ରାଜା ଅବଦୁଲାଙ୍କୁ ହତ୍ୟା ଯୋଜନା କରିଥିଲେ କ୍ରାଉନ୍‌ ପ୍ରିନ୍ସ

ରିୟାଧ, ୨୬।୧୦: ସାଉଦି କ୍ରାଉନ ପ୍ରିନ୍ସ ମହମ୍ମଦ ବିନ୍‌ ସଲମାନ(ଏମ୍‌ବିଏସ୍‌) ୨୦୧୪ରେ ତତ୍କାଳୀନ ରାଜା ଅବଦୁଲ୍ଲାଙ୍କୁ ହତ୍ୟା କରିବାକୁ ଯୋଜନା କରିଥିଲେ। ଏକ ବିଷଯୁକ୍ତ ରିଙ୍ଗ୍‌ ସହାୟତାରେ ମାରିବା ପାଇଁ ଏମ୍‌ବିଏସ୍‌ କଥା ହେଉଥିଲେ। ଏହି ଯୋଜନା ସମ୍ପର୍କରେ ସାଉଦି ଆରବର ପୂର୍ବତନ ଗୋଇନ୍ଦା ଅଧିକାରୀ ସାଦ୍‌ ଅଲଜାବ୍ରି ଜାଣିଦେବାରୁ ତାଙ୍କୁ ମଧ୍ୟ ମାରିଦେବାକୁ କ୍ରାଉନ୍‌ ପ୍ରିନ୍ସ ଚାହିଁଥିଲେ ବୋଲି ଆମେରିକାର ସିବିଏସ୍‌ ଟେଲିଭିଜନ ଚ୍ୟାନେଲକୁ ଏକ ସାକ୍ଷାତ୍‌କାର ଦେଇ ସେ କହିଛନ୍ତି।
ରବିବାର ପ୍ରସାରିତ ହୋଇଥିବା ୬୦ ମିନିଟ୍‌ର ଏକ ଭିଡିଓରେ ସାଦ୍‌ କହିଛନ୍ତି, ରାଜାଙ୍କ ଉତ୍ତରାଧିକାରୀ ତଥା ୪ ବର୍ଷ ପୂର୍ବରୁ ଶାସନ କ୍ଷମତା ପ୍ରୟୋଗ କରି ଆସୁଥିବା ଏମ୍‌ବିଏସ୍‌ ଏକଦା କହିଥିଲେ, ସେ ରୁଷିଆରୁ ଏକ ବିଷ ମୁଦି ଆଣିଛନ୍ତି। ଉକ୍ତ ମୁଦି ପିନ୍ଧାଇଦେଲେ ରାଜା ଅବଦୁଲ୍ଲାଙ୍କ ମୃତ୍ୟୁ ହୋଇଯିବ। ୨୦୧୮ରେ ସ୍ତମ୍ଭକାର ଜମାଲ ଖାଶୋଗୀଙ୍କୁ ଏମ୍‌ବିଏସ୍‌ ଯୋଜନାବଦ୍ଧ ଭାବେ ହତ୍ୟା କରିବାର କିଛି ସପ୍ତାହ ପରେ ସାଦ୍‌ଙ୍କୁ ମାରିଦେବାକୁ ଚାହିଁଥିଲେ ବୋଲି ସେ କହିଛନ୍ତି। ଅନ୍ୟପକ୍ଷରେ ସାଦ୍‌ ଦୁର୍ନୀତିଗ୍ରସ୍ତ ପୂର୍ବତନ ଅଧିକାରୀ। ତାଙ୍କ ବିରୋଧରେ ଗୁରୁତର ଦୁର୍ନୀତି ଅଭିଯୋଗ ରହିଥିବାରୁ ଏହାକୁ ଲୁଚାଇବା ପାଇଁ ସେ ବିଭିନ୍ନ ସମୟରେ ଏଭଳି ମନଗଢ଼ା ଅଭିଯୋଗ କରିଥାନ୍ତି ବୋଲି ସାଉଦି ସରକାର ସିବିଏସ୍‌କୁ କହିଛନ୍ତି। ତେବେ ସାଉଦି ସରକାରଙ୍କ ଅନ୍ତର୍ଜାତୀୟ ଯୋଗାଯୋଗ କେନ୍ଦ୍ରକୁ ଏ ସମ୍ପର୍କରେ ଜାଣିବା ପାଇଁ ଇ-ମେଲ୍‌ କରାଯାଇଥିଲେ ମଧ୍ୟ କୌଣସି ଉତ୍ତର ମିଳିନାହିଁ।
୨୦୧୫ରେ ରାଜା ଅବଦୁଲାଙ୍କ ମୃତ୍ୟୁ ପରେ ଏମ୍‌ବିଏସ୍‌ଙ୍କ ବାପା ସଲମାନ ବିନ୍‌ ଅବଦୁଲାଜିଜ୍‌ ଶାସନ କ୍ଷମତା ହାସଲ କରିଥିଲେ। ପୂର୍ବତନ କ୍ରାଉନ୍‌ ପ୍ରିନ୍ସ ତଥା ସାଉଦିର ଆଭ୍ୟନ୍ତରୀଣ ମନ୍ତ୍ରୀ ପ୍ରିନ୍ସ ମହମ୍ମଦ ବିନ୍‌ ନାୟେଫଙ୍କର ଅତି ଘନିଷ୍ଠ ଥିଲେ ସାଦ୍‌। ନାୟେଫ୍‌ ବର୍ତ୍ତମାନର କ୍ରାଉନ୍‌ ପ୍ରିନ୍ସ ଏମ୍‌ବିଏସ୍‌ଙ୍କର ସମ୍ପର୍କୀୟ ଭାଇ ଓ ପ୍ରତିଦ୍ୱନ୍ଦ୍ୱୀ ଥିଲେ। ଏମ୍‌ବିଏସ୍‌ କ୍ଷମତା ହାସଲ କରିବା ପରେ ସାଦ୍‌ କାନାଡ଼ା ଚାଲିଯାଇ ନିର୍ବାସନରେ ରହିଥିଲେ। ତାଙ୍କୁ ଖୋଜି ବାହାର କରିବା ସହ ହତ୍ୟା କରିବା ଲାଗି ଏମ୍‌ବିଏସ୍‌ ଗୋଟିଏ ଟିମ୍‌ ପଠାଇଥିବା ନେଇ ସାଦ୍‌ ୨୦୨୦ରେ ଓ୍ବାଶିଂଟନରେ ଏକ ମାମଲା ଦାଏର କରିଥିଲେ।


Enter your email to get our daily news in your inbox.

All Right Reserved By Dharitri.Com

ଯୁବତୀଙ୍କ ପରି ଡ୍ରେସ୍‌ ପିନ୍ଧି ଟ୍ରୋଲ୍‌ ହେଲେ ବାଇଡେନଙ୍କ ସ୍ତ୍ରୀ

ଓ୍ବାଶିଂଟନ,୯।୪: ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସ୍ତ୍ରୀ ଏବେ ଚର୍ଚ୍ଚାରେ ରହିଛନ୍ତି। ୬୯ ବର୍ଷୀୟା ଜିଲ୍‌ ବାଇଡେନ ଫିଟ୍‌ନେସ ଟାଇଟ୍‌ସ, ବ୍ଲାକ୍‌ ହିଲ୍‌ ବୁଟ୍‌ସ ଏବଂ...

ପାକିସ୍ତାନ ଉପରେ ଆଉ ଏକ ସଙ୍କଟ, ଚାଇନା ମାଗିଲାଣି ୫୫.୬ ମିଲିୟନ ଆମେରିକୀୟ ଡଲାର ବାକି ଋଣ

ଇସଲାମାବାଦ,୨ ।୪: ପାକିସ୍ତାନ ଉପରେ ଗୋଟିଏ ପରେ ଗୋଟିଏ ସଙ୍କଟ ଯେମିତି ମାଡି ଆସୁଛି । ଏବେ ‘ଲାହୋର ଅରେଞ୍ଜ ଲାଇନ ପରିଯୋଜନା’ ସମ୍ବନ୍ଧିତ ୫୫.୬...

୭୫ ବର୍ଷ ବୟସରେ ଡ୍ରାଇଭିଂ ଲାଇସେନ୍ସ କଲେ ମହିଳା

ଅ.େଷ୍ଟ୍ରଲିଆର ପିଲବରା ଅଞ୍ଚଳରେ ଥିବା ହେଡଲ୍ୟାଣ୍ଡରେ ରହନ୍ତି ବିନ୍ନି ଶୌମ୍ପି। ବୟସ ୭୫ ବର୍ଷ। ଏହି ବୟସରେ ସେ ଏବେ ଡ୍ରାଇଭିଂ ଲାଇସେନ୍ସ କରି ଆସିଛନ୍ତି...

ରାବଣ ପୃଥିବୀର ପ୍ରଥମ ବିମାନ ପାଇଲଟ: ଦାବି କଲେ ଶ୍ରୀଲଙ୍କା ସରକାର

କଲମ୍ବୋ, ୨୧।୭: ପୃଥିବୀରେ କିଏ ପ୍ରଥମେ ବିମାନ ଉଡ଼ାଇଥିଲେ। ଏଭଳି ପ୍ରଶ୍ନ ନେଇ ଶ୍ରୀଲଙ୍କା ସରକାର ଏକ ଅଜବ ଉତ୍ତର ଦେଇଛନ୍ତି। ଶ୍ରୀଲଙ୍କା ସରକାର କହିଛନ୍ତି...

ଖେଳୁଛନ୍ତି ପୁଟିନ୍‌, ବାଇଡେନ୍‌ ସତର୍କ

କ୍ୱିଭ୍‌/ମସ୍କୋ/ଓ୍ବାଶିଂଟନ,୧୭ା୨: ୨୦୧୪ରେ କ୍ରିମିଆ ଦଖଲ କରି ରୁଷିଆରୁ ୟୁରୋପୀୟ ଶକ୍ତିଙ୍କୁ ବିତାଡ଼ିତ କରିବା ଥିଲା ବିଶ୍ୱକୁ ଷ୍ଟ୍ରଙ୍ଗ୍‌ମ୍ୟାନ୍‌ ଭ୍ଲାଡିମିର ପୁଟିନ୍‌ଙ୍କ ପ୍ରଥମ ସନ୍ଦେଶ। ଏବେ ପଡ଼ୋଶୀ...

ଥରେ କି ଦୁଇଥର ନୁହେଁ, ୧୦ ଥର ଆସିଲା ନେଗେଟିଭ୍‌ ରିପୋର୍ଟ; ତଥାପି କରୋନାରେ ଚାଲିଗଲା ଜୀବନ

ଲଣ୍ଡନ,୭।୫: କରୋନା ଭ୍ୟାକ୍ସିନ ଆସିବା ପରେ ଏହି ମହାମାରୀ ସହିତ ଜଡ଼ିତ କିଛି ଜଟିଳ ସମସ୍ୟା ସାମ୍ନାକୁ ଆସୁଛି। ଏମିତି ଏକ ମାମଲା ବ୍ରିଟେନରୁ ଆସିଛି।...

ରୁଷିଆର କରୋନା ଭ୍ୟାକ୍ସିନକୁ ନେଇ ଉଠୁଛି ପ୍ରଶ୍ନ: ଦେଖାଯାଉଛି ୧୪୪ ପ୍ରକାରର ପାର୍ଶ୍ୱ ପ୍ରତିକ୍ରିୟା!

ମସ୍କୋ,୧୩।୮: ରୁଷିଆ ପ୍ରଥମ କରି କରୋନା ମହାମାରୀର ଭ୍ୟାକ୍ସିନ ବା ଟିକା ପ୍ରସ୍ତୁତ କରିଥିବା ଦାବି କରିଛି ସତ। ଏମିତିକି କିଛି ଦେଶ ମଧ୍ୟ ଏହାକୁ...

ପାକିସ୍ତାନ ସେନା ବିମାନ ଦୁର୍ଘଟଣା: ୨ ଅଧିକାରୀ ନିହତ

ଲାହୋର,୭।୧: ପାକିସ୍ତାନ ବାୟୁ ସେନାର ଏକ ବିମାନ ମଙ୍ଗଳବାର ମେନଓ୍ବାଲିଠାରେ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୨ ସେନା ଅଧିକାରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ମୃତକ...

Advertisement
Archives

Model This Week