ମୁମ୍ବାଇ,୨୯ା୧୦: ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମୁଖ୍ୟ ଷଡ଼ଯନ୍ତ୍ରକାରୀ ଓ ଯୋଜନା ପ୍ରସ୍ତୁତକାରୀଙ୍କୁ ଦଣ୍ଡ ଦିଆ ନ ଯାଇ ସୁରକ୍ଷା ଯୋଗାଇ ଦିଆଯାଉଛି। ଏହା ସାମୂହିକ ବିଶ୍ୱସନୀୟତାକୁ ଦୁର୍ବଳ କରୁଥିବା ବହିର୍ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ଶୁକ୍ରବାର କହିଛନ୍ତି। ଯେତେବେଳେ କେତେଜଣ ଆତଙ୍କବାଦୀଙ୍କୁ ବହିଷ୍କାର ପାଇଁ ପ୍ରସ୍ତାବ ଦିଆଯାଉଛି ଜାତିସଂଘ ସୁରକ୍ଷା ପରିଷଦ (ୟୁଏନ୍ଏସ୍ସି), ଦୁଃଖର କଥା ଯେ ରାଜନୈତିକ ବାଧ୍ୟବାଧକତାରୁ ଏହା କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ଅସମର୍ଥ ହେଉଛି। ଆତଙ୍କବାଦୀଙ୍କ ପାଇଁ ଉଦ୍ଦିଷ୍ଟ ନୂଆ ପ୍ରଯକ୍ତି ବ୍ୟବହାରକୁ ପ୍ରତିରୋଧ କରିବା ଉପରେ ଅନୁଷ୍ଠିତ ସ୍ବତନ୍ତ୍ର ବୈଠକରେ ଜୟଶଙ୍କର ଏହା କହିଛନ୍ତି। ଦକ୍ଷିଣ ମୁମ୍ବାଇର ତାଜ୍ ମହଲ ପ୍ୟାଲେସ୍ ହୋଟେଲ୍ରେ ଏହି ବୈଠକ ଅନୁଷ୍ଠିତ ହେଉଛି। ୨୬/୧୧ ଆକ୍ରମଣରେ ଆତଙ୍କବାଦୀମାନେ ଉକ୍ତ ହୋଟେଲ୍କୁ ଟାର୍ଗେଟ କରିଥିଲେ। ପାକିସ୍ତାନରୁ ଲଶ୍କର-ଇ-ତୋଇବା ତାଲିମପ୍ରାପ୍ତ ୧୦ ଆତଙ୍କବାଦୀ ଜଳପଥ ଦେଇ ମୁମ୍ବାଇରେ ପ୍ରବେଶ କରି ସାରା ସହରରେ ଆତଙ୍କ ଖେଳାଇଥିଲେ। ଏହି ଆକ୍ରମଣରେ ୧୪୦ ଭାରତୀୟଙ୍କ ସମେତ ୨୩ ଦେଶର ୨୬ ଜଣ ନାଗରିକ ନିହତ ହୋଇଥିଲେ।
ଆତଙ୍କବାଦୀ ପ୍ରତିହତ କମିଟି ଆଗରେ ଜୟଶଙ୍କର କହିଛନ୍ତି, ପାଣ୍ଠି ହେଉଛି ଆତଙ୍କବାଦୀମାନଙ୍କ ଜୀବନ। ଆତଙ୍କବାଦୀମାନେ ସେମାନଙ୍କ ସଂଗଠନ ତିଷ୍ଠି ରହିବା ସହ ଆକ୍ରମଣ ଲାଗି ପାଣ୍ଠି ଓ ସମ୍ବଳ ଆବଶ୍ୟକ କରିଥାନ୍ତି। ସେମାନଙ୍କୁ ଆବଶ୍ୟକ ସମ୍ବଳ ଯୋଗାଣ ଜାରି ରହିଥିବାରୁ ସେମାନଙ୍କ ସଂଗଠନ ବଢ଼ିଚାଲିଛି। ଆତଙ୍କବାଦର ମୁକାବିଲା ପାଇଁ ପାଣ୍ଠି ଯୋଗାଣ ବନ୍ଦ କରିବା ସବୁଠୁ ବଡ଼ ପଦକ୍ଷେପ ବୋଲି ବହିର୍ବ୍ୟାପାର ମନ୍ତ୍ରୀ କହିଛନ୍ତି।
