ବଲିଉଡ୍ ଅଭିନେତ୍ରୀ କରୀନା କପୁର ଖାନ ଏବେ ସାନ ପୁଅ ଜାହାଙ୍ଗୀର ଅର୍ଥାତ୍ ଜେହକୁ ନେଇ ଚର୍ଚ୍ଚାରେ ଅନ୍ତି। ବେବୋ ଏବଂ ସ୍ବାମୀ ସୈଫ ଏବଂ ଦୁଇ ପୁଅଙ୍କୁ ଧରି ଛୁଟି କାଟିବା ପାଇଁ ଯାଇଛନ୍ତି। ନିକଟରେ, ଜେହଙ୍କ ପ୍ରଥମ ଝଲକ ପ୍ରଶଂସକମାନେ ଦେଖିଥିଲେ। ପରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା। କରୀନା ନିକଟରେ ପ୍ରକାଶ କରିଛନ୍ତି ଯେ, ଜେହ ତାଙ୍କ ପରି ଦେଖାଯାଉଛନ୍ତି। ଏହାସହ ତାଙ୍କର ୨ ପୁଅ ଫିଲ୍ମ ଷ୍ଟାର ହୁଅନ୍ତୁ ବୋଲି ସେ ଚାହୁଁ ନ ଥିବା ମଧ୍ୟ ବେବୋ କହିଛନ୍ତି। ଏକ ସାକ୍ଷାତକାରରେ କରୀନା ତାଙ୍କ ଦୁଇ ପିଲାଙ୍କ ବିଷୟରେ ଖୋଲାଖୋଲି ଭାବରେ ମତ ରଖିଛନ୍ତି। ସାନ ପୁଅ ଜେହଙ୍କ ବିଷୟରେ କରିନା କହିଛନ୍ତି ଯେ, ତାଙ୍କୁ ମାତ୍ର ୬ ମାସ ବୟସ ଏବଂ ସେ ମୋ ଭଳି ଦେଖାଯାଉଛି। କରୀନା କପୁର କେଉଁ ପ୍ରକାର ମା ହେବେ? ଏହାର ଉତ୍ତରରେ କରିନା କୁହନ୍ତି, ମୁଁ ଚାହୁଁଛି ମୋର ଦୁଇ ପୁଅ ସଂପୂର୍ଣ୍ଣ ଭଦ୍ର ହୁଅନ୍ତୁ, ମୁଁ ଚାହେଁ ଯେ ଶିକ୍ଷିତ, ଦୟାଳୁ ହୁଅନ୍ତୁ। ଯଦି ଏହା ଘଟେ ତେବେ ମୁଁ ଭାବୁଛି ମୋର କାମ ସରିଗଲା। ମୁଁ ଚାହୁଁ ନାହିଁ ଯେ, ସେ ଫିଲ୍ମ ଷ୍ଟାର ହୁଅନ୍ତୁ। ଯଦି ତୈମୁର ଆସି ମୋତେ କୁହନ୍ତି ମୁଁ ଅନ୍ୟ କିଛି କରିବାକୁ ଚାହୁଁଛି ତେବେ ମୁଁ ବହୁତ ଖୁସି ହେବି। ସେ ଏଭରେଷ୍ଟ ପର୍ବତ ଚଢ଼ନ୍ତୁ କିମ୍ବା ଅନ୍ୟ କୌଣସି କାର୍ଯ୍ୟ କରନ୍ତୁ ମୁଁ ସବୁଥିରେ ସେମାନଙ୍କୁ ସାହାଯ୍ୟ କରିବି।
ଦୁଇ ପିଲାଙ୍କ ମଧ୍ୟରେ ଥିବା ପାର୍ଥକ୍ୟ ଉପରେ ସେ କହିଛନ୍ତି ଯେ ତୈମୁର ବହୁତ ଚେହେରା ପସନ୍ଦ କରୁ ନ ଥିବା ବେଳେ ଜେହ ଏହାର ବିପରୀତ। ତୈମୁରଙ୍କ ଠାରେ ସୈଫଙ୍କର ଅଧିକ ବ୍ୟକ୍ତିତ୍ୱ ଅଛି। ସେ ସୃଜନଶୀଳ, ସେ କଳା, ରଙ୍ଗ ଏବଂ ଚିତ୍ରାଙ୍କନକୁ ଭଲ ପାଆନ୍ତି, ସେ ନୂତନ ଜିନିଷ ଅନୁସନ୍ଧାନ କରିବାକୁ ଭଲ ପାଆନ୍ତି ବୋଲି କରୀନା କହିଛନ୍ତି।
