ନୂଆଦିଲ୍ଲୀ,୬।୧୧: ଦେଶରେ ଗୋଟିଏ ପଟେ କରୋନା ମହାମାରୀ ସଂକ୍ରମଣ ବୃଦ୍ଧି ପାଉଥିବା ବେଳେ, ଅନ୍ୟପକ୍ଷେ ଗ୍ରାହକଙ୍କ ମଧ୍ୟରେ ଇଣ୍ଟରନେଟ ଡାଟାର ଚାହିଦା ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି ଟେଲିକମ କମ୍ପାନୀଗୁଡିକ ଗ୍ରାହକଙ୍କ ପାଇଁ ଏକାଧିକ ଯୋଜନା ଆରମ୍ଭ କରିଛନ୍ତି। ଏହି କ୍ରମରେ ଦେଶର ବୃହତ୍ତମ ଟେଲିକମ କମ୍ପାନୀ ରିଲାଏନ୍ସ ଜିଓ ମଧ୍ୟ ଗ୍ରାହକଙ୍କୁ ନୂତନ ପ୍ଲାନ(ଯୋଜନା) ଏବଂ ଅଫର ପ୍ରଦାନ କରୁଛି। ବର୍ତ୍ତମାନ କମ୍ପାନୀ ଜିଓଫୋନ ବ୍ୟବହାରକାରୀଙ୍କ ପାଇଁ ବାର୍ଷିକ ‘ଅଲ-ଇନ-ଓ୍ବାନ’ଯୋଜନା ଆରମ୍ଭ କରିଛି। ଏହା ଏକାସାଙ୍ଗରେ ତିନୋଟି ଯୋଜନାକୁ ନେଇ ଗଠିତ। ଏଥିରେ ବ୍ୟବହାରକାରୀଙ୍କୁ ଦୀର୍ଘ ୩୩୬ ଦିନର ବୈଧତା ସହ ୫୦୪ ଜିବି ଡାଟାର ସୁବିଧା ମିଳିବ।
ଜିଓଫୋନ୍ ପାଇଁ ୧୦୦୧ ଟଙ୍କାର ପ୍ଲାନ୍:
‘ଅଲ-ଇନ୍-ୱାନ’ର ପ୍ରଥମ ପ୍ଲାନ ହେଉଛି ୧୦୦୧ ଟଙ୍କାର। ଏହାର ବୈଧତା ୩୩୬ ଦିନ। ଏଥିରେ ୪୯ ଜିବି ଡାଟା, ପ୍ରତିଦିନ ୧୫୦ ଏମ୍ବି ଡାଟା ମିଳିବ। ଏହାଛଡ଼ା ଦୈନିକ ୧୦୦ ଟି ଏସ୍ଏମ୍ଏସ୍ର ସୁବିଧା, ଜିଓରୁ ଜିଓ ନମ୍ବରରେ ଅସୀମିତ କଲିଂର ସୁବିଧା, ଅନ୍ୟ ନେଟୱାର୍କରେ କଲ୍ କରିବା ପାଇଁ ୧୨୦୦୦ ମିନିଟ ଏବଂ ଜିଓ ଆପ୍ଗୁଡ଼ିକର ବିନାମୂଲ୍ୟରେ ସଦସ୍ୟତା ମଧ୍ୟ ମିଳିବ।
ଜିଓଫୋନ୍ ପାଇଁ ୧୩୦୧ ଟଙ୍କାର ପ୍ଲାନ
‘ଅଲ-ଇନ-ୱାନ’ର ଦ୍ୱିତୀୟ ପ୍ଲାନ୍ଟିର ମୂଲ୍ୟ ହେଉଛି ୩୦୧ ଟଙ୍କା। ଏହାର ବୈଧତା ୩୩୬ ଦିନ। ଏହି ସମୟ ମଧ୍ୟରେ, ଆପଣ ୧୬୪ ଜିବି ଡାଟା ପାଇପାରିବେ। ପ୍ରତିଦିନ ୫୦୦ ଏମ୍ବି ଡାଟା ଉପଲବ୍ଧ ହେବ। ଦୈନିକ ୧୦୦ ଏସ୍ଏମ୍ଏସ୍ କରିପାରିବେ। ଜିଓରୁ ଜିଓ ନମ୍ବରରେ ଅସୀମିତ କଲିଂ ସୁବିଧା ଏବଂ ଅନ୍ୟ ଏକ ନେଟୱାର୍କକୁ କଲ କରିବାକୁ ୧୨୦୦୦ ମିନିଟ ମିଳିବ। ଜିଓ ଆପ୍ଗୁଡ଼ିକରର ବିନାମୂଲ୍ୟ ସବ୍ସ୍କ୍ରିପ୍ସନ୍(ସଦସ୍ୟତା) ମଧ୍ୟ ଉପଲବ୍ଧ ହେବ ।
ଜିଓଫୋନ୍ ପାଇଁ ୧୫୦୧ ଟଙ୍କାର ପ୍ଲାନ
‘ଅଲ-ଇନ-ୱାନ୍’ର ତୃତୀୟ ଯୋଜନାର ମୂଲ୍ୟ ହେଉଛି ୩୦୧ ଟଙ୍କା। ଏହାର ବୈଧତା ୩୩୬ ଦିନ। ଏହି ସମୟ ମଧ୍ୟରେ ଆପଣ ୫୦୪ ଜିବି ଡାଟା ପାଇପାରିବେ। ଦୈନିକ ୧୦୦ ଏସ୍ଏମ୍ଏସ୍ କରିପାରିବେ। ଜଣେ ପ୍ରତିଦିନ ୧.୫ ଜିବି ଡାଟାର ଲାଭ ଉଠାଇପାରିବେ। ଏହାଛଡ଼ା ଅନ୍ୟ ଏକ ନେଟୱାର୍କକୁ କଲ କରିବାକୁ ୧୨୦୦୦ ମିନିଟ ସମୟଏବଂ ଜିଓ ଆପ୍ଗୁଡ଼ିକର ବିନାମୂଲ୍ୟ ସଦସ୍ୟତା ମଧ୍ୟ ଉପଲବ୍ଧ ହେବ।
