ମୁମ୍ବାଇ: ବଲିଉଡ କୁଇନ କଙ୍ଗନା ରାନୱତଙ୍କୁ ଡେଙ୍ଗୁ । ଏହି ଖବର ପାଇବା ପରେ ତାଙ୍କ ପ୍ରଶଂସକ କଙ୍ଗନାଙ୍କ ଆଶୁ ଆରୋଗ୍ୟ କାମନା କରିଛନ୍ତି । ତାଙ୍କୁ ଖୁବ୍ ଅଧିକ ମାତ୍ରାରେ ଜ୍ୱର ହୋଇଥିଲେ ବି ସେ ଆରାମ ନ କରି ତାଙ୍କ ଅପକମିଂ ମୁଭି ‘ଏମରଜେନ୍ସି’ର ସେଟରେ ବ୍ୟସ୍ତ ଥିବା ଦେଖାଯାଇଛି । ତାଙ୍କୁ ଡେଙ୍ଗୁ ହୋଇଥିବା ଖବର ଅଭିନେତ୍ରୀଙ୍କ ଟିମ୍ ଦେଇଛନ୍ତି । କଷ୍ଟ ଲାଗୁଥିଲେ ବି କାମ ପ୍ରତି ଥିବା ତାଙ୍କର ଭଲପାଇବାକୁ ଦେଖି ଯେ କେହି ତାଙ୍କୁ ପ୍ରଶଂସା କରୁଛନ୍ତି ।
ମଣିକର୍ନିକା ଟିମ ଇନଷ୍ଟାଗ୍ରାମରେ କଙ୍ଗନାଙ୍କର କିଛି ଫଟୋ ଶେୟାର କରିଛନ୍ତି । ଏହାକୁ ଶେୟାର କରି ଲେଖିଛନ୍ତି, ଯଦି ଆପଣ ଡେଙ୍ଗୁରେ ପୀଡ଼ିତ ହେବା ପରେ ବି କାମ କରୁଛନ୍ତି, ଏହା ଆପଣଙ୍କ ଜୁନୁନ ନୁହେଁ ବରଂ କାମ ପ୍ରତିଥିବା ପାଗଳାମି । ତେବେ ଡେଙ୍ଗୁରେ ପୀଡ଼ିତ ହେଲେ ହ୍ୱାଇଟ ବ୍ଲଡ ସେଲ୍ସ କାଉଣ୍ଟ ଶୀଘ୍ର କମ୍ ହୋଇଯାଇଥାଏ । ଏହାସହ ଖୁବ୍ ଅଧିକ ମାତ୍ରାରେ ଜ୍ୱର ଆସିଥାଏ । ଏହାପରେ ବି କଙ୍ଗନା କାମ କରୁଛନ୍ତି । ଟିମ୍ ପକ୍ଷରୁ କ୍ୟାପଶନରେ ଲେଖାଯାଇଛି , ଆମ ଚିଫ୍ କଙ୍ଗନା ରାନାୱତ ଏମିତି ଏକ ଇନସ୍ପିରେଶନ ।
ଟିମର ଆଉ ଜଣେ ସଦସ୍ୟ ଲେଖିଛନ୍ତି, ‘ମୋର ପାୱାର ଟୁ ଦ କୁଇନ୍’ । ଏହାର ଜବାବରେ କେଙ୍ଗନା ଲେଖିଛନ୍ତି, ଥ୍ୟାଙ୍କ ୟୁ ଟିମ, ଶରୀର ରୋଗଗ୍ରସ୍ତ ହୋଇଥାଏ , ଆତ୍ମା ନୁହେଁ । ଏତେ ସୁନ୍ଦର ଶବ୍ଦ ପାଇଁ ଧନ୍ୟବାଦ ।
