ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କର ଆଜି ଅର୍ଥାତ୍ ବୁଧବାର ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ। ଭାରତୀୟ ସମୟ ଅନୁସାରେ ଏହି କାର୍ଯ୍ୟକ୍ରମ ରାତି ସାଢ଼େ ୧୦ ଟାରେ ହେବ। ଏହି ଅବସରରେ ଜୋ ବାଇଡେନ ରାଷ୍ଟ୍ରପତି ଏବଂ କମଲା ହାରିସ ଉପରାଷ୍ଟ୍ରପତି ପଦ ପାଇଁ ଶପଥ ନେବେ। ଟ୍ରମ୍ପଙ୍କୁ ହରାଇ ହ୍ବାଇସ୍ ହାଉସ୍ରେ ନିଜ ପାଇଁ ସ୍ଥାନ ତିଆରି କରିପାରିଥିବା ବାଇଡେନ ଆମେରିକା ଇତିହାସରେ ବର୍ତ୍ତମାନ ପର୍ଯ୍ୟନ୍ତ ସବୁଠାରୁ ଅଧିକ ବୟସ୍କ ରାଷ୍ଟ୍ରପତି ହୋଇପାରିଛନ୍ତି।
ଜୋସେଫ ରବିନେଟ୍ ବାଇଡେନ ଓରଫ୍ ଜୋ ବାଇଡେନ ୧୯୪୨ ମସିହାରେ ପେନସିଲଭାନିଆର ସ୍କ୍ରେଣ୍ଟନରେ ଜନ୍ମଗ୍ରହଣ କରିଥିଲେ। ଏହା ପରେ ସେ ଡେଲାଓ୍ବେର ଚାଲିଯାଇଥିଲେ। ଯେତେବେଳେ ସେ ୧୦ ବର୍ଷର ହୋଇଥିଲେ ସ୍କୁଲରେ ପିଲାମାନେ ତାଙ୍କୁ ଚିଡ଼ାଉଥିଲେ। କାରଣ କଥା ହେଲାବେଳେ ତାଙ୍କର ପାଟି ଲାଗୁଥିଲା। ହାଇସ୍କୁଲରେ ସେ ଫୁଟବଲ ମଧ୍ୟ ଦେଳୁଥିଲେ। ୧୯୬୦ରେ ସେ ଏପରି ଖେଳୁଥିଲେ ଯେ, ଯେଉଁ ଟିମ୍ରେ ରହୁଥିଲେ ଉକ୍ତ ଟିମ୍ ଆଦୌ ହେଲେ ହାରୁ ନ ଥିଲା। ବାଇଡେନ୍ ରାଜନୀତିକୁ ଆସିବା ପୂର୍ବରୁ ଜଣେ ଓକିଲ ଭାବେ କାମ କରୁଥିଲେ। ଲ’ ପାଠପଢ଼ା ଶେଷ ହେବାପରେ ସେ ଭିଏତନାମା ଯୁଦ୍ଧରେ ସେବା କରିବାକୁ ଯାଇଥିଲେ। ମାତ୍ର ଆଜ୍ମା କାରଣରୁ ସେ ମେଡିକାଲ ଟେଷ୍ଟରେ ଫେଲ୍ ହୋଇଯାଇଥିଲେ। ୧୯୭୨ରେ ବାଇଡେନ୍ଙ୍କ ପୂର୍ବତନ ସ୍ତ୍ରୀ ଓଆମି ଏବଂ ୧ବର୍ଷର ଝିଅଙ୍କର ଏକ କାର ଦୁର୍ଘଟଣାରେ ମୃତ୍ୟୁ ଘଟିଥିଲା। ଏହି ସମୟରେ ତାଙ୍କର ଅନ୍ୟ ୨ ଝିଅ ମଧ୍ୟ ଉକ୍ତ କାରରେ ଥିଲେ। ମାତ୍ର ସେ ବଞ୍ଚିଯାଇଥିଲେ। ୨୦୧୫ରେ ତାଙ୍କର ବଡ଼ ପୁଅର ବ୍ରେନ୍କ୍ୟାନ୍ସରରେ ମୃତ୍ୟୁ ଘଟିଥିଲା। ଖୁବ୍ କମ୍ ଲୋକେ ଜାଣିଥିବେ ଯେ ବାଇଡେନ୍ ଆଇସ୍କ୍ରିମ୍ ଖାଇବାକୁ ବହୁତ ଭଲପାଆନ୍ତି। ଏକଦା ସେ କହିଥିଲେ, ମୋ ନାଁ ଜୋ ବାଇଡେନ୍, ମୁଁ ଆଇସ୍କ୍ରିମ୍ ଖାବିକାକୁ ବହୁତ ଭଲପାଏ। ଆହୁରି ମଧ୍ୟ କହିଥିଲେ, ମୁଁ ମଦ ପିଏ ନାହିଁ, ସିଗାରେଟ୍ ପିଲ ନାହିଁ ମାତ୍ର ବହୁତ ଆଇସକ୍ରିମ୍ ଖାଏ ବୋଲି କହିଥିଲେ।
