ମୁମ୍ବାଇ: ବଲିଉଡ ଅଭିନେତ୍ରୀ କିଆରା ଆଡଭାନୀ ତାଙ୍କ ଚଳଚ୍ଚିତ୍ର ‘ସତ୍ୟପ୍ରେମ କି କଥା’ ପାଇଁ ଆଜିକାଲି ହେଡଲାଇନରେ ଅଛନ୍ତି। ଏହି ଚଳଚ୍ଚିତ୍ରରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଉଛି। କିଆରା ଚଳିତ ବର୍ଷ ସିଦ୍ଧାର୍ଥ ମାଲହୋତ୍ରାଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସେ ତାଙ୍କର ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ବହୁତ ଭଲ ଭାବରେ ମ୍ୟାନେଜ୍ କରୁଛନ୍ତି। କିଆରା ମଧ୍ୟ ତାଙ୍କ ଶାଶୁଙ୍କ ସହିତ ବହୁତ ସମୟ ବିତାଉଥିବା ନଜର ଆସନ୍ତି। କିଆରାର ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ସେ ରାମ୍ପ ଓ୍ବାକ୍ ସମୟରେ ତାଙ୍କ ଶାଶୁଙ୍କୁ ଫାଇଙ୍ଗ୍ କିସ୍ ହେଉଛନ୍ତି। କିଆରା ଏବଂ ତାଙ୍କ ଶାଶୁଙ୍କ ଏହି ଭିଡିଓକୁ ପ୍ରଶଂସକମାନେ ବେଶ୍ ପସନ୍ଦ କରୁଛନ୍ତି।
ମଙ୍ଗଳବାର ଇଣ୍ଡିଆ କାଉଚର୍ ଓ୍ବିକ୍ ଡିଜାଇନର୍ ଫାଲଗୁନି ଏବଂ ଶେନ ପିକକ୍ ପାଇଁ କିଆରା ଆଡଭାନୀ ରାମ୍ପ ଓ୍ବାକ୍ କରିଥିଲେ। କିଆରା ଗୋଲାପୀ ରଙ୍ଗର ଏକ ଥାଇ ହାଇ ସ୍ଲିଟ ଲେହେଙ୍ଗା ପିନ୍ଧିଥିଲେ। ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଥିଲେ। କିଆରା ରାମ୍ପ ଓ୍ବାକ୍ର ଭିଡିଓ ଭାଇରାଲ ହେବାରେ ଲାଗିଛି। ରାମ୍ପ ଓ୍ବାକ୍ ସମୟରେ ପାର୍ଶ୍ୱରେ ବସିଥିବା ଶାଶୁଙ୍କୁ ଏକ ଫ୍ଲାଇଙ୍ଗ୍ କିସ୍ କରୁଥିବା ନଜର ଆସିଛନ୍ତି। ଏହା ପରେ ତାଙ୍କ ଶାଶୁ ମଧ୍ୟ ତାଙ୍କୁ କିସ୍ ଦେଇଥିଲେ। ଶାଶୁ ଏବଂ ବୋହୂଙ୍କର ଏଭଳି ସମ୍ପର୍କକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି।
