ମେଲବୋର୍ନ, ୧୩।୯ : ଭାରତୀୟ ନୌସେନାର ଆଇଏନଏସ୍ ସତପୁରା ଏବଂ ପି-୮ ଆଇ ସାମୁଦ୍ରିକ ପାଟ୍ରୋଲିଂ ବିମାନ ରୟାଲ ଅଷ୍ଟ୍ରେଲିୟ ନୌସେନା ଦ୍ୱାରା ପରିଚାଳିତ କାକାଡୁ ସମରାଭ୍ୟାସ-୨୦୨୨ରେ ଭାଗ ନେବାକୁ ଅଷ୍ଟ୍ରେଲିଆର ଡାର୍ବିନରେ ପହଞ୍ଚିଛି।
ଭାରତୀୟ ନୌସେନାରୁ ମିଳିଥିବା ସୂଚନା ଅନୁଯାୟୀ, ୧୪ଟି ନୌସେନା ଜାହାଜ ଏବଂ ସମୁଦ୍ର ଯାନ ଏହି ବହୁରାଷ୍ଟ୍ରୀୟ ସମରାଭ୍ୟାସରେ ସାମିଲ ହେବେ। ଏହି ଅଭ୍ୟାସ ଉଭୟ ବନ୍ଦର ଏବଂ ସମୁଦ୍ରରେ ଦୁଇ ସପ୍ତାହ ପର୍ଯ୍ୟନ୍ତ କରାଯିବ। ସମରାଭ୍ୟାସର ବନ୍ଦର ପର୍ଯ୍ୟାୟରେ, ଜାହାଜର କର୍ମଚାରୀମାନେ ଅଂଶଗ୍ରହଣକାରୀ ନୌସେନା ସହିତ କାର୍ଯ୍ୟକ୍ଷମ ଯୋଜନା ଉପରେ ମତାମତ ଆଦାନପ୍ରଦାନ କରିବେ।
ଭାରତୀୟ ନୌସେନା କହିଛି ଯେ ଭାରତ ଏବଂ ଜାପାନର ନୌସେନା ମଧ୍ୟରେ ସାମୁଦ୍ରିକ ଅଭ୍ୟାସ ଜିମେକ୍ସ-୨୦୨୨ର ଷଷ୍ଠ ସଂସ୍କରଣ ୧୧ ସେପ୍ଟେମ୍ବରରେ ବଙ୍ଗୋପସାଗରରେ ଆରମ୍ଭ ହୋଇଛି। ଭାରତୀୟ ନୌସେନାକୁ ତିନୋଟି ସ୍ବଦେଶୀ ଭାବେ ଡିଜାଇନ ଏବଂ ନିର୍ମିତ ହୋଇଥିବା ଯୁଦ୍ଧ ଜାହାଜ ଦ୍ୱାରା ପ୍ରତିନିଧିତ୍ୱ କରାଯାଉଛି। ଗାଇଡେଡ ମିଜାଇଲ ବିନାଶକ ରଣବିଜୟ, ଫ୍ଲାଇଟ ଟ୍ୟାଙ୍କର୍ ଜ୍ୟୋତି, ଅଫଶୋର ପାଟ୍ରୋଲ ଭେସେଲ ସୁକନ୍ୟା, ବୁଡ଼ାଜାହାଜ, ଏଆଇଜି-୨୯ କେ ଯୁଦ୍ଧ ବିମାନ, ଲଙ୍ଗ ରେଞ୍ଜ ସାମୁଦ୍ରିକ ପାଟ୍ରୋଲିଂ ବିମାନ ଏବଂ ଜାହାଜ ଚାଳିତ ହେଲିକପ୍ଟର ମଧ୍ୟ ଏହି ସମରାଭ୍ୟାସରେ ଅଂଶଗ୍ରହଣ କରୁଛନ୍ତି ବୋଲି ଅଧିକାରୀମାନେ କହିଛନ୍ତି।
