ବମ୍ବେ: କଥାରେ ଅଛି କହି ଦେଉଥାଏ ପରକୁ। ବୁଦ୍ଧି ନ ଆସଇ ଘରକୁ। ଅର୍ଥାତ ଅନ୍ୟକୁ କହିବା ସହଜ ହେଲେ ହେଁ ନିଜେ ସେହି କାମ କରିବା କଷ୍ଟକର। ଏପରି କିଛି କରି ଟ୍ରୋଲ ହେଉଛନ୍ତି ବିବାଦୀୟ ଅଭିନେତ୍ରୀ କଙ୍ଗନା ରାଣାଓ୍ବତ। ବିଗତ ଦିନରେ ଫଟା ଜିନ୍ସ ପିନ୍ଧାକୁ ନେଇ ନିଜର ରାୟ ଦେଇ ଚର୍ଚ୍ଚାକୁ ଆସିଥିବା କଙ୍ଗନା କିନ୍ତୁ ନିଜେ ଟ୍ରାନ୍ସପେରେଣ୍ଟ ବ୍ରା ପିନ୍ଧି ସୋସିଆଲ ମିଡିଆରେ ଫଟୋ ଛାଡ଼ିଥିଲେ। ଏହା ପରେ ଲୋକେ ତାଙ୍କୁ କଟାକ୍ଷ କରୁଥିବା ଦେଖାଯାଇଛି।
କେଜାଣି କେମିତି ଲୋକେ ଫଟା ଜିନ୍ସ ପିନ୍ଧିଥାନ୍ତି। ମୁଁ କିନ୍ତୁ କେବେହେଲେ ସେମିତି ପିନ୍ଧେନାହିଁ ବୋଲି କଙ୍ଗନା କହିଥିଲେ। ହେଲେ ନିଜେ ଟ୍ରାନ୍ସପେରେଣ୍ଟ ବ୍ରା ପିନ୍ଧିଥିବା ଫଟୋକୁ ସୋସିଆଲ ମିଡିଆରେ ଛାଡ଼ିଥିଲେ। ହିନ୍ଦୁ ସଂସ୍କୃତିରେ ଏପରି କରାଯାଏ ନାହିଁ ବୋଲି ଲୋକେ ତାଙ୍କୁ କମେଣ୍ଟ କରିଥିଲେ। ଏହାପରେ ଅଭିନେତ୍ରୀ ଏହାର ଜବାବ ଦେଇଛନ୍ତି। ନିଜର ଇନ୍ଷ୍ଟାଗ୍ରାମରେ ସେ ଏକ ଷ୍ଟାଟସ୍ ପୋଷ୍ଟ କରି ପୁରାତନ ହିନ୍ଦୁ ରାଣୀ ଏବଂ ରାଜକୁମାରୀଙ୍କୁ ଏହିଭଳି ପୋଷାକରେ ଦେଖାଯାଇଥିବା ନେଇ ସଫେଇ ଦେଇଛନ୍ତି। ଏଥିସହ ସନାତନ ଧର୍ମ ବିଷୟରେ ଜ୍ଞାନ ଦେବା ଲୋକେ ପ୍ରଥମେ ଏସବୁ ଦେଖିନେବା ଉଚିତ ବୋଲି ସେ କହିଛନ୍ତି। ଏବେ କଙ୍ଗନାଙ୍କ ଏହି କଥା ନିଆଁରେ ଘିଅ ଢ଼ାଳିବା ଭଳି କାମ କରୁଛି।
