ଆମେ ଏକବିଂଶ ଶତାବ୍ଦୀରେ ପହଞ୍ଚିଛୁ ଏବଂ ବର୍ତ୍ତମାନ ସାରା ବିଶ୍ୱରେ ମହିଳାଙ୍କ ସ୍ଥିତି ବହୁତ ବଦଳିଛି। ଝିଅମାନେ ଆଉ ପୂର୍ବପରି ନାହାନ୍ତି। ସେମାନେ ପୁଅମାନଙ୍କ ପରି ସମାନ ଭାବରେ ଅଧ୍ୟୟନ କରୁଛନ୍ତି, ବୁଲୁଛନ୍ତି, ଚାକିରି କରୁଛନ୍ତି। ଅଧିକାଂଶ ମହିଳା ମଧ୍ୟ ଆର୍ଥିକ ଦୃଷ୍ଟିରୁ ସ୍ବାଧୀନ ଭାବେ ଜୀବନ ବିତାଉଛନ୍ତି। ଏପରି ପରିସ୍ଥିତିରେ ଏମିତି ଜଣେ ଯୁବତୀଙ୍କ ବିଷୟରେ କହିବୁ, ଯିଏ କି ତାଙ୍କର ସମସ୍ତ ଖର୍ଚ୍ଚ ତାଙ୍କ ପ୍ରେମିକଙ୍କଠାରୁ ହିଁ ଉଠାନ୍ତି।
ଏକ ରିପୋର୍ଟ ଅନୁଯାୟୀ, ୨୫ ବର୍ଷୀୟା ୟେଲେନା ଲାଲା ନିଜ ପାଇଁ ଏକ ଭିନ୍ନ କ୍ୟାରିୟର ବାଛିଛନ୍ତି। ଯଦିଓ ସେ ଉଚ୍ଚଶିକ୍ଷିତା, ସେ ନିଜେ ଗୋଟିଏ ପଇସା ଖର୍ଚ୍ଚ କରିବାକୁ ଚାହାନ୍ତିନି ଏବଂ ପ୍ରେମିକା ସାଜି ପ୍ରଚୁର ଟଙ୍କା ରୋଜଗାର କରନ୍ତି।
ୟେଲେନା ଲାଲା ତାଙ୍କ ପ୍ରେମିକଙ୍କ ନାମ ପ୍ରକାଶ ନ କରି କହିଛନ୍ତି, ସେ ୩୪ ବର୍ଷୀୟ ଜଣେ ଯୁବକଙ୍କୁ ପ୍ରେମ କରନ୍ତି ଏବଂ ସେ ନ୍ୟୁୟର୍କର ଟେକ୍ ଇଣ୍ଡଷ୍ଟ୍ରିରେ କାମ କରନ୍ତି। ନିକଟରେ ସେ ତାଙ୍କୁ ଭେଟିବା ପାଇଁ ବ୍ୟକ୍ତିଗତ ଜେଟ୍ ଯୋଗେ ଆସିଥିଲେ। ସେପ୍ଟେମ୍ବର ୨୦୨୦ରେ ସେମାନଙ୍କର କଥାବାର୍ତ୍ତା ଆରମ୍ଭ ହୋଇଥିଲା ଏବଂ ସେବେଠାରୁ ସେ ତାଙ୍କୁ ଆର୍ଥିକ ସହାୟତା କରି ଆସୁଛନ୍ତି। ସେମାନେ ଏକାଠି ବୁଲିବାକୁ ଯାଆନ୍ତି ଏବଂ ଏପର୍ଯ୍ୟନ୍ତ ୫୫ଟି ବିଭିନ୍ନ ଦେଶ ପରିଦର୍ଶନ କରିଛନ୍ତି। ସେ କୁହନ୍ତି ମୋ’ ବୁଲିବାରେ ବର୍ଷକୁ ପ୍ରାୟ ୩ କୋଟି ଟଙ୍କା ଖର୍ଚ୍ଚ ହୋଇଥାଏ। ଯାହା ତାଙ୍କ ପ୍ରେମିକ ଖର୍ଚ୍ଚ କରିଥାନ୍ତି।
ୟେଲେନା କହିଛନ୍ତି, ମୁଁ କୌଣସି କାମ କରେ ନାହିଁ କିନ୍ତୁ ନିଜକୁ ବ୍ୟସ୍ତ ରଖିବା ପାଇଁ ଶୋଇଥାଏ ଏବଂ ଆରାମରେ ଉଠିଥାଏ। ସେ କହିଛନ୍ତି, ମୁଁ ସବୁବେଳେ ଆରାମଦାୟକ ଜୀବନଯାପନ କରିବାକୁ ଚାହୁଁଥିଲି। ସେ ବିଶ୍ୱାସ କରନ୍ତି ଯେ, ଜଣେ ମହିଳାଙ୍କ ଯତ୍ନ ନେବା ପୁରୁଷଙ୍କ କାମ। ଯଦି ସେ ତାଙ୍କୁ ଭଲ ପାଆନ୍ତି ତେବେ ସେ ନିଜ ସାଥୀଙ୍କ ଯତ୍ନ ନେଇପାରିବେ। ମୋଟ୍ ଉପରେ ଟଙ୍କା ବିଷୟରେ ଚିନ୍ତା ନ କରି ସୁଖମୟ ଜୀବନଯାପନ କରିବା ତାଙ୍କର ଏକମାତ୍ର ଲକ୍ଷ୍ୟ। ଯେଉଁ ଲକ୍ଷ୍ୟ ନେଇ ସେ ଆଜିପର୍ଯ୍ୟନ୍ତ ଚାଲିଛନ୍ତି।
