ନୂଆଦିଲ୍ଳୀ,୨୮।୨: ଦିଲ୍ଲୀ ଅବକାରୀ ଦୁର୍ନୀତି ପ୍ରସଙ୍ଗରେ ଗତ କିଛି ଦିନ ହେବ ଦେଶର ରାଜଧାନୀରେ ଚାଲିଥିବା ଉତ୍ତେଜନା ଥମିବାର ନାମ ନେଉନାହିଁ। ଏହି ପ୍ରସଙ୍ଗରେ ଭାଜପା ନେତା କପିଲ ମିଶ୍ର ପୁଣି ଥରେ ସକ୍ରିୟ ହୋଇପଡିଛନ୍ତି। ଲଗାତାର ଦ୍ୱିତୀୟ ଦିନ ପାଇଁ ସେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ୍ କରିଛନ୍ତି। କେଜ୍ରିୱାଲ ଏବଂ ଉପମୁଖମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ଚେତାବନୀ ଦେଇ କହିଛନ୍ତି ଯେ, ଅବକାରୀ ଦୁର୍ନୀତି କେବଳ ଟ୍ରେଲର। ପ୍ରକୃତ ଦୁର୍ନୀତ ଏପର୍ଯ୍ୟନ୍ତ ଆସି ନାହିଁ, ଯେଉଁ ଦିନ ତାହା ସାମ୍ନାକୁ ଆସିବ, କେଜ୍ରିୱାଲ ଏବଂ ସିସୋଡିଆ ଆଖି ମିଶାଇ ଚାଲିପାରିବେନାହିଁ।
କପିଲ ଟୁଇଟରେ ଲେଖିଛନ୍ତି, ବନ୍ଧୁମାନେ ମନେରଖ, ବର୍ତ୍ତମାନ କେବଳ ମନୀଷ ସିସୋଡିଆଙ୍କ ମଦ ଦୁର୍ନୀତି ସାମ୍ନାକୁ ଆସିଛି। ଯେଉଁ ଦିନ ଶିକ୍ଷା ନାଁରେ ଛୋଟ ପିଲାଙ୍କ ଟଙ୍କା ନେଇଥବା କଥା ସାମ୍ନାକୁ ଆସିବ ସେଦିନ କେଜ୍ରିୱାଲ ଏବଂ ମନୀଷ ସିସୋଡିଆ ଆଖି ମିଶାଇ ଚାଲିପାରିବେ ନାହିଁ।
ଗୋଟିଏ ଦିନ ପୂର୍ବରୁ କପିଲ ମିଶ୍ର ଟୁଇଟ କରି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ଏବଂ ସତ୍ୟେନ୍ଦ୍ର ଜୈନଙ୍କ ଭଳି ଦୁର୍ନୀତିଗ୍ରସ୍ତ ମନ୍ତ୍ରୀଙ୍କୁ ତାଙ୍କ କ୍ୟାବିନେଟରୁ ହଟାଇବା ଦାବି କରିଛନ୍ତି।
ଏହାପୂର୍ବରୁ ମଧ୍ୟ କପିଲ ମିଶ୍ର ଏଏପି ଉପରେ ଟାର୍ଗେଟ୍ କରି କହିଥିଲେ, ମନୀଷ ସିସୋଡିଆଙ୍କ ମଦ ଦୁର୍ନୀତିରେ ନଷ୍ଟ ହୋଇଥିବା ପରିବାରର ମା’ ଏବଂ ଭଉଣୀମାନଙ୍କ ପାଇଁ ଦୁଃଖିତ। ମୁଁ ଆରମ୍ଭରୁ କହିଛି ଯେ, ଅରବିନ୍ଦ କେଜ୍ରିୱାଲ, ମନୀଷ ସିସୋଡିଆ ଏବଂ ସତ୍ୟେନ୍ଦ୍ର ଜୈନ ଜେଲ ଯିବେ। ଏପର୍ଯ୍ୟନ୍ତ ଦୁଇ ଜଣ ଜେଲ ଯାଇଛନ୍ତି। ବର୍ତ୍ତମାନ ପରବର୍ତ୍ତୀ ସଂଖ୍ୟା ହେଉଛି ମୁଖ୍ୟମନ୍ତ୍ରୀ କେଜ୍ରିଓ୍ବାଲ।
