ବେଙ୍ଗାଲୁର,୪।୮: କର୍ନାଟକରେ ମୁଖ୍ୟମନ୍ତ୍ରୀ ଚେହେରା ବଦଳିବା ପରେ ଏବେ ମନ୍ତ୍ରିମଣ୍ଡଳ ସମ୍ପ୍ରସାରିତ ହୋଇଛି। ନୂତନ ମୁଖ୍ୟମନ୍ତ୍ରୀ ବସବରାଜ ବୋମାଇଙ୍କ ନୂଆ ଟିମ୍ରେ ମୋଟ ୨୯ଜଣ ବିଧାୟକ ବୁଧବାର ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। କନର୍ର୍ାଟକ ରାଜ୍ୟପାଳ ଥାୱରଚାନ୍ଦ ଗେହଲଟ ରାଜ ଭବନରେ ଆୟୋଜିତ ଏକ କାର୍ଯ୍ୟକ୍ରମରେ ମନ୍ତ୍ରୀମାନଙ୍କୁ ଶପଥ ପାଠ କରାଇଥିଲେ। ଶପଥ ଗ୍ରହଣ ଉତ୍ସବରେ ମୁଖ୍ୟମନ୍ତ୍ରୀ ବାସବରାଜ ବୋମାଇ ମଧ୍ୟ ଉପସ୍ଥିତ ଥିଲେ। ଏହାପରେ ମୁଖ୍ୟମନ୍ତ୍ରୀ ବାସବରାଜ ସମସ୍ତ ନୂତନ ମନ୍ତ୍ରୀଙ୍କୁ ଅଭିନନ୍ଦନ ଜଣାଇଥିଲେ। ସୂଚନାଯୋଗ୍ୟ, ବୁଧବାର ସକାଳେ ହାଇକମାଣ୍ଡଙ୍କଠାରୁ ମନ୍ତ୍ରୀଙ୍କ ନାମ ତାଲିକା ଗ୍ରହଣ କରାଯାଇଥିଲା ବୋଲି ବସବରାଜ କହିଥିଲେ। ଏହାପରେ ରାଜଭବନରେ ୨ଟା ୧୫ରେ ଶପଥ ଗ୍ରହଣ ଉତ୍ସବ ଆୟୋଜିତ ହୋଇଥିଲା। ବସବରାଜଙ୍କ ନୂଆ କ୍ୟାବିନେଟରେ ୭ଜଣ ଓବିସି, ୩ଏସ୍ସି, ଜଣେ ଏସ୍ଟି, ୭ଭୋକାଲିଗା, ୮ଲିଙ୍ଗାୟତ ସମ୍ପ୍ରଦାୟ, ୧ରେଡ୍ଡୀ ଓ ଜଣେ ମହିଳା ମନ୍ତ୍ରୀ ଅଛନ୍ତି। ଦଳର ହାଇକମାଣ୍ଡଙ୍କ ନିର୍ଦ୍ଦେଶରେ ରାଜ୍ୟରେ ଉପମୁଖ୍ୟମନ୍ତ୍ରୀ ନିଯୁକ୍ତ କରାଯାଇ ନ ଥିବା ଜଣାପଡ଼ିଛି।
