କନିକା ପ୍ରଜା ଆନ୍ଦୋଳନ ପାଠ୍ୟପୁସ୍ତକରେ ସ୍ଥାନ ପାଇବ

ରାଜକନିକା,୧୨ା୯(ଡି.ଏନ.ଏ.): ଭାରତ ବର୍ଷର ସ୍ବାଧୀନତା ଇତିହାସର ପ୍ରକୃତ ଘଟଣା ଲୋକଲୋଚନକୁ ଆଣିବାରେ ଯେଉଁ ହୀନମାନ୍ୟତା ରଖାଯାଇଛି ତା’ର ଅନ୍ତ ଘଟାଇ ସତ୍ୟ ଲୋକଲୋଚନକୁ ଆଣିବାକୁ ହେବ। ଏହିସବୁ ସଂଗ୍ରାମର ବାସ୍ତବ ଦେଶପ୍ରେମକୁ ପାଠ୍ୟପୁସ୍ତକରେ ସ୍ଥାନ ଦେବାକୁ ଯେଉଁ ପ୍ରୟାସ ରଖାଯାଇଛି ରବିବାର କନିକାର ପ୍ରଜା ଆନ୍ଦୋଳନ ସେଥିରେ ସାମିଲ ରହିବ ବୋଲି କେନ୍ଦ୍ରମନ୍ତ୍ରୀ ନିଶିଥ ପ୍ରାମାଣିକ ଶହୀଦ ସ୍ମୃତି ସ୍ତମ୍ଭ ନିକଟରେ ଶ୍ରଦ୍ଧାଞ୍ଜଳି ଜଣାଇବା ଅବସରରେ କହିଛନ୍ତି। ଆଜାଦୀ କି ଅମୃତ ମହୋତ୍ସବରେ ସମଗ୍ର ଭାରତବର୍ଷରେ ଜାରି ରହିଥିବା ସଂଗ୍ରାମର ପୃଷ୍ଠଭୂମିର ଅନାବରଣ ସହ ସମସ୍ତ ଐତିହାସିକ ପୀଠ ଓ ସଂଗ୍ରାମକୁ ଇତିହାସରେ ସ୍ଥାନ ଦେବାକୁ ଜାରି ରହିଥିବା ପ୍ରୟାସକ୍ରମରେ ନେତାଜୀଙ୍କ ପ୍ରତିକୃତିର ଅନାବରଣ ସାରା ଦେଶରେ ଜାତୀୟତାବୋଧକୁ ଊର୍ଦ୍ଧ୍ୱରେ ତୋଳି ଧରିଛି। ଆଜକୁ ଶହେ ବର୍ଷ ପୂର୍ବରୁ କେନ୍ଦ୍ରାପଡ଼ା ଜିଲାର ରାଜକନିକା ଅଞ୍ଚଳରେ ସଂଘଟିତ ହୋଇଥିବା ଐତିହାସିକ ପ୍ରଜା ଅନ୍ଦୋଳନରେ ପ୍ରାଣବଳୀ ଦେଇଥିବା ଶହୀଦ ବାସୁ-ବିଶୁନି ତ୍ୟାଗକୁ ସ୍ମରଣ କରି ଏଭଳି ଏକ ନଦୀନାଳ ଘେରା ପଛୁଆ ଅଞ୍ଚଳରେ ସେ ସମୟରେ ଦେଶ ପାଇଁ ପ୍ରାଣବଳୀ ଦେଇଥିବା ଶହୀଦ ଦ୍ୱୟଙ୍କୁ ଅଣଦେଖା କରାଯାଇଥିବାରୁ କେନ୍ଦ୍ରମନ୍ତ୍ରୀ କ୍ଷୋଭ ପ୍ରକାଶ କରିଥିଲେ। ଏହି ଅବସରରେ ଶହୀଦଙ୍କ ସ୍ମୃତିକୁ ଉଦ୍‌ଜୀବିତ କରି ରଖିବାକୁ କନିକା ଶହୀଦ ସ୍ମୃତି ସଂସଦ ପକ୍ଷରୁ ମନ୍ତ୍ରୀଙ୍କୁ କର୍ମକର୍ତ୍ତାମାନେ ଦାବିପତ୍ର ପ୍ରଦାନ କରି ଦୃଷ୍ଟି ଆକର୍ଷଣ କରିଥିଲେ। ପରାଧୀନ ଭାରତବର୍ଷର ସମସ୍ତ ନିର୍ଯାତନା, ଅତ୍ୟାଚାରର ବାସ୍ତବ ମୂଲ୍ୟାୟନ ଦେଇ ଦେଶବାସୀଙ୍କୁ ସ୍ବାଧୀନତା ସଂଗ୍ରାମର ଶ୍ରେୟ ଅବଗତ କରାଇବାକୁ ପ୍ରୟାସ ରହିଛି। ଏଭଳି ଶହୀଦଙ୍କୁ କ’ଣ ପାଇଁ ଇତିହାସର ଦୃଷ୍ଟି ଆଢୁଆଳରେ ରଖାଯାଇ ଥିବାରୁ ମନ୍ତ୍ରୀ ବିସ୍ମିତ ହେବା ଏହି ପୂଣ୍ୟ ମହାର୍ଘ ସମୟରେ ଆସନ୍ତୁୁ ଏକ ହୋଇ ଭାରତବର୍ଷର ମହାସଂଗ୍ରାମକୁ ଆହୁରି ବଳିଷ୍ଠ କରିବା ବୋଲି କେନ୍ଦ୍ର କ୍ରୀଡା ଓ ଯୁବବ୍ୟାପାର ରାଷ୍ଟ୍ରମନ୍ତ୍ରୀ ପ୍ରାମାଣିକ କନିକା ଗସ୍ତରେ ଆସି ବାସୁ-ବିସୁନି ଶହୀଦ ପୀଠରେ ମତବ୍ୟକ୍ତ କରିଛନ୍ତି।
ସୂଚନାଯୋଗ୍ୟ, କେନ୍ଦ୍ରମନ୍ତ୍ରୀଙ୍କର ୩ ଦିନିଆ କେନ୍ଦ୍ରାପଡ଼ା ଜିଲାଗସ୍ତ ଓ ପ୍ରବାସ ଅବସରରେ ରବିବାର ଅପରାହ୍ନ ସାଢେ ୧୨ରେ କନିକା ପ୍ରଜା ଆନ୍ଦୋଳନର ପୃଷ୍ଠଭୂମି ଶହୀଦ ବାସୁ-ବିଶୁନିଙ୍କ ସ୍ମୃତିସ୍ଥଳକୁ ମନ୍ତ୍ରୀ ଆସି ଶହୀଦସ୍ତମ୍ଭରେ ପୁଷ୍ପମାଲ୍ୟ ଅର୍ପଣ କରି ମହାତ୍ମାଗାନ୍ଧୀ ଅସହଯୋଗ ଆନ୍ଦୋଳନର ପ୍ରଥମ ଶହୀଦ ବାସୁ-ବିଶୁନିଙ୍କ ଆତ୍ମତ୍ୟାଗର ଗୌରବ ଉଜ୍ଜଳ ଭୂମିକାକୁ ପ୍ରଶଂସା କରି ଖୁବ୍‌ଶୀଘ୍ର ଏହି ଅନାଲୋଚିତ ଇତିହାସକୁ ଲୋକଲୋଚନକୁ ଅଣାଯିବ ବୋଲି ମନ୍ତ୍ରୀ ପ୍ରାମାଣିକ କହିଥିଲେ। ତେବେ ଭାଜପାର ସାଙ୍ଗଠନିକ ଦାୟିତ୍ୱରେ ଥିବା କେନ୍ଦ୍ରମନ୍ତ୍ରୀଙ୍କ ଏହି ଗସ୍ତ ପାଇଁ ଜିଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯିବା ସହ ଭୀଷଣ ବର୍ଷା ସତ୍ତ୍ୱେ ଶତାଧିକ ସଂଖ୍ୟାରେ ଦଳୀୟ ନେତୃତ୍ୱ ମନ୍ତ୍ରୀଙ୍କୁ ପତରପୁର ପୋଲ ନିକଟରୁ ଶୋଭାଯାତ୍ରାରେ ଆଣି ଶହୀଦ ସ୍ତମ୍ଭ ନିକଟରେ ପହଞ୍ଚାଇବା ପରେ ଜିଲା ସଭାପତି କିଶୋର ପଣ୍ଡାଙ୍କ ସଭାପତିତ୍ୱରେ ଶହୀଦ ସ୍ତମ୍ଭ ପରିସରରେ ସଭା କାଯର୍‌ୟ ଅନୁଷ୍ଠିତ ହୋଇଥିଲା। କନିକା ଶହୀଦ ସ୍ମୃତି ସଂସଦର ସଭାପତି ଦାମୋଦର ଧଳ, ସମ୍ପାଦକ ସୁକାନ୍ତ କୁମାର ଦାଶ କେନ୍ଦ୍ରମନ୍ତ୍ରୀଙ୍କୁ ଉତରୀୟ, ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଦେବା ପରେ କନିକା ପ୍ରଜା ଅନ୍ଦୋଳନର ଏହି ଗାରିମାମୟ ସଂଗ୍ରାମକୁ ଇତିହାସରେ ସ୍ଥାନ ଦେଇ, ପାଠ୍ୟପୁସ୍ତକରେ ବିଷୟ ଭାବେ ନେବା ସହ କନିକା ପ୍ରଜା ଆନ୍ଦୋଳନର ଅନୁଧ୍ୟାନ ପାଇଁ ରିସର୍ଚ୍ଚ ସେଣ୍ଟର ଓ ମ୍ୟୁଜିୟମ ପ୍ରତିଷ୍ଠା ପାଇଁ ଦାବିପତ୍ର ପ୍ରଦାନ କରାଯାଇଥିଲା। ଶହୀଦ ସ୍ମୃତି ସଂସଦର ସଦସ୍ୟ ହରେକୃଷ୍ଣ ନାୟକ, ସତ୍ୟଜିତ ସ୍ବାଇଁଙ୍କ ସମେତ ପୂର୍ବତନ ବିଧାୟକ ଦୋଳଗୋବିନ୍ଦ ନାୟକ, ରଶ୍ମିରଞ୍ଜନ ବେହୁରା, ବିଷ୍ଣୁ ଦାସ, ଶଶାଙ୍କ ଶେଖର ସେଠୀ, ସଲିମ ଖଁା, ଲଳିତ ବେହେରା, ନିହାର ରଞ୍ଜନ ନାୟକ ପ୍ରମୁଖ ଯୋଗ ଦେଇଥିଲେ। ପରେ ମନ୍ତ୍ରୀ ଶହୀଦ ପୀଠରୁ ପେଗରପଡା ପଞ୍ଚାୟତକୁ ଯାଇ ସେଠାରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ।


Enter your email to get our daily news in your inbox.

All Right Reserved By Dharitri.Com

ନାଁକୁ ସହର, ନାହିଁ ସର୍ବନିମ୍ନ ସୁବିଧା

ଜଳେଶ୍ୱର,୧୯।୩(ଡି.ଏନ.ଏ.)-ବାଲେଶ୍ୱର ଜିଲା ଜଳେଶ୍ୱର ମ୍ୟୁନିସିପାଲିଟି ଅଧୀନ ୧୬ନଂ. ଓ୍ବାର୍ଡରେ ଥିବା ମଣିପାଟଣା ଗାଁରେ ନାହିଁ ସର୍ବନିମ୍ନ ସୁବିଧା। ଗାଁକୁ ନାହିଁ ସବୁଦିନିଆ ରାସ୍ତା। ଫଳରେ କୌଣସି...

ବରଗଡ଼ରେ ଥମୁନି କରୋନା: ଆଜି ୯୯ ପଜିଟିଭ୍‌ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୭୫୪୪ରେ ପହଞ୍ଚିଲା

ବରଗଡ଼ ଅଫିସ,୧୨ା୧୦: ବରଗଡ଼ ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ସୋମବାର ଜିଲାରେ ପୁଣି ୯୯ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ...

ବିବାହ ପ୍ରଲୋଭନ ଦେଖାଇ ଯୁବତୀଙ୍କୁ ପ୍ରତାରଣା: ଅଭିଯୁକ୍ତ ଗଲେ ଜେଲ୍‌

କୋକସରା,୨ା୩(ଡି.ଏନ୍‌.ଏ.): ପ୍ରଥମେ ପ୍ରେମ ପରେ ବିବାହ ପ୍ରତିଶ୍ରୁତି ଦେଇ ଜଣେ ଯୁବତୀଙ୍କୁ ଘରୁ ଫେରାର କରି ତା’ସହ ଶାରୀରିକ ସମ୍ପର୍କ ସ୍ଥାପନ ପରେ ପ୍ରତାରଣା କରିଥିବା...

ସ୍ବାମୀଙ୍କ ମୃତ୍ୟୁର ୪୮ ଘଣ୍ଟା ପୂରିନି, ସ୍ତ୍ରୀ ଚାଲିଗଲେ

ପୁରୀ ଅଫିସ,୨୩।୯: ଶ୍ରୀମନ୍ଦିରର ବରିଷ୍ଠ ସେବାୟତ ପ୍ରେମାନନ୍ଦ ଦାସମହାପାତ୍ରଙ୍କର ଗତ ରବିବାର ସକାଳେ ପରଲୋକ ହୋଇଥିଲା। ପ୍ରେମାନନ୍ଦଙ୍କ ମୃତ୍ୟୁର ୪୮ ଘଣ୍ଟା ପୂରିନି ତାଙ୍କ ସ୍ତ୍ରୀ...

ଗରିବ ଲୋକଙ୍କୁ ରାଶନ ସାମଗ୍ରୀ ଦେଲେ ସ୍ଥାନୀୟ ଲୋକେ

ବାମରା, ୩୦।୩ (ଡି.ଏନ.ଏ.)-ସମ୍ବଲପୁର ଜିଲା ବାମରା ସଦର ମହକୁମା ଅଞ୍ଚଳରେ ଲକ ଡାଉନ ଯୋଗୁ ଅନାହାରରେ ଥିବା ଗରିବ ପରିବାରଙ୍କୁ ସ୍ଥାନୀୟ କେତେ ଜଣ ବ୍ୟକ୍ତି...

ବର୍ଷା ଅଭାବ: ଚାଷଜମିରୁ ଫେରି ଘରେ ବିଷ ପିଇଲେ ଚାଷୀ

ବଲାଙ୍ଗୀର ଅଫିସ, ୩।୯: ଚାଷଜମିରୁ ଫେରି ଘରେ ବିଷ ପିଇ ଦେଇଥିଲେ ଚାଷୀ। ଚିକିତ୍ସାଧୀନ ଅବସ୍ଥାରେ ଶୁକ୍ରବାର ତାଙ୍କର ମୃତ୍ୟୁ ଘଟିଛି। ଏଭଳି ଅଭାବନୀୟ ଘଟଣା...

ସମୁଦ୍ରରେ ଛଡ଼ାଗଲା ୧୨୮ ଅଲିଭରିଡ୍‌ଲେ ଛୁଆ

ଲଙ୍ଗଳେଶ୍ୱର, ୩।୫(ଡି.ଏନ.ଏ.) ବାଲିଆପାଳ ବ୍ଲକ ଚୌମୁଖ ବେଳାଭୂମିକୁ ଗତ କିଛିବର୍ଷ ହେଲା ବିଭିନ୍ନ ପ୍ରଜାତିର ଅଲିଭ ରିଡ଼ଲେ ଅଣ୍ଡାଦାନ ପାଇଁ ଉପଯୁକ୍ତ ସ୍ଥାନ ଭାବେ ବାଛିଛନ୍ତି।...

ଶିଶୁପୁତ୍ରକୁ ଯୌନ ନିର୍ଯାତନା, ଉତ୍ତର ପ୍ରଦେଶର ଜଣେ ଗିରଫ

ବଲାଙ୍ଗୀର ଅଫିସ, ୯।୧: ବଲାଙ୍ଗୀର ସହରରେ ଉତ୍ତର ପ୍ରଦେଶର ଜଣେ ଯୁବକ ଭଡ଼ା ରହୁଥିଲେ। ସେ ଭଡାରେ ରହୁଥିବା ମାଲିକଙ୍କ ୩ ବର୍ଷର ଶିଶୁପୁତ୍ରକୁ ଅପ୍ରାକୃତିକ...

Advertisement
Archives

Model This Week