ଖମାର,୨୬।୧(ଡି.ଏନ୍.ଏ.): ଦେବଗଡ଼ ବନଖଣ୍ଡ ଖମାର ବନାଞ୍ଚଳ ରେଞ୍ଜର ଚନ୍ଦ୍ର ଶେଖର ଗଡ଼ନାୟକଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି। କାର୍ଯ୍ୟରେ ଅବହେଳା, ବିଭିନ୍ନ ଅନିୟମିତତା ଏବଂ ସହ କର୍ମଚାରୀଙ୍କୁ ଦୁର୍ବ୍ୟବହାର ପାଇଁ ତାଙ୍କୁ ଦେବଗଡ଼ ପ୍ରଧାନ ବନ ସଂରକ୍ଷକ ନିଲମ୍ବନ କରିଛନ୍ତି।
ମିଳିଥିବା ସୂଚନା ଅନୁଯାୟୀ, ଗ ୧୬ ତାରିଖରେ ସହକର୍ମଚାରୀ ତଥା ପାରା ଫରେଷ୍ଟ କର୍ମଚାରୀ ସୁଶାନ୍ତ କୁମାର ବେହେରାଙ୍କୁ କାର୍ଯ୍ୟରତ ଥିବାବେଳେ ରେଞ୍ଜର ମାଡ଼ ମାରିବା ସହ ଦୁର୍ବ୍ୟହାର କରିବା ଘଟଣା ରେ ଖମାର ଥାନାରେ ଲିଖିତ ଅଭିଯୋଗ ହୋଇଥିଲା। ଏଥି ସହିତ ବନ ବିଭାଗର ଏକ ଟିମ୍ ଆସି ବିଭାଗୀୟ ତଦନ୍ତ ମଧ୍ୟ ଚଳାଇଥଲା। ତଦନ୍ତ ପରେ ରେଞ୍ଜ ଅଧିକାରୀଙ୍କୁ ନିଲମ୍ବନ କରାଯାଇଛି। ଅନ୍ୟପଟେ ମୋର କାର୍ଯ୍ୟ ଦେଖି ହିଂସାରେ ମୋ ବିରୋଧରେ ଷଡଯନ୍ତ୍ର ହୋଇଥିବା ବନାଞ୍ଚଳ ଅଧିକରୀ ଗଡ଼ନାୟକ ପ୍ରକାଶ କରିଛନ୍ତି।
