ରାଉରକେଲା,୨୪।୮: ସୁନ୍ଦରଗଡ଼ ଜିଲା କେ.ବଲାଙ୍ଗ ଥାନା ନିକଟ ଜଙ୍ଗଲରୁ ସୋମବାର ବିପୁଳ ପରିମାଣର ବିସ୍ଫୋରକ ଜବତ ହୋଇଛି। ମାଓବାଦୀମାନେ ଜଙ୍ଗଲରେ ଏହି ବିସ୍ଫୋରକ ଲୁଚାଇ ରଖିଥିବା ଜଣାପଡିଛି। ଜବତ ବିସ୍ଫୋରକ ମଧ୍ୟରେ ବିପୁଳ ପରିମାଣର ଆଇଇଡି ବିସ୍ଫୋରକ ସହ AK-47 ରାଇଫଳ ଏବଂ ମାଓବାଦୀ ସାମଗ୍ରୀ ଜବତ କରାଯାଇଛି।
ମିଳିଥିବା ସୂଚନା ମୁବାବକ, ଝାଡ଼ଖଣ୍ଡ ଏବଂ ରାଉରକେଲା ପୋଲିସର ମିଳିତ ଆନୁକୂଲ୍ୟରେ କେ.ବଲାଙ୍ଗ ଥାନା ନିକଟ ଜଙ୍ଗଲରେ କୋମ୍ବିଂ ଅପରେଶନ ଚାଲିଥିଲା। ସର୍ଚ୍ଚ ଅପରେଶନ ବେଳେ ମାଓବାଦୀମାନେ ଲୁଚାଇ ରଖିଥିବା ବିସ୍ଫୋରକ ଜବତ କରାଯାଇଛି। ଅନ୍ୟପକ୍ଷେ ଜଙ୍ଗଲରେ ମାଓବାଦୀଙ୍କ ଗତିବିଧିକୁ ଦୃଷ୍ଟିରେ ରଖି ଅପରେଶନକୁ ଜୋରଦାର କରାଯାଇଛି।
