ସୋରଡ଼ା,୧୨ା୩(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ବ୍ଲକର ନୂଆଗଡ଼ ପଞ୍ଚାୟତ ବ୍ରାହ୍ମଣଦେଇ ଗ୍ରାମରେ ରବିବାର ଭୟାବହ ଅଗ୍ନିକାଣ୍ଡ ଘଟି ଗ୍ରାମର ୧୪ ପରିବାରର ୨୮ ବଖରା ପୋଡ଼ି ପାଉଁଶ ହୋଇଯାଇଛି। ବିପନ୍ନମାନେ ହେଲେ ଅପୂର୍ବ ସେଠୀ, କାଶୀନାଥ ସେଠୀ, ଜୟସେନ ଜେନା, ମିଟୁ ବିଷୋୟୀ, ଘନଶ୍ୟାମ ବିଷୋୟୀ, ରଞ୍ଜିତା ସ୍ବାଇଁ, କାଳୁଚରଣ ସାଇଁ, ଅପୂର୍ବ ସ୍ବାଇଁ, ସୁଶୀଳା ସେଠୀ,ରାଜା ବିଷୋୟୀ, ଶ୍ରୀନିବାସ ବିଷୋୟୀ, ବାଇଝଳି ବିଷୋୟୀ,ସାହେବ ଜେନା,ଚନ୍ଦ୍ରମା ସ୍ବାଇଁ। ଖବର ପାଇ ଦମକଳ ବାହିନୀ ପହଞ୍ଚିଥିଲା। ରାଜସ୍ବ ବିଭାଗ ପକ୍ଷରୁ କ୍ଷୟକ୍ଷତି ଆକଳନ କରାଯାଇଥିବା ଜଣାପଡ଼ିଛି। ଗ୍ରୀଷ୍ମପ୍ରବାହ ଦୃଷ୍ଟିରୁ ଯଥାଶୀଘ୍ର ଗୃହ ଓ ସାହାଯ୍ୟ ଯୋଗାଇବାକୁ ଦାବି ହୋଇଛି। ନିଆଁ କିପରି ଲାଗିଲା ସ୍ପଷ୍ଟ ଜଣାପଡ଼ି ନ ଥିଲାବେଳେ ସମସ୍ତ ପରିବାର ବର୍ତ୍ତମାନ ଅତ୍ୟନ୍ତ ଦୟନୀୟ ସ୍ଥିତିରେ ଥିବା ଦେଖାଯାଇଛି। ନିଆଁର ପ୍ରକୋପ ଯୋଗୁ ଘରର ସମସ୍ତ ଆସବାବପତ୍ର ସହ ଦରକାରୀ କାଗଜପତ୍ର ପୋଡ଼ି ପାଉଁଶ ହୋଇଯାଇଛି।
