ଅଭିନେତ୍ରୀ କରିନା କପୁର ଖାନ ନିକଟରେ ଏକ ଫିଲ୍ମରେ ‘ସୀତା’ର ଭୂମିକା ପାଇଁ ୧୨ କୋଟି ଟଙ୍କା ପ୍ରଯୋଜକଙ୍କଠାରୁ ଦାବି କରିଛନ୍ତି। ଏହି ଖବର ଆସିବା ମାତ୍ରେ ସୋସିଆଲ ମିଡିଆରେ ତାଙ୍କୁ ଟ୍ରୋଲ କରାଯାଇଛି। କରୀନା କପୁର ଖାନଙ୍କୁ ସୀତା କରାଯିବା ଉଚିତ ନୁହେଁ ବୋଲି ସୋସିଆଲ ମିଡିଆରେ ଦାବି ଉଠିଛି। ଏଥିସହିତ ଲୋକମାନେ ୧୨କୋଟି ଫି ମାଗିବା ପରେ ମଧ୍ୟ ୬ରୁ ୮ କୋଟି ଟଙ୍କା ନେଇଥିବା କରିନାଙ୍କୁ ଟ୍ରୋଲ କରିବା ଆରମ୍ଭ କରିଥିଲେ। ଏବେ ଅଭିନେତ୍ରୀ ତାପସୀ ମଧ୍ୟ କରୀନାଙ୍କ ବିଷୟରେ ନିଜର ଆଭିମୁଖ୍ୟ ରଖିଛନ୍ତି। କରୀନାଙ୍କୁ ସମର୍ଥନ କରି ତାପସୀ ଲେଖିଛନ୍ତି ଯେ, କରୀନାଙ୍କୁ ଟ୍ରୋଲ କରିବା ସମାଜର ସଂକୀର୍ଣ୍ଣ ମାନସିକତାକୁ ପ୍ରକାଶ କରିଥାଏ। ଯଦି କରୀନାଙ୍କ ବଦଳରେ ଜଣେ ପୁରୁଷ ତାରକା ଏହି ଫି ମାଗୁଥାନ୍ତେ, ତେବେ ଆମେ କହିଥାନ୍ତୁ ଯେ ବଜାର ମୂଲ୍ୟ ବୃଦ୍ଧି ପାଇଛି, ଯେପରି ସେହି ପୁରୁଷ ତାରକା ଜୀବନରେ କିଛି ବଡ ସଫଳତା ହାସଲ କରିଛନ୍ତି, କିନ୍ତୁ ଯେହେତୁ ଜଣେ ମହିଳା ଅଧିକ ଟଙ୍କା ମାଗୁଛନ୍ତି, ତେବେ ଲୋକମାନଙ୍କର ଅସୁବିଧା ହେଉଛି। ତାପସୀ ଆହୁରି କୁହନ୍ତି, କରୀନାଙ୍କୁ ୧୨ କୋଟି କାହିଁକି ମିଳିବ ନାହିଁ? ଖାଲି ସେତିକି ନୁହେଁ, ସେ ହେଉଛନ୍ତି ଦେଶର ସବୁଠାରୁ ବଡ ମହିଳା ସୁପରଷ୍ଟାର। ଯଦି ସେ ତାଙ୍କ ସମୟ ବଦଳରେ କିଛି ବେତନ ମାଗୁଛନ୍ତି, ତେବେ ତାହା ହେଉଛି ତାଙ୍କର କାମ। କୁହାଯାଉଛି ଯେ କରୀନାଙ୍କୁ ଫିଲ୍ମ ପାଇଁ ୮-୧୦ ମାସ ସମୟ ଦେବାକୁ ପଡିବ। କରୀନାଙ୍କ ସ୍ବାମୀ ସୈଫ ଅଲି ଖାନ ମଧ୍ୟ ଏହି ଚଳଚ୍ଚିତ୍ରରେ ନଜର ଆସିବେ ବୋଲି କୁହାଯାଉଛି।
