କେସିଙ୍ଗା,୧୯।୫(ତୁମେଶ୍ବର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ଅଧୀନସ୍ଥ ତହସିର ଗ୍ରାମ ପଞ୍ଚାୟତର କୁର୍ଲୁପଡା ସ୍ଥିତ ସରକାରୀ ବିଦ୍ୟାଳୟ ପରିସରରେ ୱାର୍ଡ ସଭ୍ୟ ଯୋଗେନ୍ଦ୍ର ସାହୁଙ୍କ ସଭାପତିତ୍ୱରେ ଏକ ପଲ୍ଲିସଭା ସୋମବାର ଅନୁଷ୍ଠିତ ହୋଇଥିଲା। ୱାର୍ଡ ନମ୍ବର ୧୨ସ୍ଥିତ ନୂଆପଡା ଓ ୧୩ନମ୍ବର ୱାର୍ଡର କୁର୍ଲୁପଡା ଗ୍ରାମର ଭୋଟର ସଂଖ୍ୟା ୮୩୨ଜଣଙ୍କୁ ନେଇ ନୂତନ ଭାବେ ଗଠନ ହେବାକୁ ଥିବା ମୁନ୍ସିପାଲଟି ସାମିଲ ହେବା ପାଇଁ ଜିଲାପାଳଙ୍କ ନିର୍ଦ୍ଦେଶ କ୍ରମେ ଏକ ପଲ୍ଲିସଭା ଅନୁଷ୍ଠିତ ହୋଇଥିଲା।
କିନ୍ତୁ ଗ୍ରାମପଞ୍ଚାୟତବାସୀ ନୂତନ ମୁନ୍ସିପାଲଟି ଗଠନକୁ ସାମିଲ ନ ହେବା ପାଇଁ ଦୃଢ଼ ବିରୋଧ କରିଥିଲେ।
କାରଣ ଏହି ଗ୍ରାମ ପଞ୍ଚାୟତ ଏକ ଆଦିବାସୀ, ହରିଜନ ଓ ପଛୁଆ ବର୍ଗର ଲୋକଙ୍କୁ ନେଇ ଗ୍ରାମ ପଞ୍ଚାୟତ ଗଠନ ହୋଇଛି। ବିରୋଧ କରିବାର ମୁଖ୍ୟ କାରଣ ହେଲା ୧୯୬୬ମସିହାରେ ସ୍ଥାପିତ ପ୍ରାଥମିକ ବିଦ୍ୟାଳୟର ଖେଳ ପଡିଆ,୧୯୮୩ ମସିହାରେ ଆଦିବାସୀ, ହରିଜନ ଓ ପଛୁଆ ବର୍ଗର ଲୋକଙ୍କ ଜମିରେ ସେବା ପେପର ମିଲ ନିର୍ମାଣ ହେବାପାଇଁ ୧୮୦ ଏକର ଜମି ଅଧିଗ୍ରହଣ କରି ଥିଲା। ଆଜିକୁ ଦୀର୍ଘ ୪୨ବର୍ଷ ବିତିଯାଇଥିଲେ ମଧ୍ୟ କାଗଜ କଳ ନ ହୋଇ ରାଜ୍ୟ ସରକାର ଇଡ୍କୋ କମ୍ପାନୀକୁ ଜମି ବିକ୍ରି କରି ଦେଇଛନ୍ତି।
ଗ୍ରାମଞ୍ଚଳର ନିରୀହ ଲୋକମାନେ ସହରରେ ଖାପ ଖାଇ ଚଳିବା ପାଇଁ କଷ୍ଟ ହେବ ବୋଲି ନୂତନ ମ୍ୟୁନିସିପାଲଟିରେ ସାମିଲ ହେବେ ନାହିଁ ବୋଲି ପଲ୍ଲି ସଭା ରେ ଦୃଡ଼ ବିରୋଧ କରିଛନ୍ତି।ଏହା ସହିତ ଜିଲାପାଳ ଙ୍କ ଜନ ଶୁଣାଣି ଶିବିରରେ ମଧ୍ୟ ଗ୍ରାମବାସୀ ଲିଖିତ ଅଭିଯୋଗ କରିଛନ୍ତି। ଯଦି ମ୍ୟୁନିସିପାଲଟି ଗଠନରେ ଖିଲାପି ଦେଖାଦେଲେ କିମ୍ବା ଅପ୍ରୀତିକର ଘଟଣା ଘଟିଲେ ଜିଲା ପ୍ରଶାସନ ସମ୍ପୂର୍ଣ୍ଣ ଦାୟି ରହିବେ ଏବଂ ଯଦି ଲୋକଙ୍କୁ ଜବର ଦସ୍ତି ଜାଲ ଦସ୍ତଖତ କରି ମ୍ୟୁନିସିପାଲଟି ଗଠନ କରାଯାଏ,ତେବେ ଆଦିବାସୀ ମେଳି କରାଯିବା ସହିତ ଗଣ ଆନ୍ଦୋଳନ କରାଯିବ ବୋଲି ପଞ୍ଚାୟତ ବାସୀ ଦୃଢ଼ ବିରୋଧ କରି ପ୍ରଶାସନ କୁ ଚେତାବନୀ ଦେଇଛନ୍ତି ।ଏଥିରେ ତହସିର ଗ୍ରାମ ପଞ୍ଚାୟତ ର ସରପଞ୍ଚ ମମତା ରାଣୀ ନାଗଙ୍କୁ ପଚାରିବାରୁ ମୋତେ ଲୋକେ ଭୋଟ ଦେଇ ବିଜୟୀ କରାଇଛନ୍ତି। ମୁଁ ଜନସାଧାରଣ ଯାହା ନିଷ୍ପତ୍ତି ନେବେ ତାଙ୍କ କଥା ରେ ରାଜି ହେବି ବୋଲି ପ୍ରକାଶ କରିଥିଲେ। ଉକ୍ତ ଗ୍ରାମ ପଞ୍ଚାୟତର ସମିତି ସଦସ୍ୟା ପିଙ୍କି ମାଝୀ,ପୂର୍ବତନ ସରପଞ୍ଚ ଯୋଗେନ୍ଦ୍ର ସାହୁ, ଯୁବରାଜ ସାହୁ,ସୁଲପାଣି ସାହୁ,ପ୍ରମୁଖ ଶତାଧିକ ଗ୍ରାମବାସୀ ଉପସ୍ଥିତ ରହି ବିରୋଧ କରିଥିଲେ।
