୨୦୧୯ରେ ମୁକ୍ତିଲାଭ କରିଥିବା ଫିଲ୍ମ ‘ପତି ପତ୍ନୀ ଔର ୱ’ରେ ଏକାଠି ନଜର ଆସିଥିଲେ କାର୍ତ୍ତିକ ଆର୍ଯ୍ୟନ ଏବଂ ଭୁମି ପେଡନେକର। ଏହି ଫିଲ୍ମରେ ଅନନ୍ୟା ପାଣ୍ଡେ ମଧ୍ୟ ତାଙ୍କ ସହ ମୁଖ୍ୟ ଭୂମିକାରେ ନଜର ଆସିଥିଲେ। ମୁଦାସର ଅଜିଜଙ୍କ ଫିଲ୍ମ ବକ୍ସ ଅଫିସରେ ବହୁତ ଭଲ ପ୍ରଦର୍ଶନ କରିଥିଲା। ନିର୍ମାତା ‘ପତି ପତ୍ନୀ ଔର ୱ’ ସିକ୍ୱେଲ ପାଇଁ ପ୍ରସ୍ତୁତ ହେଉଛନ୍ତି।
କାର୍ତ୍ତିକ ଏବଂ ଭୂମିଙ୍କୁ ପୁଣିଥରେ ‘ପତି ପତ୍ନୀ ଔର ୱ-୨’ରେ ଦେଖିବାକୁ ମିଳିବ। ଏହି ଫିଲ୍ମ ଆସନ୍ତା ବର୍ଷ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏଥର ଫିଲ୍ମରେ ଅନନ୍ୟା ପାଣ୍ଡେଙ୍କ ସ୍ଥାନରେ ଅନ୍ୟ ଜଣେ ଅଭିନେତ୍ରୀଙ୍କୁ କାଷ୍ଟ କରାଯିବ।
ଭୂମି ପେଡନେକରଙ୍କୁ ନୱାଜୁଦ୍ଦିନ ସିଦ୍ଦିକିଙ୍କ ସହ ଫିଲ୍ମ ‘ଆଫୱାହ’ରେ ଶେଷ ଥର ପାଇଁ ଦେଖିବାକୁ ମିଳିଥିଲା ଏବଂ ବର୍ତ୍ତମାନ ତାଙ୍କୁ ‘ଭକ୍ଷକ’ରେ ଦେଖିବାକୁ ମିଳିବ। କାର୍ତ୍ତିକ ଆର୍ଯ୍ୟନଙ୍କୁ କିଆରା ଆଡଭାନୀଙ୍କ ସହ ‘ସତ୍ୟପ୍ରେମ କି କଥା’ରେ ଦେଖିବାକୁ ମିଳିଥିଲା ଏବଂ ବର୍ତ୍ତମାନ ତାଙ୍କ ଚନ୍ଦୁ ଚାମ୍ପିଅନରେ ଦେଖିବାକୁ ମିଳିବ।
