କୋଲକାତା,୨୩।୫: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ମଙ୍ଗଳବାର ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଛନ୍ତି। ଏହି ଅବସରରେ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନ, ଦିଲ୍ଲୀ ସରକାରରେ କ୍ୟାବିନେଟ ମନ୍ତ୍ରୀ ଆତିଶୀ, ଏମ୍ପି ସଞ୍ଜୟ ସିଂ, ରାଘବ ଚଡ୍ଡା ମଧ୍ୟ ଉପସ୍ଥିତ ଥିଲେ।
ଦିଲ୍ଲୀରେ ଅଧିକାରୀଙ୍କ ଟ୍ରାନ୍ସଫର-ପୋଷ୍ଟିଂ ସହ ଜଡିତ କେନ୍ଦ୍ର ସରକାରଙ୍କ ନିୟମ ବିରୋଧରେ ସମର୍ଥନ ପାଇବା ପାଇଁ ବିରୋଧୀ ଦଳର ସମସ୍ତ ବଡ ନେତାଙ୍କୁ ଭେଟୁଛନ୍ତି। ଏହି କ୍ରମରେ କେଜ୍ରିଓ୍ବାଲ ଆଜି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତାଙ୍କୁ ଭେଟି ସେ ବିଷୟରେ ଆଲୋଚନା କରିଥିବା ଜଣାପଡିଛି।
କେଜ୍ରିଓ୍ବାଲ କହିଛନ୍ତି, ଏହି ସଂଗ୍ରାମ କେବଳ ଦିଲ୍ଲୀର ଲୋକଙ୍କ ପାଇଁ ନୁହେଁ। ଏହି ସଂଗ୍ରାମ ହେଉଛି ଭାରତୀୟ ଗଣତନ୍ତ୍ରକୁ ବଞ୍ଚାଇବା ପାଇଁ ସଂଗ୍ରାମ, ବାବାସାହେବ ଦେଇଥିବା ସମ୍ବିଧାନକୁ ବଞ୍ଚାଇବା ପାଇଁ ସଂଗ୍ରାମ, ନ୍ୟାୟପାଳିକାକୁ ବଞ୍ଚାଇବା ପାଇଁ ସଂଗ୍ରାମ। ମୁଁ ଏଥିରେ ସମସ୍ତଙ୍କ ସମର୍ଥନ ଆଶା କରୁଛି ।
