ବମ୍ବେ: ପୁଣି ଥରେ ଚର୍ଚ୍ଚାରେ ଅଭିନେତ୍ରୀ କଙ୍ଗନା ରାଣାଓ୍ବତ। ରିପବ୍ଲିକ ଟିଭି ଏଡିଟର-ଇନ-ଚିଫ୍ ଅର୍ଣ୍ଣବ ଗୋସ୍ବାମୀଙ୍କୁ ମୁମ୍ବାଇ ପୋଲିସ ଗିରଫ କରିବାକୁ ପ୍ରତିବାଦ କରିଛନ୍ତି ସେ। ନିଜର ଟୁଇଟର ପୃଷ୍ଠାରେ ସେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ କଟାକ୍ଷ କରିଛନ୍ତି।
ଟୁଇଟ୍ କରି କଙ୍ଗନା ଅର୍ଣ୍ଣବଙ୍କୁ ଗିରଫ କରିବା ନିନ୍ଦନୀୟ ବୋଲି କହିଛନ୍ତି। ଅର୍ଣ୍ଣବ ନିଜ ଚ୍ୟାନେଲରେ ମହାରାଷ୍ଟ୍ର ସରକାରଙ୍କ ବିରୋଧରେ କଥା କହୁଥିଲେ। ଏଥିପାଇଁ ତାଙ୍କୁ ଟାର୍ଗେଟ କରାଗଲା। ସୁଶାନ୍ତ ସିଂ ରାଜପୁତ, ଦିଶା ସାଲିଆନଙ୍କ ହତ୍ୟାକାଣ୍ଡରେ ସମ୍ପୃକ୍ତ, ଦାଉଦର ଡ୍ରଗ୍ ର଼୍ୟାକେଟ ଏବଂ ଚାଇଲ୍ଡ ଟ୍ରାଫିକିଂ ବିରୋଧରେ ଉଠୁଥିବା ସ୍ବରକୁ ବ ନ୍ଦ କରି ଦିଆଯାଉଛି ବୋଲି ଆମେ ଭାବିପାରିବା ବୋଲି କଙ୍ଗନା ଲେଖିବା ସହ ରିଲିଜଅର୍ଣ୍ଣବନାଓ ହ୍ୟାସ୍ଟ୍ୟାଗ୍ ଲେଖିଛନ୍ତି।
ତେବେ ୨୦୧୮ରେ ଜଣେ ଇଣ୍ଟେରିୟର ଡିଜାଇନର ଓ ତାଙ୍କ ମା’ଙ୍କ ଆତ୍ମହତ୍ୟା ମାମଲାରେ ଗତ ୪ ତାରିଖରେ ଅର୍ଣ୍ଣବଙ୍କୁ ଗିରଫ କରାଯାଇଛି। ଏହା ଗଣମାଧ୍ୟମର ସ୍ବାଧୀନତା ଉପରେ ଆକ୍ରମଣ ବୋଲି ସାମ୍ବାଦିକ ମହଲରେ ବିତର୍କ ସୃଷ୍ଟି ହୋଇଥିବା ବେଳେ ସୋସିଆଲ ମିଡିଆ ଦୁଇ ଭାଗରେ ବିଭକ୍ତ ହୋଇଛି। ଗୋଟିଏ ପଟେ କିଛି ଅର୍ଣ୍ଣବଙ୍କୁ ବାହାର କରାଯାଉ ବୋଲି କହୁଥିବା ବେଳେ କିଛି ତାଙ୍କୁ ସମର୍ଥନ କରୁ ନ ଥିବା କହୁଛନ୍ତି।
