ମୁମ୍ବାଇ: ବଲିଉଡ ଅଭିନେତା ସଲମାନ ଖାନଙ୍କ ଅପକମିଙ୍ଗ ଫିଲ୍ମ ‘କିସି କା ଭାଇ କିସି କି ଜାନ’ ଇଦ୍ ଅବସରରରେ ମୁକ୍ତିଲାଭ କରିବ। ଏହି ସମୟରେ ଆଉ ଏକ ଖବର ସାମ୍ନାକୁ ଆସିଛି ଯେ, ସେ ଆସନ୍ତା ବର୍ଷର ଇଦ୍ ପାଇଁ ପ୍ରସ୍ତୁତି ଆରମ୍ଭ କରିସାରିଛନ୍ତି। ଖବର ଅନୁଯାୟୀ ସଲମାନ ଖାନ ସ୍କ୍ରିପ୍ଟ ଖୋଜୁଛନ୍ତି।
ଏକ ରିପୋର୍ଟ ଅନୁଯାୟୀ, ଆଜିକାଲି ସଲମାନ ଖାନ ନିର୍ଦ୍ଦେଶକ କରଣ ଜୋହରଙ୍କ ସହ ଏକ ବଡ ବଜେଟ ଫିଲ୍ମ ପାଇଁ ଆଲୋଚନା କରୁଛନ୍ତି। କୁହାଯାଉଛ, ଉଭୟ ଏକ ବଡ ବଜେଟ ଚଳଚ୍ଚିତ୍ର ପାଇଁ ପ୍ରସ୍ତୁତ ହେଉଛନ୍ତି, ଯାହାର ସବିଶେଷ ତଥ୍ୟ ଏ ପର୍ଯ୍ୟନ୍ତ ଆସିନାହିଁ। ଯଦି ସବୁକିଛି ଠିକ ହୋଇଯାଏ ଏବଂ ଉଭୟଙ୍କ ମଧ୍ୟରେ ଏକ ଚୁକ୍ତି ହୁଏ, ତେବେ ପ୍ରାୟ ୨୫ ବର୍ଷ ପରେ କରଣ ଜୋହର ଏବଂ ସଲମାନ ପରସ୍ପର ସହିତ କାମ କରିବେ। କହି ରଖୁଛୁ, ସଲମାନ ଖାନ ଏବଂ କରଣ ଜୋହର ୧୯୯୮ ଚଳଚ୍ଚିତ୍ର ‘କୁଛ କୁଛ ହୋତା ହୈ’ରେ ଏକାଠି କାମ କରିଥିଲେ।
