ନୂଆଦିଲ୍ଲୀ,୯।୧୨:ଦେଶର ପ୍ରମୁଖ ଟେଲିକମ୍ କମ୍ପାନୀ ରିଲାଏନ୍ସ ଜିଓ ଏବଂ ସ୍ମାର୍ଟଫୋନ ବ୍ରାଣ୍ଡ୍ ରିଅଲମି ମଧ୍ୟରେ ଏକ ବ୍ୟବସାୟିକ ସହଭାଗିତା ସ୍ଥାପନ କରାଯାଇଥିବା ଉଭୟ କମ୍ପାନୀ ପକ୍ଷରୁ ସୂଚନା ଦିଆଯାଇଛି। ଏ ସମ୍ପର୍କରେ ଜିଓ ପ୍ଲାଟ୍ଫର୍ମସ୍ ଲିମିଟେଡ୍ର ସିଇଓ କିରଣ ଥୋମାସ୍ କହିଛନ୍ତି, ରିଅଲମି ସହ ଆଉ ଏକ ଗୁରୁତ୍ୱପୂର୍ଣ୍ଣ ସହଭାଗିତା ସ୍ଥାପନ କରିଥିବାରୁ ଆମେ ଅତ୍ୟନ୍ତ ଉତ୍ସାହିତ ଅଛୁ। ବିଶେଷକରି ରିଅଲମି ୧୦ପ୍ରୋ+ ଭଳି ଶକ୍ତିଶାଳୀ ୫ଜି ସ୍ମାର୍ଟଫୋନ୍ର ଦକ୍ଷତାକୁ କେବଳ ଜିଓ ଭଳି ଟ୍ରୁ-୫ଜି ନେଟ୍ୱର୍କ ଜରିଆରେ ପ୍ରଦର୍ଶିତ କରାଯାଇପାରିବ। ଏପରିକି ଜିଓ ଟ୍ରୁ-୫ଜି ହେଉଛି ଭାରତ ସମେତ ବିଶ୍ୱର ସବୁଠୁ ଉନ୍ନତ ନେଟ୍ୱର୍କ ଭାବେ ପରିଗଣିତ ହେଉଛି। ସେହିଭଳି ରିଅଲ୍ମି ଇଣ୍ଡିଆର ସିଇଓ ମାଧବ ସେଠ୍ କହିଛନ୍ତି, ୫ଜି ଷ୍ଟାଣ୍ଡ୍-ଏଲୋନ୍, ଏନ୍ଆର୍ସିଏ, ବିଓଏନ୍ଆର୍ ଭଳି ପ୍ରଯୁକ୍ତି ଲାଗି ଜିଓ ସହ ରିଅଲ୍ମି ହାତ ମିଳାଇଛି। ଗ୍ରାହକମାନଙ୍କୁ ଟ୍ରୁ-୫ଜି ଅନୁଭୂତି ପ୍ରଦାନ କରିବା ଲାଗି ଜିଓ ସହ ସହଭାଗିତାରେ ରିଅଲ୍ମି ପକ୍ଷରୁ ନିର୍ଦ୍ଦିଷ୍ଟ କେତେକ ଶୋ’ରୁମ୍ରେ ଟ୍ରୁ-୫ଜି ଏକ୍ସପେରିଏନ୍ସ ଜୋନ୍ ମଧ୍ୟ ସ୍ଥାପନ କରାଯାଇଛି।
ସୂଚନାଯୋଗ୍ୟ, ରିଲାଏନ୍ସ ଜିଓ ହେଉଛି ଏକମାତ୍ର ଅପରେଟର ଯାହା, ଷ୍ଟାଣ୍ଡ୍-ଏଲୋନ୍ ୫ଜି ନେଟ୍ୱର୍କର ଶୁଭାରମ୍ଭ କରୁଛି। ଏପରିକି ଷ୍ଟାଣ୍ଡ୍-ଏଲୋନ୍ ୫ଜି ନେଟ୍ୱର୍କର ବିଶେଷତ୍ୱ ହେଉଛି, ଏହା ୪ଜି ନେଟ୍ୱର୍କ ଉପରେ ଆଦୌ ନିର୍ଭରଶୀଳ ନୁହେଁ। ବିଶେଷ କରି ଏହା ହାଇ ସ୍ପିଡ୍ ‘ଡାଟା ହାଇୱେ’ ମଧ୍ୟ ପ୍ରସ୍ତୁତ କରିଥାଏ।
ଉଲ୍ଲେଖଯୋଗ୍ୟ, ରିଅଲ୍ମି ପକ୍ଷରୁ ନୂଆ ୫ଜି ସ୍ମାର୍ଟଫୋନ୍ ୧୦ପ୍ରୋ ସିରିଜ୍କୁ ନିକଟରେ ଉନ୍ମୋଚନ କରାଯାଇଛି, ଯାହାର ବଜାର ମୂଲ୍ୟ ୧୭,୯୯୯ ଟଙ୍କାରୁ ଆରମ୍ଭ ହେଉଛି। ଏପରିକି ଉକ୍ତ ସ୍ମାର୍ଟଫୋନ୍ର ବିକ୍ରି ଚଳିତ ମାସ ୧୪ରୁ ଆରମ୍ଭ ହେବ। ସେହିଭଳି ରିଅଲ୍ମି ପକ୍ଷରୁ କୁହାଯାଇଛି ଯେ ଜିଓ ସହ ମିଶି କମ୍ପାନୀ ଅନେକ ପ୍ରକାର ବଣ୍ଡଲ୍ଡ ଅଫରର ମଧ୍ୟ ଶୁଭାରମ୍ଭ କରିବ।
