ଭାରତୀୟ କ୍ରିକେଟ୍କୁ ଆଗକୁ ବଢାଇବା ପାଇଁ ଜନ ରାଇଟ ଅବଦାନ ଅତୁଳନୀୟ। ନ୍ୟୁଜିଲାଣ୍ଡ ପାଇଁ ଜନ ରାଇଟ୍ ଜଣେ ସଫଳ କ୍ରିକେଟର ଥିଲେ। କିନ୍ତୁ ଭାରତୀୟ କ୍ରିକେଟ ପ୍ରଶଂସକମାନେ ତାଙ୍କୁ ଜଣେ କୋଚ୍ ଭାବରେ ମନେ ରଖିଛନ୍ତି। ୫ ଜୁଲାଇ ୧୯୫୪ରେ ଜନ୍ମ ହୋଇଥିବା ରାଇଡ ଭାରତୀୟ କ୍ରିକେଟ ଦଳର ପ୍ରଥମ ବିଦେଶୀ କୋଚ୍ ଥିଲେ। ତତ୍କାଳୀନ ଅଧିନାୟକ ସୌରଭ ଗାଙ୍ଗୁଲିଙ୍କ ସହ ତାଙ୍କର ଯୋଡି ବହୁତ ପ୍ରସିଦ୍ଧ ଥିଲା। ୨୦୦୦ରୁ ୨୦୦୫ ପର୍ଯ୍ୟନ୍ତ ସେ ଭାରତୀୟ ଦଳର କୋଚ ଥିଲେ। ଗାଙ୍ଗୁଲି ଏବଂ ରାଇଟ ମିଳିତ ଭାବେ ଭାରତୀୟ କ୍ରିକେଟ ପରିବର୍ତ୍ତନ କାର୍ଯ୍ୟ ଆରମ୍ଭ କରିଥିଲେ। ଆଜି ଆମେ ଦେଖୁଥିବା ଭାରତୀୟ କ୍ରିକେଟ ଗାଙ୍ଗୁଲି ଏବଂ ରାଇଟଙ୍କ ଯୋଡି ଦ୍ୱାରା ଆରମ୍ଭ ହୋଇଥିବା କୁହାଯାଉଥିଲା। ଭାରତର ପ୍ରଶିକ୍ଷକ ହେବା ପୂର୍ବରୁ ଜନ ରାଇଟ ବିକ୍ରୟ ବିଭାଗରେ କାର୍ଯ୍ୟ କରିଥିଲେ କିନ୍ତୁ ସେଥିରେ ସେ ଅଧିକ ସଫଳତା ପାଇ ନ ଥିଲେ।
କିନ୍ତୁ ରାଇଟ୍ କୋଚ୍ ଥିବାବେଳେ ଏକ ବିବାଦ ଜନ୍ମ ନେଇଥିଲା। ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା ୨୦୧୩ରେ ଏକ କାର୍ଯ୍ୟକ୍ରମ ଯୋଗ ଦେଇ ରାଇଟ୍ଙ୍କ ବିଷୟରେ ଏକ ଖୁଲାସା କରିଥିଲେ। ସେ କହିଥିଲେ ତତ୍କାଳିନ କୋଚ ଜନ ରାଇଟ୍ ଭାରତୀୟ ଓପନର୍ ବୀରେନ୍ଦ୍ର ସେହ୍ବାଗଙ୍କ ବ୍ୟାଟିଂକୁ ନେଇ ଅସନ୍ତୁଷ୍ଟ ଥିଲେ। ସେହ୍ବାଗ ଲଗାତର ଅସଫଳ ହେଉଥିଲେ। ମାତ୍ର କିଛି ବଲ୍ ଖେଳି ସେ ଆଉଟ୍ ହୋଇଯାଉଥିଲେ। ଏଥିରେ ରାଇଟ୍ଙ୍କୁ ଏତେ ରାଗ ଆସିଥିଲା ଯେ ସେ ସେହ୍ବାଗଙ୍କୁ ଏକ ଚାପୁଡା ମାରିଥିଲେ। ଏକଥା ଗାଙ୍ଗୁଲି ଜାଣିବା ମାତ୍ରେ ରାଗି ଯାଇଥିଲେ। ଏକଥା ସେ ଦଳର ମ୍ୟାନେଜର ଥିବା ରାଜୀବ ଶୁକ୍ଳାଙ୍କୁ କହିଥିଲେ। ଏବଂ ରାଇଟ୍ ସେହ୍ବାଗଙ୍କୁ କ୍ଷମା ମାଗିବାକୁ ପଡିବ ବୋଲି କହିଥିଲେ। ରାଜୀବ ତାଙ୍କୁ ଆଶ୍ୱାସନା ଦେଇ ରାଇଟଙ୍କ ସହ କଥା ହେବାକୁ ପ୍ରତିଶ୍ରୁତି ଦେଇଥିଲେ। ରାଇଟ୍ ଏନେଇ କହିଥିଲେ ମୁଁ ତାଙ୍କ ଅସଫଳତାରେ ରାଗିଯାଇଥିଲି। ଚାପୁଡା ମାରିନି ଧକ୍କା ଦେଇଛି। ସଚିନ ରାଜୀବଙ୍କୁ ଏକୁଟିଆ ଡାକି ଯାବି ହୋଇଯାଉ କୋଚ୍ ଖେଳାଳିଙ୍କୁ କ୍ଷମା ନ ମାଗିବାକୁ କହିଥିଲେ। ଏହାପରେ ରାଜୀବ ସେହ୍ବାଗଙ୍କୁ ଡାକି ବୁଝାଇବା ପରେ ମାମଲା ଶାନ୍ତ ପଡିଥିଲା।
