ୍ଡିଆରେ ସେ ଫାଇନାଲିଷ୍ଟ ଥିଲେ। ଏପରିକି ୨୦୧୮ରେ ମିସ୍ ସୁପରନ୍ୟାଶନାଲ ଇଣ୍ଡିଆକୁ ସେ ଜିତିଛନ୍ତି ମଧ୍ୟ। ମୋଟାମୋଟି ଭାବେ ଦେଖିବାକୁ ଗଲେ ମଡେଲିଂରେ ସେ ନିଜର କ୍ୟାରିୟର କରିବାକୁ ବେଶ ଆଗ୍ରହୀ। ଯାହା ତାଙ୍କର ସୋସିଆଲ ମିଡିଆ ପୋଷ୍ଟରୁ ବାରି ହୋଇପଡେ। ପ୍ରଶଂସକଙ୍କ ସହ ସମସ୍ତ ଅପ୍ଡେଟ୍ ସେ ଶେୟାର କରୁଥିବା ବେଳେ ଫଟୋଗୁଡ଼ିକୁ ବେଶ ପସନ୍ଦ କରିଥାନ୍ତି ଅନେକ। ତେବେ ଇଶାନଙ୍କ ସହ ତାଙ୍କ ସମ୍ପର୍କ କାହାକୁ ଅଛପା ନ ଥିଲେ ହେଁ ଏଯାବତ ଉଭୟ ଏହାକୁ ଆଧିକାରିକ ଭାବେ ମାନି ନାହାନ୍ତି।
