ଲଣ୍ଡନ,୨୪।୭: : ଇଂଲଣ୍ଡ କ୍ରିକେଟ୍ ଦଳକୁ ମିଳିବାକୁ ଯାଉଛି ଜଣେ ନୂତନ ଟେଷ୍ଟ କ୍ୟାପଟେନ୍। ବରିଷ୍ଠ ବ୍ୟାଟ୍ସମ୍ୟାନ୍ ଜୋ ରୁଟଙ୍କୁ ପୁଣି ଥରେ ଇଂଲଣ୍ଡ ଟେଷ୍ଟ ଦଳର କ୍ଷମତା ମିଳିବାକୁ ଯାଉଛି।
ରିପୋର୍ଟ ଅନୁଯାୟୀ, ବେନ୍ ଷ୍ଟୋକ୍ସଙ୍କ ପରେ ହ୍ୟାରି ବ୍ରୁକଙ୍କୁ ଏହି ଦାୟିତ୍ୱ ଦିଆଯାଉ ନାହିଁ। ବ୍ରୁକ୍ ବର୍ତ୍ତମାନ ଦିନିକିଆ ଏବଂ ଟି-୨୦ ଦଳର ଅଧିନାୟକ ଥିବାରୁ ଇଂଲଣ୍ଡ ଏବଂ ଓ୍ୱେଲ୍ସ କ୍ରିକେଟ୍ ବୋର୍ଡ (ECB) ତାଙ୍କୁ ତିନୋଟି ଯାକ ଫର୍ମାଟର ବୋଝ ଦେବାକୁ ଚାହୁଁନାହିଁ।
ନିକଟରେ ହ୍ୟାରି ବ୍ରୁକ୍ ଏକ ବୟାନ ଦେଇଥିଲେ ଯେ, ସୁଯୋଗ ମିଳିଲେ ସେ ଟେଷ୍ଟ କ୍ୟାପଟେନ୍ ହେବାକୁ ପ୍ରସ୍ତୁତ, କିନ୍ତୁ ଚୟନକର୍ତ୍ତାମାନେ ପୁଣି ଥରେ ଜୋ ରୁଟ୍ଙ୍କୁ ଅଧିନାୟକ ଭାବେ ଦାୟିତ୍ୱ ଦେବାକୁ ଚାହୁଁଛନ୍ତି।
ସୂଚନାଯୋଗ୍ୟ ଯେ, ଜୋ ରୁଟ୍ ପ୍ରଥମେ ୨୦୧୭ ମସିହାରେ ଆଲିଷ୍ଟର କୁକ୍ଙ୍କ ସ୍ଥାନ ନେଇ ଇଂଲଣ୍ଡର ୮୦ତମ ଟେଷ୍ଟ କ୍ୟାପଟେନ୍ ହୋଇଥିଲେ। ପରେ ୨୦୨୨ ମସିହାରେ ସେ ଅଧିନାୟକ ପଦରୁ ଓହରି ଯାଇଥିଲେ। ସେ ଇଂଲଣ୍ଡ ପାଇଁ ୬୫ଟି ଟେଷ୍ଟ ମ୍ୟାଚ୍ରେ କ୍ୟାପଟେନ୍ସି କରିଛନ୍ତି, ଯେଉଁଥିରୁ ୨୭ଟିରେ ଜିତିଥିବା ବେଳେ ୨୭ଟିରେ ପରାଜୟର ସମ୍ମୁଖୀନ ହୋଇଛନ୍ତି। ସେ ଇଂଲଣ୍ଡ ପାଇଁ ସବୁଠାରୁ ଅଧିକ ଟେଷ୍ଟ ମ୍ୟାଚ୍ ଜିତିଥିବା ଅଧିନାୟକ ଅଟନ୍ତି। ଅଧିନାୟକ ଭାବେ ସେ ଟେଷ୍ଟରେ ୪୬.୭୧ ହାରରେ ୫୪୧୮ ରନ୍ କରିଛନ୍ତି, ଯେଉଁଥିରେ ୧୫ଟି ଶତକ ମଧ୍ୟ ସାମିଲ ଅଛି।
