ଅଭିନେତ୍ରୀ କାଜୋଲ ଏବଂ ଅଭିନେତା ଅଜୟ ଦେବଗନଙ୍କ ବିବାହକୁ ୨୦ ବର୍ଷରୁ ଅଧିକ ହେଲାଣି। ଏହି ଦୁଇଜଣଙ୍କ ମଧ୍ୟରେ ଥିବା ପ୍ରେମ ଏବଂ ପାରସ୍ପରିକ ବୁଝାମଣା ବେଶ୍ ଭଲ ରହିଛି। ଲୋକମାନେ ମଧ୍ୟ ଏହି ଷ୍ଟାର୍ ଦମ୍ପତିଙ୍କୁ ପସନ୍ଦ କରନ୍ତି କାରଣ, ଯେକୌଣସି ସାଧାରଣ ଦମ୍ପତିଙ୍କ ପରି, ଉଭୟ ମଧ୍ୟ ସେମାନଙ୍କ ଶାଶୁଙ୍କ ଯତ୍ନ ନିଅନ୍ତି। ଏକ ସାକ୍ଷାତକାରରେ ଅଜୟ କହିଥିଲେ ମୋ ମାତାପିତା ତାଙ୍କ ଅପେକ୍ଷା କାଜୋଲଙ୍କୁ ଅଧିକ ବିଶ୍ୱାସ କରନ୍ତି।
ଅଜୟ ମଧ୍ୟ ଶାଶୁ ତନୁଜାଙ୍କ ଯତ୍ନ ନେବାରେ ହେଳା କରନ୍ତି ନାହିଁ। ଶାଶୁ ମା’ ଥରେ ଅଜୟଙ୍କୁ ଗାଳି କରିଥିଲେ। କାଜୋଲ ଘରେ ଥରେ ଅଜୟ ଦେବଗନଙ୍କୁ ଏକ କଲ ଆସିଥିଲା। ଯେତେବେଳେ ତନୁଜା ଏହି କଲ ଉଠାଇଲେ, ଅଜୟ ସିଧାସଳଖ କହିଥିଲେ ଯେ ମୁଁ କାଜୋଲଙ୍କ ସହ କଥାବାର୍ତ୍ତା କରିପାରିବି କି? ଶାଶୁ ତାଙ୍କ ଜ୍ବାଇଁର ସ୍ବରକୁ ଚିହ୍ନିଥିଲେ, କିନ୍ତୁ ସେ ଝିଇକୁ ଡାକିବା ପୂର୍ବରୁ ଅଜୟଙ୍କ ସହ କଥାବାର୍ତ୍ତା ହୋଇଥିଲେ। ତନୁଜାଙ୍କୁ ଏହା ଅଜବ ଲାଗିଥିଲା ଯେ ବିବାହର ୨-୩ ବର୍ଷ ପରେ ମଧ୍ୟ ଅଜୟ ଦେବଗନ ତାଙ୍କୁ କୌଣସି ନାଁରେ ସମ୍ବୋଧନ କରୁ ନାହାନ୍ତି। ଏହି କାରଣରୁ ଅଜୟଙ୍କୁ ଗାଳି ଦେଇ କହିଥିଲେ, ଶୁଣ, ତୁମେ ମୋତେ ମା, ଶାଶୁ ମା କିମ୍ବା ତନୁଜା ଜୀ ବୋଲି ଡାକିବାକୁ ପଡିବ। ଅଜୟ ଏହି କଥା ବୁଝିବାକୁ ଅଧିକ ସମୟ ନେଇ ନ ଥିଲେ ଏବଂ ସେ ତୁରନ୍ତ ଫୋନରେ ନିଜର ଭୁଲକୁ ସଂଶୋଧନ କରି କହିଥିଲେ, ’ଠିକ ଅଛି ମା। ମୁଁ କାଜୋଲଙ୍କ ସହ କଥାବାର୍ତ୍ତା କରିପାରିବି କି? ’
