୯୦ର ସୁନପହିଟ ଅଭିନେତ୍ରୀ କରିସ୍ମା କପୁର ୧୨ ବର୍ଷ ପରେ ଫିଲ୍ମ ‘ମର୍ଡର ମୁବାରକ’ ଜରିଆରେ ବଲିଉଡ୍କୁ କମ୍ବ୍ୟାକ୍ କରୁଛନ୍ତି। ଏହି ଫିଲ୍ମ ୨୦୨୪ରେ ଓଟିଟି ପ୍ଲାଟଫର୍ମରେ ମୁକ୍ତିଲାଭ କରିବ। କରିସ୍ମା ଅଭିନୟ ଦୁନିଆରେ ପୁଣି ନିଜର ଜଲଓ୍ବା ଦେଖାଇବାକୁ ପ୍ରସ୍ତୁତ ହେଉଛନ୍ତି। ଏହି ସମୟରେ କମ୍ବ୍ୟାକ୍ ଶବ୍ଦ ଶୁଣି କରିସ୍ମା ରାଗିଯାଇଛନ୍ତି। କରିସ୍ମା କହିଛନ୍ତି, ସତ କହିବାକୁ ଗଲେ କମ୍ବ୍ୟାକ୍ ଶବ୍ଦ ମୋତେ ପସନ୍ଦ ନୁହେଁ। ମୋର ପିଲାମାନେ ଛୋଟ ଥିଲେ। ମୁଁ ଘରେ ରହିବାକୁ ଚାହୁଁଥିଲି। ମୁଁ ଅଳ୍ପ ବୟସରେ କାମ କରିବା ଆରମ୍ଭ କଲି। ମୁଁ ସ୍କୁଲରେ ପଢିବା ସମୟରେ ଅଭିନୟ କରୁଥିଲି। ମୁଁ ଅନେକ ବର୍ଷ ଦିନକୁ ଚାରୋଟି ଶିଫ୍ଟ ଏବଂ ଦିନକୁ ତିନିଟି ଶିଫ୍ଟ କାମ କରିଛି। ପ୍ରତିବର୍ଷ ମୋର ୮ରୁ ୧୦ଟି ଫିଲ୍ମ ରିଲିଜ ହେଉଥିଲା। ଖୁସିର କଥା, ସେଥିମଧ୍ୟରୁ ଅଧିକାଂଶ ସଫଳ ହୋଇଥିଲା। କିନ୍ତୁ କଥାଟି ହେଲା, ମୁଁ ବହୁତ କାମ କରିଥିଲି ଏବଂ ସେଥିପାଇଁ କିଛି ବର୍ଷ ମୁଁ ବିଶ୍ରାମ ନେଲି।
ହୋମି ଅଦାଜାନିଆ ‘ମର୍ଡର ମୁବାରକ’ର ନିର୍ଦ୍ଦେଶନା ଦେଉଛନ୍ତି। ଏଥିରେ ସାରା ଅଲି ଖାନ ମଧ୍ୟ ଅଭିନୟ କରିଛନ୍ତି। ‘ମର୍ଡର ମୁବାରକ’ ପୂର୍ବରୁ କରିସ୍ମାଙ୍କୁ ଶେଷ ଥର ପାଇଁ ୨୦୧୨ ଥ୍ରୀଲର ଫିଲ୍ମ ‘ଡେଞ୍ଜରସ୍ ଇଶ୍କ’ରେ ଦେଖିବାକୁ ମିଳିଥିଲା। ଏହି ସିନେମାରେ ତାଙ୍କ ସହିତ ଜିମି ଶେରଗିଲ, ଦିବ୍ୟା ଦତ୍ତ ଏବଂ ରଜନୀଶ ଦୁଗଲଙ୍କ ଭଳି ତାରକା ଥିଲେ।
